2 Pit 3:5 - BAEBOLO ANZƐƐ BULUKU NWUANZANWUANZA

⁵ Menli zɛhae mɔ anye fuu yɛɛ bɛyɛ kɛ asɛɛ bɛnze kɛ aloa kabɔ la Nyamenle vale ɔ nloa edwɛkɛ ala a manle anwuma rale, na azɛlɛ resee ye noko yele ɔ nwo vile nzule nu rale dɛbadɛba ne, na nzule ɛbɔ ye ɛyia a,

2 Pit 3:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:6

Na Nyamenle zele kɛ, “Anwomanyunlu ɛrɛla ɛrade nzule ne mɔ avinli.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 1:9

Na Nyamenle zele kɛ, “Nzule mɔɔ wɔ ewiade la ɛhɔ ɛleka ko ɛye ɛleka resee ɛdo ɛkɛ.” Na ɔyɛle zɔhane.

Edwɛndolɛ Buluku ne 136:6

Yemɔ mɔɔ ɔbɔle azɛlɛ tɛtɛlɛ ye wɔ azule ne mɔ avinli la; ɔluakɛ ye ɛhulolɛ kpundii ne wɔ ɛkɛ dahuu.

Edwɛndolɛ Buluku ne 24:2

Ɔwulale ye adiabo ne wɔ nyevile buma nu, na ɔkyekyele ye wɔ nzule ne mɔ azo.

Edwɛndolɛ Buluku ne 33:6

Ɛdɛnkɛma vale ɔ nloa bɔle anwuma, ɔvale ɔ nloa a ɔbɔle anwumaneamra a.

Mrɛlɛbulɛ Buluku ne 17:16

Duzu ati a koasea mɔɔ ɛnlɛ adwenle la kɛnyia ezukoa kɛva kɛdɔ nrɛlɛbɛ ɛ?

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Kɔlɔ 1:17

Kelaese wɔ ɛkɛ ne kolaa na ɛhye mɔ amuala ara, na yemɔ a ɔsɔ ewiade ye ɔmaa ɔyɛ ewiade a.

Kɛlata mɔɔ bɛhɛlɛle bɛhɔmanle Hibuluma la 11:3

Ɔlua diedi zo yɛɛ yɛnyia ndelebɛbo kɛ Nyamenle vale ɔ nloa edwɛkɛ ala a bɔle ewiade a, na mɔɔ ɛnɛ yɛnwu ye la vi mɔɔ yɛnnwu ye la anu a rale a.