2 Sam 10:8 - BAEBOLO ANZƐƐ BULUKU NWUANZANWUANZA

⁸ Amɔnoma vindele rayiale bɛ wɔ suakpole Relaba anlenkɛ kpole ne anloa. Akee Seleama mɔɔ vi Zoba nee Rilihɔbo nee menli mɔɔ vi Tɔɔbo nee Meeyaka la gyinlanle ye ekpunli ekpunli wɔ fienemgbole ne anu.

2 Sam 10:8 ပူးပေါင်းရင်းမြစ်များ

2 Sam 10:6

Amɔnoma ne nwunle kɛ bɛha Devidi ɛya. Yemɔti bɛhɔbɔle Selea ɛlɔnema mɔɔ wɔ Bɛtelihɔbo nee Zoba la apenle ngoko abulanwiɔ, ɛlɔnema apenle ngoko bulu nee nwiɔ wɔ Tɔɔbo, yɛɛ akee Meeyaka belemgbunli nee ye ɛlɔnema apenle ko ɛkpa.

2 Sam 10:7

Devidi dele nwolɛ bie, yemɔti ɔmanle Dwowabe nee ye ɛlɔnema mɔɔ ze konle nye zo kpalɛ la hɔyiale bɛ.

2 Sam 10:9

Mɔɔ Dwowabe nwunle kɛ bɛhyehyɛ mɔɔ ɛlɔnema babu ɔ nyunlu nee ɔ nzi la, ɔyele Yizilayɛ ɛlɔnema kpalɛ ne bie mɔ na ɔvale bɛ ɔhɔzɔle Seleama ne mɔ anloa.

1 Arl 11:24

Na ɔboɔboale agbamgbanvolɛ bie anloa na ɔlile bɛ ti. (Ɛhye zile mekɛ mɔɔ Devidi lile Belemgbunli Hadadizɛ anwo zo konim na yehu Seleama mɔɔ ɛnee le Hadadizɛ konle nu agɔnwolɛma la.) Rilizɔn nee ɔ sa zo ne mɔ hɔle Dɛmasekɛse hɔdɛnlanle ɛkɛ na bɛvale Rilizɔn bɛziele Selea belemgbunli.

1 Edk 19:7

Meeyaka belemgbunli ne nee ye ɛlɔnema ne vale menli apenle ngoko abulasa nee nwiɔ ne mɔɔ bɛbɔle bɛ nee bɛ konle ehwili ne mɔ ɛkpa la hɔyɛle azokoɛleɛ wɔ Midɛba.

1 Edk 19:9

Amɔnoma vindele ragyinlanle bɛ suakpole Relaba anuhɔlɛ kpole ne anloa, yɛɛ arelemgbunli mɔɔ ɛra baboa Amɔnoma la gyinlanle kandiba ne fienemgbole ne anu.

Gyɛlɛmaya Buluku ne 40:8

Yemɔti bɛ muala bɛrale Gɛdalaya ɛkɛ wɔ Mezepa. Safohyenlema ne mɔ ɛne: Nɛtanaya ara nrenya Yehyemeeyɛle, Kalia amra mrenya Dwoheenan nee Dwɔnatan, Tanehumɛte ara nrenya Sɛlaya, Yifae mɔɔ vi Nɛtɔfa la amra mrenya ne mɔ, yɛɛ Gyɛzanaya mɔɔ vi Meeyaka la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:21

Yemɔti busiama ne bɔle ɔ bo wɔ Zen fienemgbole nu bɛhɔkpɔlale azɛlɛ ne toonwo bɛhɔdwule Rilihɔbo mɔɔ zua Heemate Ademgbolezo wɔ sɔlɔ afoa nu la.

Dwɔhyua Buluku ne 19:28

Yibolɔn, Rilihɔbo, Hamɔn, yɛɛ Kana, na ɔwie Saedɛn.

Maanlebuvolɛma Buluku ne 1:31

Ahya abusua ekpunli ne anu amra andu menli mɔɔ wɔ Ako la anzɛɛ Saedɛnema. Bɛandu Ahelabema, Akezebema, Hɛlebama, Efɛkema, yɛɛ Rilihɔboma.

Maanlebuvolɛma Buluku ne 11:3

Gyɛfeta vi ɔ mediema ne mɔ avinli dule hɔle Tɔɔbo azɛlɛ zo. Ɔvale ɔ nwo ɔbɔle menli agbamgbanvolɛ bie, na ɔ nee bɛ kpɔsale wuowuale awie mɔ.

Maanlebuvolɛma Buluku ne 11:5

Mɔɔ ɛhye zile la, Geleade mgbanyima hɔle Tɔɔbo hɔvale Gyɛfeta rale.