Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Pit 3:7 - BAEBOLO ANZƐƐ BULUKU NWUANZANWUANZA

7 Nyamenle anloa edwɛkɛ ko ye ala azo a bɛlua bɛhua anwuma nee aze mɔɔ kɛkala wɔ ɛkɛ ne la anwo senle bɛzie ɛkɛ bɛlɛfa bɛahendɛ ndɛnebualɛ kenle ne nee menli mɔɔ ɛnze Nyamenle la ɛzɛkyelɛ a.

အခန်းကိုကြည့်ပါ။ ကော်ပီ




2 Pit 3:7
31 ပူးပေါင်းရင်းမြစ်များ  

Bɛ bo zo baminli, noko wɔmɔ, ɛwɔ ɛkɛ ne dahuu; bɛ muala bɛbatete kɛ adɛladeɛ. Ɛdi bɛ ngakyile kɛ ɛdanlɛ, na bɛse bɛkɔ,


Yɛ Nyamenle ne ɛlɛba, ɔmba ye bɔnwobɔnwo; sendɔlɔra li ɔ nyunlu, ahumu kpole ɛbɔ ɛyia ye.


Bɛdo bɛ nye anwuma bɛnlea, na bɛdo bɛ nye bɛnlea azɛlɛ ye, ɔluakɛ anwuma baminliminli kɛ esike; azɛlɛ ye batete kɛ ɛdanlɛ, na bɛdabɛ mɔɔ bɛde zolɛ la bawu kɛ ngokowule. Me ngoanelielɛ ne wɔ ɛkɛ dahuu, na me konimlilɛ ɛnrɛwie ɛlɛ.


Ɔluakɛ bɛnlea, Ɛdɛnkɛma balua senle nu a ara a, yɛɛ ye konle ehwili ne mɔ bara kɛ ahumu, bɛbava ɛya kpole bɛava senle bɛadea menli mɔɔ di fɔlɛ la.


“Meneanle la, menwunle kɛ bɛva arelemgbunli mbia bɛraziezie ɛkɛ. Sonla ne mɔɔ ɔvi tete ɛnee ɔwɔ ɛkɛ ne la radɛnlanle aze. Ye tɛladeɛ ne le nwohyee kɛ ezukɔtweaba, yɛɛ ɔ ti enrinli le kɛ boane enrinli. Ye ebia ne le kɛ senle mɔɔ ɛlɛsɔ gbolamgbolam la, yɛɛ ebia ne agyakɛ ehwili ne mɔ le senle.


“Zɔhane ati bɛhendɛ me bɛmaa ɔhɔdwu kenle mɔɔ menwɔdwazo bɛ nwo zo la. Mebɔ kpɔkɛ kɛ meboɔboa maanle maanle kɔsɔɔti nee bɛ arelemgbunli anloa meawola me ɛya kpole ne meagua bɛ nwo zo. Ɔluakɛ me ɛya kpole ne senle ne bayela ewiade amuala yeamaa yeadɔ nzonle.


Tumivolɛ Ɛdɛnkɛma se, “Bɛnlea, kenle ne ɛlɛba; ɔbazɔ kɛ fonlomo senle. Bɛdabɛ mɔɔ bɛmemaa bɛ nwo zo nee amumuyɛma bayela kɛ ewula. Bɛ ndinli bɔbɔ ɛnrɛha na yeayɛ bɛ ngane.


Na nɔhalɛ, mese, wɔ Ndɛnebualɛ Kenle ne, Nyamenle baze Sodɔm nee Gomɔla amra anwunvɔne dɔɔnwo adɛla menli mɔɔ wɔ zɔhane sua ne azo la.


Meka meahile bɛ, Ndɛnebualɛ Kenle ne, Nyamenle baze Tayama nee Saedɛnema anwunvɔne dɔɔnwo adɛla bɛ.


Bɛnwu ye kɛ, Ndɛnebualɛ Kenle ne, Nyamenle baze Sodɔm amra anwunvɔne dɔɔnwo adɛla bɛ!”


“Meka meahile bɛ: Edwɛkɛ mgbane mgbane biala mɔɔ awie biala kɛha la ɔbabu nwolɛ mgbonda wɔ Ndɛnebualɛ Kenle ne.


Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.


“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!


Saa bɛkɔ sua bie azo noko na menli ne anlie bɛ anzɛɛ ɛnrɛdie bɛ a, bɛvi ɛkɛ ne bɛhɔ na bɛkpɔlɔkpɔla bɛ gyakɛ anwo munlutu bɛgua, bɛva bɛhile kɛ menli ne di ɛzonle.”


Na mɔɔ kɛkpo me na yeanlie me edwɛkɛ ne la lɛ mɔɔ babua ye ewule fɔlɛ a. Edwɛkɛ ne mɔɔ meha la yɛɛ babua ye ewule fɔlɛ wɔ mekɛ ne mɔɔ li awieleɛ la a.


