2 Sam 1:16 - BAEBOLO ANZƐƐ BULUKU NWUANZANWUANZA

¹⁶ Akee Devidi zele ye kɛ, “Wɔ mogya ɛgua ɛdawɔ ɛ ngome ɛ ti zo, ɔluakɛ ɛdawɔ ɛ nloa ɛli daselɛ ɛtia wɔ kɛ wɔhu sonla mɔɔ Ɛdɛnkɛma ɛkpokpa ye nwole la.”

2 Sam 1:16 ပူးပေါင်းရင်းမြစ်များ

2 Sam 1:10

Yemɔti mendwenle membikyele ye na mengunle ye, ɔboalekɛ menwunle ye wienyi kɛ ɔnle lɔ ɔnde kpɔkɛ bieko. Mendule ye belemgbunli kyɛlɛ ne, menyele ɔ sa akɔme nu ngɛba ne yɛɛ melɛfa mearɛlɛ wɔ a.”

2 Sam 16:8

Ɛdɛnkɛma ɛdua wɔ kakɛ kɛ ɛvale Sɔɔlo belemgbunli maanle ne na ɛhanle ɔ bo zo amra mogya ɛguale a. Ɛdɛnkɛma ɛlie belemgbunli maanle ne ɛmaa ɛ ra Abesalɛm. Wɔ munzule doa wɔ, kɔdiawu!”

1 Arl 2:37

Kakye kɛ, kenle biala mɔɔ ɛkɛpɛ Azule Kedelɔn ne la ɛnee wɔ ewule mekɛ ɛdwu yɛɛ wɔ mogya bagua ɛdawɔ ɛ ti zo.”

Dwobu Buluku ne 15:6

Ɛdawɔ ɛ nloa a bu wɔ fɔlɛ a, tɛ me ɔ; ɛdawɔ wɔ ɛdendɛlɛ di daselɛ tia wɔ.

Mrɛlɛbulɛ Buluku ne 6:2

saa ɛ nloa ɛvula edwɛkɛ bie na yehwe dwɛwɔlɛ yemaa wɔ a,

Yizikeɛle Buluku ne 18:13

ɔbɔ bosea ɔdie nzinwo, anzɛɛ ɔfa bie ɔgua zolɛ a, ɛnee ɛnea a ɔwɔ kɛ sonla zɛhae nyia ngoane ɔ? Ɔwɔ kɛ bɛku ye. Yebɔ munzule ɛbɛla; ɔwɔ kɛ ɔwu, yɛɛ ye mogya gua ɔdaye ɔ ti zo.

Yizikeɛle Buluku ne 33:5

Ɔdele aweɛne tendenle ne ane yɛɛ yeanla ɔ nwo zo a; ye mogya gua ɔ ti zo. Saa ɔlale ɔ nwo zo a, anrɛɛ ɔvile ɛsalɛ.

Sɛlɛ 20:16

Saa raalɛ twe bikye nane bie na ɔmaa ɔfa ye a, bɛhu raalɛ ne nee nane ne; bɛ mogya ne gua bɛ ti zo.

Sɛlɛ 20:27

“Nrenya anzɛɛ raalɛ biala mɔɔ tendɛ nwomenle nloa azo anzɛɛ le bayivolɛ la, ɔwɔ kɛ bɛku ye. Bɛzi bɛ awolɛ bɛhu bɛ, na bɛ mogya gua bɛdabɛ bɛ ti zo.”

Sɛlɛ 20:9

“Awie biala mɔɔ kɛwa ɔ ze anzɛɛ ɔ nli amonle la, bɛhu ye. Yewa ɔ ze nee ɔ nli amonle, yemɔti ye mogya gua ɔdaye ɔ ti zo.

Edwɛkpa ne kɛmɔ Mateyu hɛlɛle la 27:25

Na bɛ muala bɛdeanle nu bɛzele kɛ, “Maa ye mogya ɛgua yɛdayɛ nee yɛ mra ati zo!”

