2 Sam 1:9 - BAEBOLO ANZƐƐ BULUKU NWUANZANWUANZA

⁹ Na ɔzele me kɛ, ‘Twe bikye me na ku me. Meboda kpole somaa; me nye gyi ɛbolɔ.’

2 Sam 1:9 ပူးပေါင်းရင်းမြစ်များ

2 Sam 1:10

Yemɔti mendwenle membikyele ye na mengunle ye, ɔboalekɛ menwunle ye wienyi kɛ ɔnle lɔ ɔnde kpɔkɛ bieko. Mendule ye belemgbunli kyɛlɛ ne, menyele ɔ sa akɔme nu ngɛba ne yɛɛ melɛfa mearɛlɛ wɔ a.”

2 Sam 1:8

Ɔbizale me kɛ, ‘Na ɛdawɔ nwane ɔ?’ Mengilele nu mengilele ye kɛ mele Amalɛkenli.

1 Edk 10:4

Yemɔti Sɔɔlo zele ye sonvolɛ ne mɔɔ soa ye konle ninyɛne ne la kɛ, “Twe wɔ dadeɛ ne wɔ me maa menwu, anrɛɛ menli ɛhye mɔ mɔɔ ɛnze Nyamenle la kɛragolo me nwo.” Na ye sonvolɛ ne anyɛ, ɔluakɛ ɛnee ɔsulo kpole. Yemɔti Sɔɔlo vale ɔdaye ye dadeɛ ne wɔle ɔ nwo.

Yekile 9:6

Mekɛ zɔhane menli bakpondɛ ewule abo zo, na bɛnrɛnwu ye; bɛbahulo kɛ bɛkɛwu, na ewule banriandi bɛ.

Maanlebuvolɛma Buluku ne 9:54

Abemɛlɛke vɛlɛle ye sonvolɛ ne mɔɔ soa ye konle ninyɛne ne la kɛ, “Ka ɛ nwo, twe wɔ dadeɛ ne ku me ndɛndɛ, anrɛɛ menli kɛze kɛ, ‘Raalɛzinli a hunle ye a.’ ” Amgba noko kpavolɛ ne wɔle Abemɛlɛke dadeɛ hunle ye.

1 Sam 31:4

Yemɔti ɔzele kpavolɛ ne mɔɔ soa ye konle ninyɛne ne la kɛ, “Twe wɔ dadeɛ ne ku me, amaa Filisitiama mɔɔ ɛnze Nyamenle la ambangolo me nwo, angu me.” Ɛzulolɛ hanle kpavolɛ ne, yemɔti yeangola ye ku. Sɔɔlo yele ye dadeɛ ne na ɔdaye ɔ ngome ɔdɔle zolɛ ɔhunle ɔ nwo.