2 Sam 11:9 - BAEBOLO ANZƐƐ BULUKU NWUANZANWUANZA

⁹ Noko Yulaya angɔ sua nu; ɔ nee belemgbunli sinzavolɛma ne lale belemgbunli suakunlu anlenkɛ kpole ne anloa.

2 Sam 11:9 ပူးပေါင်းရင်းမြစ်များ

2 Sam 11:10

Na bɛhanle bɛhilele Devidi kɛ Yulaya angɔ sua nu. Yemɔti ɔbizale ye kɛ, “Anzɛɛ ɛnvi adenle a wɔra a?”

2 Sam 11:13

Devidi nee ye kpulale bɛ sa wɔ nɔsolɛ nu na bɛnlonle nza. Ɔmanle Yulaya bole kpole kpalɛ, noko eza yeangɔ sua nu. Ɔlale ye kundu ne azo wɔ suakunlu sinzavolɛma sua ne anu.

1 Arl 14:27

Yemɔti Belemgbunli Rilihɔbowam vale ayera nee kɔbele yɛle bie ziele bɛ bo zo na ɔvale ɔwulale sinzavolɛma mɔɔ wɔ belemgbunli sua nu ɛkɛ ne la asa anu.

1 Arl 14:28

Mekɛ biala mɔɔ belemgbunli kɛze kɛ ɔkɔ Ɛzonlenlɛ Sua ne anu la, sinzavolɛma ne mɔ soa ninyɛne ne mɔ nee bɛ belemgbunli ne kɔ; bɛkpɔne na bɛkɔ sua nu a eza bɛazoa bɛ nee ye ahɔ na bɛava bɛahɔzie bɛ bo zo ne wɔ ɛzinzalɛ sua ne anu.

Mrɛlɛbulɛ Buluku ne 21:30

Nrɛlɛbɛ, ndelebɛbo, yɛɛ folɛdulɛ biala ɛnle ɛkɛ mɔɔ kola gyinla Ɛdɛnkɛma anyunlu a.