Edwɛkpa ne kɛmɔ Luku hɛlɛle la 19:22

Belemgbunli ne zele ye kɛ, ‘Wɔmɔ sonvolɛ ɛhye, ɛnle kpalɛ! Mefa ɛdawɔ ɛ nloa edwɛkɛ meabua wɔ ndɛne. Ɛse me kɛ me ti yɛ se, mefa mɔɔ ɛnle me ɛdeɛ yɛɛ mebu mɔɔ tɛ me a menluale la.

Ɛzoanvolɛma Gyima ne 18:6

Nzinlii mɔɔ bɛtiale mɔɔ ɔlɛka la, bɛhehanle ɛtane dɔɔnwo bɛhilele ye. Ɛhye ati Pɔɔlo kpokpole ye tɛladeɛ ne anu munlutu guale na ɔzele bɛ kɛ, “Saa bɛminli a, nwolɛ ɛzonle ɛnzo me. Bɛdabɛ bɛ ɛminlinlɛ nwo ɛzonle zo bɛ! Ɔvi ɛnɛ mɔɔ kɔ la mebahɔ bɛdabɛ mɔɔ bɛnle Dwuuma la anu meahɔha Edwɛkpa ne.”

Ɛzoanvolɛma Gyima ne 20:26

Ɛhye ati memaa bɛade ɔ bo wienyi ɛnɛ kenle ye kɛ saa bɛ nuhua biala minli a, menli nwolɛ ɛzonle.

Wulo 3:19

Mɔɔ yɛnwu ye la a le kɛ, debie biala mɔɔ wɔ mɛla ne anu la wɔ ɛkɛ ne maa bɛdabɛ mɔɔ bɛwɔ mɛla ne abo la, amaa menli muala aha bɛ nloa ado nuhua kɛ bɛdi fɔlɛ wɔ Nyamenle ndɛnebualɛ ne anu.

Mɛla 19:10

Bɛyɛ ye zɔhane, amaa bɛanga mogya mɔɔ ɛnli fɔlɛ la bɛangua mgbane wɔ bɛ azɛlɛ ne mɔɔ Ɛdɛnkɛma bɛ Nyamenle ne ɛlɛfa amaa bɛ la azo, na eza bɛanli fɔlɛ kɛ bɛha mogya mɔɔ ɛnli fɔlɛ la bɛgua a.

Dwɔhyua Buluku ne 2:19

Mɔɔ kɛye ɔ nwo wɔ sua nu ɛke kɛvinde la, ye mogya ɛgua ɔdaye ɔ ti zo; yɛnli nwolɛ ɛzonle. Na saa awie biala mɔɔ nee wɔ wɔ ɛke la anwo bu ɛbonle a, ye mogya ɛgua yɛ ti zo.

Maanlebuvolɛma Buluku ne 9:24

Ɛhye zile, amaa Gedɛyɔn amra abulasuu ne mogya agua Abemɛlɛke nee Hyikɛm amra mɔɔ zile ye adua manle ɔhunle bɛ la ati zo.

1 Sam 25:39

Devidi dele kɛ Neebale ɛwu la, ɔhanle kɛ, “Ayɛlɛyelɛ ɛha Ɛdɛnkɛma kɛ yeli Neebale aholoba ne mɔɔ ɔbɔle me la anwo nzenralɛ na yeammaa medame, ye sonvolɛ anyɛ ɛtane a. Ɛdɛnkɛma ɛmaa Neebale ɛtane ne ɛbɔ ɔ ti.” Na Devidi zoanle manle bɛhɔbizale Abegeli agyalɛ.

1 Sam 26:9

Na Devidi zele ye kɛ, “Mmafa ɛ sa ɛka ye, ɔluakɛ awie biala mɔɔ kɛva ɔ sa kɛha sonla mɔɔ Ɛdɛnkɛma ɛzie ye belemgbunli la ɛnrɛva ɔ nwo dwɔɔ.”