2 Sam 10:16 - BAEBOLO ANZƐƐ BULUKU NWUANZANWUANZA

¹⁶ Hadadizɛ zoanle manle bɛhɔvale Seleama mɔɔ wɔ Azule Yufileti aduduleɛ lɔ la bɛrale Hilam. Hyobake mɔɔ le Belemgbunli Hadadizɛ safohyenle kpanyinli la a lile bɛ ti nee bɛ rale a.

2 Sam 10:16 ပူးပေါင်းရင်းမြစ်များ

2 Sam 10:15

Seleama nwunle kɛ Yizilayɛma ɛli bɛ nwo zo konim la, bɛboɔboale bɛ nloa.

2 Sam 10:17

Mɔɔ Devidi dele la ɔboɔboale Yizilayɛ ɛlɔnema ne kɔsɔɔti anloa. Ɔpɛle Azule Dwɔdan ne na ɔzile nu ɔhɔle Hilam, ɛleka mɔɔ Seleama ɛboɔboa bɛ nloa kɛ bɛ nee ye ko la. Bɛvale konle ne bɛbɔle zolɛ,

1 Arl 11:23

Nyamenle eza manle Yilayada ara nrenya Rilizɔn dwazole Sɔlɔmɔn anwo zo. Ɛnee Rilizɔn ɛnriandi ɔ menle Hadadizɛ mɔɔ le Zoba belemgbunli ne.

1 Edk 18:3

Akee Belemgbunli Devidi hɔtetale Belemgbunli Hadadizɛ mɔɔ sie Selea maanle ne mɔɔ bɛfɛlɛ ye Zoba, mɔɔ zua Heemate maanzinli ne la, ɔboalekɛ ɛnee Hadadizɛ ɛlɛbɔ mɔdenle araze Yufileti sɔlɔ ahɔva ɛkɛ ne azɛlɛ ne.

1 Edk 18:5

Seleama mɔɔ wɔ Dɛmasekɛse la manle ɛlɔnema hɔle kɛ bɛhɔboa Belemgbunli Hadadizɛ, na Devidi nee bɛ bɔle ye zo na ɔhunle nuhua apenle ngoko abulanwiɔ nee nwiɔ.

1 Edk 19:16

Seleama nwunle kɛ Yizilayɛma ɛbo bɛ, yemɔti bɛhɔle bɛ maanzinli ne mɔ anu bɛhɔvale ɛlɔnema bɛrale. Ɛlɔnema ɛhye mɔ vi Azule Yufileti ne aduduleɛ afoa nu, yɛɛ bɛ kpanyinli a le safohyenle Hyobake. Hyobake a le safohyenlema kpanyinli mɔɔ nea Zoba Belemgbunli Hadadizɛ ɛlɔnema ne anwo zo a.