2 Sam 11:1 - BAEBOLO ANZƐƐ BULUKU NWUANZANWUANZA

¹ Nyenyensuo ne anu, ɛvolɛ ne anu mekɛ mɔɔ arelemgbunli ne mɔ fa ko bɛ konle ne mɔ la, Devidi zoanle Dwowabe nee ye mgbanyima nee Yizilayɛ ɛlɔnema kɔsɔɔti manle bɛhɔbɔle Amɔnoma abo zo bɔkɔɔ na bɛvale suakpole Relaba. Devidi ɔdaye mumua ne yeangɔ bie, yemɔ ɔdɛnlanle Gyɛlusalɛm.

2 Sam 11:1 ပူးပေါင်းရင်းမြစ်များ

2 Sam 10:14

Mɔɔ Amɔnoma nwunle kɛ Seleama ɛgua ɛbɔ nu la, bɛdabɛ noko bɛguale ndwɛlɛ aze wɔ Abehyae anyunlu, na bɛhɔnwenwenle suakpole ne azo. Na Dwowabe vi konle ne anloa ziale hɔle Gyɛlusalɛm.

1 Arl 20:22

Nyamenle kpɔmanvolɛ ne hwenle bikyele Yizilayɛ belemgbunli ne na ɔzele ye kɛ, “Sia kɔboɔboa ɛ nwo; nea wɔ ɛlɔnema ne mɔ maa bɛboɔboa bɛ nwo. Ɔluakɛ Selea belemgbunli ne bava konle aradoa wɔ wɔ nyenyensuo mekɛ ne anu.”

1 Arl 20:26

Wɔ nyenyensuo mekɛ ne mɔlebɛbo, Bɛneheedade boɔboale ye ɛlɔnema anloa na ɔhɔdoale Yizilayɛma wɔ suakpole Efɛke azo kɛ bɛ nee bɛ kaho.

1 Edk 20:1

Nyenyensuo mekɛ ne, mɔɔ le ɛvolɛ biala anu mekɛ mɔɔ arelemgbunli fa kɔ konle la dwule bieko la, Dwowabe vale ye ɛlɔnema ne hɔle Amɔnoma anwo zo arɛlevilɛ nu. Belemgbunli Devidi ɛnee wɔ Gyɛlusalɛm; yeangɔ bie. Bɛbɛnrale bɛyiale suakpole Relaba, bɛvale konle bɛdoale bɛ, na bɛbɔle sua ne tɔɔ.

2 Edk 36:10

Ɛvolɛ ne mɔɔ ɔlile ebia ne la ala anu, nyenyensuo mekɛ ne anu, Belemgbunli Nɛbukadenɛza zoanle manle bɛhɔvale ye bɛhɔle Babelonia, na bɛsesale Ɛdɛnkɛma Ɛzonlenlɛ Sua ne anu dwora nee ahyɛnze biala mɔɔ sonle bolɛ la bɛhɔle, na bɛyɛle ɔ diema Zɛdikaya Dwuda nee Gyɛlusalɛm belemgbunli.

Edwɛndolɛ Buluku ne 60:9

Nwane a kɛva me kɛhɔ suakpole ne mɔɔ bɛhye nwo la azo a? Nwane a kɛva me kɛhɔ Yidɔm a?

Nolo 3:8

mekɛ mɔɔ bɛkile ɛhulolɛ, yɛɛ mekɛ mɔɔ bɛkile ɛkpɔlɛ; mekɛ mɔɔ bɛkɔ konle, yɛɛ mekɛ mɔɔ anzonudwolɛ ba.

Gyɛlɛmaya Buluku ne 49:2

Bɛnlea, mekɛ ɛlɛba mɔɔ mebamaa konle azi Amɔnoma suakpole Relaba azo abɔ ye, na ye namunamu ne mɔ ayela adɔ nzonle. Yizilayɛma baza menli mɔɔ liele bɛ azɛlɛ ne bɛ sa nu la alie bɛ debie, medame Ɛdɛnkɛma a mese a.

Gyɛlɛmaya Buluku ne 49:3

O Hɛhyebɔnoma, bɛye awolɛ, ɔluakɛ Eyae ɛbɔ! Relaba mraalɛ, bɛzu! Bɛva ɛrele bɛheda, bɛzu bɛkpɔsa, ɔluakɛ bɛbava bɛ bozonle Melekɔm, ye ahɔmenle yɛɛ bɛ mgbanyima ne mɔ amuala bɛahɔ nlɔnu.

Yizikeɛle Buluku ne 21:20

Kile adenle mɔɔ dadeɛ ne balua nuhua ara Amɔnoma sua ne mɔɔ bɛfɛlɛ ye Relaba la azo, maa ɔlua ɛkɛ ɔrɛla Dwuda na ɔhɔ suakpole Gyɛlusalɛm mɔɔ bɛhye nwolɛ ɛhane la azo.

Emɔzo Buluku ne 1:14

Yemɔti mebado senle suakpole Relaba bane ne mɔ anu, na senle ne bayela ye aranemgbole ne mɔ. Akee bɛbadeɛdea nu wɔ konle kenle ne, na konle ne anu bayɛ se kɛ ahumuakyima la.

Zɛkalaya Buluku ne 14:3

Akee Ɛdɛnkɛma bahɔ na ɔ nee maanle maanle ne mɔ ahɔho, kɛmɔ ɔyɛ a konle nu ɔyɛ la.

Mɛla 3:11

(Ɛnee Beehyan Belemgbunli Ɔɔgo angomekye yɛɛ ɛha wɔ Rilipeeyemma anu mɔɔ de ngoane nu a. Ye ɛkpa mɔɔ ɔda zolɛ la le bulalɛ, ye tendenle le mita nna yɛɛ ye tɛtɛlɛ le asɛɛ mita nwiɔ. Ɛkpa zɛhae tɛbɔ Amɔlema suakpole bie mɔɔ bɛfɛlɛ ye Relaba la azo kɛkala.)

1 Sam 18:30

Filisitiama rale fane dɔɔnwo kɛ bɛ nee Yizilayɛma baho, na mekɛ biala Devidi lile bɛ nwo zo konim. Ɔlile konim dɔɔnwo ɔdɛlale Sɔɔlo mgbanyima mɔɔ nea ɛlɔnema anwo zo la kɔsɔɔti. Yemɔti Devidi duma nee ye nganeɛ dwule maanle ti nee maanle bo.