2 Sam 11:21 - BAEBOLO ANZƐƐ BULUKU NWUANZANWUANZA

²¹ Bɛngakye kɛ bɛzile bɛhunle Gediyɔn ara Abemɛlɛke la ɔ? Tibɛze yɛɛ raalɛzinli vuandinle ɛdibolɛ wɔ bane ne azo dole ɔ nwo zo hunle ye a. Duzu ati bɔbɔ yɛɛ akee bɛbikyele bane ne zɔhane a?’ Saa belemgbunli biza bɛ kpuyia ɛhye mɔ a bɛze ye kɛ, ‘Wɔ safohyenle Yulaya ɔdaye noko bɛhu ye.’ ”

2 Sam 11:21 ပူးပေါင်းရင်းမြစ်များ

2 Sam 11:17

Kpɔvolɛ ɛlɔnema ne vi suakpole ne azo vindele nee Dwowabe rahonle, na Devidi konle mgbanyima ne bie mɔ dɔle; Yulaya boka nwolɛ.

2 Sam 11:20

wɔannea a ɔbava ɛya yeabiza bɛ kɛ, ‘Duzu ati a bɛbikyele suakpole ne somaa kɛ bɛ nee bɛ kaho ɛ? Bɛnze kɛ bɛbawula ɛda bane ne mɔ anu bɛado ɔ?

2 Sam 11:22

Yemɔti soanvolɛ ne hɔhanle mɔɔ Dwowabe hanle hilele ye la amuala hilele Devidi.

2 Sam 3:27

Bɛ nee Abenɛɛ rale Hibulɔn la, Dwowabe vale ye vindele anlenkɛ kpole ne anzi lɔ kɛ asɛɛ ɔka edwɛkɛ yeahile ye, na ɔwɔle ye dadeɛ ɔ kunlu ɔhunle ye. Bɛhunle Abenɛɛ, ɔboalekɛ yehu Dwowabe adiema Asahɛle.

2 Sam 3:34

Bɛankyekye ɛ sa, bɛangua ɛ gyakɛ nwɔnzɔnwɔnzɔ; Kɛmɔ sonla si wu maamɔvoma asa anu la, zɔhane ala yɛɛ wɔwu a.” Na menli ne kɔsɔɔti eza zunle Abenɛɛ bieko.

Edwɛndolɛ Buluku ne 39:8

Die me fi me mɛladonlɛ kɔsɔɔti anu. Mmamaa ahoasea sele me!

Ayezaya Buluku ne 14:10

Bɛ muala bɛbadendɛ na bɛaze wɔ kɛ, ‘Ɛdawɔ noko wɔyɛ bɛtɛɛ kɛ yɛdayɛ la. Ɛ nee yɛ ɛyɛ pɛ!

Maanlebuvolɛma Buluku ne 6:32

Ɛhye ati ɔvi kenle ko zɔhane bɛdonle Gedɛyɔn, Gyɛlɛbeeyale, ɔboalekɛ Dwowahye zele kɛ, “Bɛmaa Beeyale ɛho ɛmaa ɔ nwo”, kɛmɔ Gedɛyɔn ɛbubu ye azukponle ne ɛgua la.

Maanlebuvolɛma Buluku ne 7:1

Gedɛyɔn nee ye ɛlɔnema ne amuala dwazole kenle ko aleɛbahye na bɛhɔdɛle Hɛlɔdo Nzubula ne azo. Medeanema azokoɛleɛ ɛdeɛ ne wɔ Gedɛyɔn ɛdeɛ ne sɔlɔ, wɔ Moli Boka ne foa ko bɔnza ne anu.