2 Pit 3:9 - BAEBOLO ANZƐƐ BULUKU NWUANZANWUANZA

⁹ Tɛ kɛ Awulae ɛngola ye ɛwɔkɛ mɔɔ yebɔ la azo di, kɛmɔ bɛ bie mɔ dwenle kɛ ɔde la, na yemɔ a le kɛ Awulae lɛ bɛ nwo abotane, ɔluakɛ ɔngulo kɛ bɛsɛkye awie biala. Ɔkpondɛ kɛ awie biala nu ɔ nwo na ɔtwe ɔ nwo ɔfi ye ɛtane ne mɔ anwo.

2 Pit 3:9 ပူးပေါင်းရင်းမြစ်များ

Edwɛndolɛ Buluku ne 77:8

Asoo ye ɛhulolɛ kpundii ne ɛkpa nwo bɔkɔɔ? Asoo ye ɛwɔkɛbɔlɛ ne ɛwie bɔkɔɔ?

Edwɛndolɛ Buluku ne 86:15

Na wɔmɔ, O Awulae, ɛle ɛlolɛ nee anwunvɔnezelɛ Nyamenle, ɛnva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi wɔ tɛkɛɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:23

Saa ɛyɛ ɛhye na Nyamenle kponle zolɛ maa wɔ a, ɛbahyɛ na menli ne mɔ noko ahɔ bɛ azua nu anzonudwolɛ nu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:32

Mebodo wɔ, fa bɛ ɛtane ne kyɛ bɛ. Saa ɛfa ɛkyɛ bɛ na ɔnrɛyɛ boɛ a, ɛnee pɛ me duma nu wɔ buluku ne mɔɔ ɛhɛlɛle ye nu la anu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:11

Ɛdɛnkɛma luale adenle zɛhae anu dendɛle hilele Mosisi, kɛmɔ sonla si tendɛ kile ɔ gɔnwo ala la. Saa Mosisi sia ba azokoɛleɛ ɛkɛ ne bieko a, ye sonvolɛ kpavolɛ ne, Nɛn ara nrenya Dwɔhyua ɛnvi Ndanlɛ Sua ne anu fee.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:6

Ɛdɛnkɛma akee zenle ɔ nyunlu ɛkɛ na ɔhanle kɛ, “Medame a mele Ɛdɛnkɛma a, Ɛdɛnkɛma mɔɔ mele anwunvɔnezelɛ nee atiakunlukɛnlɛma Nyamenle, menva ɛya mgbane mgbane, yɛɛ ɛhulolɛ kpundii nee nɔhalɛlilɛ ɛyi me tɛkɛɛ.

Nolo 8:11

Kɛmɔ bɛndua amumuyɛyɛlɛ nwo kakɛ ndɛndɛ la ati, menli fa sie bɛ nyunlu yɛ amumuyɛ dahuu.

Ayezaya Buluku ne 30:18

Yemɔti Ɛdɛnkɛma ɛlɛkendɛ bɛ aze bɛ anwunvɔne. Yemɔti yeboɔboa ɔ nwo kɛ ɔnwu bɛ anwunvɔne. Nyilalɛ ɛha bɛdabɛ mɔɔ bɛfa bɛ rɛle bɛwula ye nu la.

Ayezaya Buluku ne 46:13

Memaa bɛ ngoanelielɛ kenle ne ɛbikye, ɔnle moa fee, yɛɛ ɔnrɛhyɛ na me ngoanelielɛ ne ara. Mebalie Gyɛlusalɛm na meava anyunlunyia meamaa Yizilayɛ.”

Yizikeɛle Buluku ne 33:11

Ka kile bɛ kɛ, suzuamgba ala mɔɔ medame Awulae Nyamenle a mele tease Nyamenle ne la, menlɛ anyelielɛ biala wɔ amumuyɛnli ewule nu, kyesɛ amumuyɛnli ne kakyi fi ye ndenle ne mɔ anu na ɔnyia ngoane. Bɛzia bɛ nzi, bɛzia bɛ nzi bɛvi bɛ munzule ndenle ne mɔ anu; Yizilayɛma, duzu ati a bɛkulo kɛ bɛwu a?

Daneɛle Buluku ne 4:29

Ɛvolɛ ko anzi, kenle ko bie mɔɔ belemgbunli ne lua Babelɔn suakunlu ɛkɛ ne sua ne ati zo la

Habakɛke Buluku ne 2:3

Ɔluakɛ mekɛ ɛtɛdwule mɔɔ ɛnyelɛzodeɛnwunlɛ ne yɛ zɔhane a, noko mekɛ ne ɛlɛbikye, ɔnrɛyɛ adalɛ edwɛkɛ. Saa ɔkyɛ a kendɛ, ɔluakɛ nɔhalɛ nu, ɔbara, ɔnrɛhyɛ fee.

Wulo 13:11

Ɛhye mɔ amuala anzi, ɔwɔ kɛ bɛnwu kɛ mekɛ ɛdwu mɔɔ ɔwɔ kɛ bɛfi nafelɛ nu bɛdwazo a. Ɔluakɛ ngoanelielɛ mekɛ ne ɛbikye ɛdɛla kɛmɔ yɛzuzule ye wɔ mekɛ mɔɔ yɛlumuale yɛnyianle diedi ne la.

Wulo 13:12

Aledwolɛ ne asɛɛ ɛze, alehyenlɛ ɛbikye; zɔhane ati bɛmaa yɛgyakyi awozinli nu nyɛleɛ ne mɔ, na yɛva wienyi nu konle tɛladeɛ mɔɔ bamaa yɛahola ko la yɛwula.

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

Wulo 9:22

Zɔhane ala yɛɛ Nyamenle ɛyɛ a. Ɔkpondɛ kɛ ye ɛya ne nee ye tumi ne da ali wienyi. Yemɔti ɔsi abotane kpole kpalɛ ɔnea bɛdabɛ mɔɔ ye ɛya ne wɔ bɛ nwo zo na ɔbazɛkye bɛ la.

1 Tem 1:16

Ɔlua ɛhye ati yɛɛ Nyamenle nwunle me anwunvɔne a, amaa Kelaese Gyisɛse abotane kpole ne mɔɔ ɔnyianle ye wɔ medame, ɛtanevolɛma kpanyinli me nwo la, ala ali na yeayɛ ndonwo yeamaa bɛdabɛ mɔɔ nzinlii bɛbalie ye bɛali na bɛanyia ngoane mɔɔ ɛnlɛ awieleɛ la.

1 Tem 2:4

Ɔluakɛ ɛkpondɛ kɛ menli kɔsɔɔti nwu nɔhalɛ ne na bɛnyia ngoane.

Kɛlata mɔɔ bɛhɛlɛle bɛhɔmanle Hibuluma la 10:37

Nyamenle Edwɛkɛ ne se, “Ɔnrɛhyɛ biala na sonla ne mɔɔ ba la ara, ɔnrɛzi aze fee.

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.

2 Pit 3:15

Bɛde ɔ bo kɛ yɛ Awulae abotane ne le ngoanelielɛ maa bɛ, kɛmɔ adiema Pɔɔlo ɛlua nrɛlɛbɛ mɔɔ Nyamenle ɛva ɛmaa ye la azo ɛhɛlɛ ɛrɛlɛ bɛ la.

Yekile 2:21

Memanle ye mekɛ kɛ ɔva ɔnlu ɔ nwo, noko ɔngulo kɛ ɔkɛgyakyi ye adwɔmane ɛbɛla ne.