Noko bɛmɛ bɛ nzo yɛ se kpalɛ, yɛɛ bɛsolo. Zɔhane ati bɛlɛmaa bɛ ndeanlɛ ayɛ kpole wɔ Kenle ne mɔɔ Nyamenle ɛya ne nee ye ndɛnebualɛ fɔɔnwo ne kɛdwu la.


Na kɛ awie biala gyima si de la bala ali wienyi wɔ Kenle ne mɔɔ Kelaese bara la. Kenle zɔhane senle ne bamaa awie biala gyima ala ali; senle ne bazɔ awie biala gyima mɔɔ yeyɛ la anlea na yeaye ye kɛ ɔde la yeahile.


Bɛmmasulo bɛ agbɔvolɛ ne mɔ; bɛnyia akɛnrasesebɛ, na ɛhye bahile amaa bɛanwu kɛ bɛmɛ bɛli konim na bɛ agbɔvolɛ ne mɔ ɛho ɛdɔ. Ɔluakɛ bɛ ngoane a le Nyamenle.


Bɛmmamaa awie biala bɛlɛbɛla bɛ wɔ adenle biala anu. Ɔluakɛ Kenle ne ɛnrɛra kyesɛ “Atuadelɛ” ɛra zolɛ kpalɛ na mɛladonlɛ ɛhakyi ɔ nwo “Amumuyɛnli” ne mɔɔ bɛbabua ye ewule fɔlɛ la ɛra.


Bɛdabɛ mɔɔ bɛkpondɛ bɛ nwo bɛanyia la tɔ ngyegyelɛ nu, na munzule atiakunluwɔzo mgbane mgbane mɔɔ sɛkye menli, minli bɛ bo zo la kye bɛ wɔ ye ɛhane nu.


ɛnee Awulae ze kɛ ɔsi ɔdie menli kpalɛ ɔfi bɛ sɔnea nu na ɔsie amumuyɛma wɔ ndeanlɛ bo kɔkpula Ndɛnebualɛ Kenle ne a.


Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.


wɔ mekɛ mɔɔ bɛlɛkendɛ na bɛ nye la kɛ Nyamenle Kenle ne bara ndɛndɛ la. Kenle zɔhane anwuma bayela adɔ nzonle na ye wuluwulu ne aholo anwumaneamra amuala.


Nyamenle maa ɛhulolɛ di munli wɔ yɛ nu, amaa yɛahola gyinla wɔ Ndɛnebualɛ Kenle ne, ɔboalekɛ kɛ Kelaese si de la, zɔhane ala yɛɛ yɛdayɛ noko yɛle wɔ ewiade ye anu a.


Bɛhakye Sodɔm nee Gomɔla, nee azua mɔɔ zuozua bɛ la, menli mɔɔ wɔ azua ɛhye mɔ azo la bɔle adwɔmane nee munzule ɛbɛla, na ɔlua zolɛ kɛkala bɛdea bɛ wɔ senle ne mɔɔ ɛnnu ɛlɛ la anu, amaa yeayɛ kɔkɔbɔlɛ yeamaa menli kɔsɔɔti.


Na nane ne mɔɔ mekɛ bie ɛnee de aze, na kɛkala yewu la a le belemgbunli ne mɔɔ tɔ zolɛ mɔtwɛ la; na ɔdaye noko ɔbara yeamaa bɛazɛkye ye kɛ arelemgbunli nsuu ne mɔ la.


Nane ne mɔɔ ɔde zolɛ la anrɛɛ de aze, na kɛkala yewu. Na ɔvi azɛlɛ kuma ne mɔɔ ɛnlɛ ɔ bo la anu ɔbavinde yeahɔ yeamaa bɛazɛkye ye. Bɛdabɛ mɔɔ bɛwɔ ewiade ye anu na bɛangɛlɛ bɛ aluma wɔ teasema buluku ne anu, kolaa na bɛabɔ ewiade la nwu nane ne a ɔbayɛ bɛ azibɛnwo kɛ mekɛ bie ɛnee nane ne de aze, na kɛkala yewu, na eza ɔbavinde yeara bieko a.


Akee menwunle Belemgbunli ne nee ye belemgbunli ebia fufule ne mɔɔ ɔde zolɛ la. Anwuma nee azɛlɛ minliminlinle ɔ nyunlu ɛkɛ ne na bɛannwu bɛ bieko.


Akee menwunle anwuma fofolɛ nee azɛlɛ fofolɛ. Ɔluakɛ alumua anwuma ne nee alumua azɛlɛ ne ɛze ɛhɔ, na nyevile ne ɛnle ɛkɛ bieko.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