2 Pit 3:3 - BAEBOLO ANZƐƐ BULUKU NWUANZANWUANZA

³ Mɔɔ lumua la a le kɛ, ɔwɔ kɛ bɛnyia ndelebɛbo kɛ mekɛ mɔɔ li awieleɛ la amgbuzilɛma bie mɔɔ di bɛ atiakunluwɔzo nzi la badwazo na bɛarazi bɛ amgbu. Bɛbagolo bɛ nwo,

2 Pit 3:3 ပူးပေါင်းရင်းမြစ်များ

Mrɛlɛbulɛ Buluku ne 1:22

“O bɛmɛ anzenwolɛbiema, bɛkulo kɛ bɛka bile nu toonwo ɔkɔdwu kenlenzu? Agolobɛnwoma, bɛ nye die bɛ agolobɛnwo nu toonwo yeahɔdwu kenlenzu, na ahoasea akpo adwenlenubukelɛ ahɔdwu kenlenzu?

Mrɛlɛbulɛ Buluku ne 14:6

Adubɛnwo sonla ɛnnwu nrɛlɛbɛ ɛlɛ, na sonla mɔɔ lɛ ndelebɛbo la lɛ adwenle.

Mrɛlɛbulɛ Buluku ne 3:34

Ɛdɛnkɛma ɛmbu bɛdabɛ mɔɔ bɛmbu debie la bie, na ɔ nye wɔ bɛdabɛ mɔɔ bɛle bɛlɛvo la anwo zo.

Ayezaya Buluku ne 28:14

Yemɔti bɛmɛ agolobɛnwoma mɔɔ bɛsie menli ɛhye mɔ wɔ Gyɛlusalɛm la, bɛdie Ɛdɛnkɛma!

Ayezaya Buluku ne 29:20

Ɔluakɛ atisesebɛma ɛnrɛnyia ɛleka ɛnrɛgyinla yɛɛ agolobɛnwo bazi aze, na bɛbazɛkye bɛdabɛ mɔɔ bɛtetɛ bɛdi ɛtane la kɔsɔɔti.

Ayezaya Buluku ne 5:19

Dahuu bɛ edwɛkɛ a le kɛ, “Bɛmaa ɔha ɔ nwo ɔyɛ ye waa, ɔyɛ ye gyima ne ndɛndɛ ɔmaa yɛnlea. Bɛmaa Yizilayɛ Nwuanzanwuanza Ko ne ɛrɛla, ɛrayɛ mɔɔ yehyehyɛ la ɔmaa yɛnlea!”

Hozia Buluku ne 7:5

Mekɛ mɔɔ belemgbunli ne di ye ɛvoyia ne la, ɔ nee ye mgbanyima ne mɔ nlonle nza na bɛyɛle tindaanwu na ɔbokale bɛ bɛzile amgbu.

Dw 12:48

Na mɔɔ kɛkpo me na yeanlie me edwɛkɛ ne la lɛ mɔɔ babua ye ewule fɔlɛ a. Edwɛkɛ ne mɔɔ meha la yɛɛ babua ye ewule fɔlɛ wɔ mekɛ ne mɔɔ li awieleɛ la a.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

2 Tem 3:1

Mekpondɛ kɛ ɛnwu ye kɛ, awieleɛ mekɛ ne anu, anwongyelelɛ dɔɔnwo bara.

Kɛlata mɔɔ bɛhɛlɛle bɛhɔmanle Hibuluma la 1:2

na kenle nsa ye ɛdeɛ, yelua ɔ Ra ne anwo zo a yedendɛ yehile yɛ a. Ɔ Ra ne anwo zo a ɔluale ɔbɔle ewiade a, na yemɔ yɛɛ Nyamenle ɛkpa nu ɛye ye kɛ awieleɛ ne debie biala le ye ɛdeɛ a.

2 Pit 1:20

Mɔɔ lumua mɔɔ ɔwɔ kɛ bɛte ɔ bo la a le kɛ sonla ko biala ɛnrɛhola ɛnrɛva ɔdaye ɔ ngome ye adwenle ɛnrɛhilehile Nyamenle Edwɛkɛ ne mɔɔ Nyamenle kpɔmanvolɛma ɛha ɛdo ɛkɛ ne la abo.

2 Pit 2:10

Bɛdabɛ mɔɔ bɛli bɛ atiakunluwɔzo ɛtane nzi na bɛkpo Nyamenle la kɛ bɛbawie ye la ɛne. Kilehilevolɛma alane ɛhye mɔ si bɛ kɛnra, bɛmemaa bɛ nwo zo kpalɛ, yɛɛ bɛmbu anyunlunyiama mɔɔ wɔ anwuma la na bɛtendɛ bɛtia bɛ.

1 Dw 2:18

Me mra ngakula, awieleɛ mekɛ ne ɛbikye! Bɛde ye dɛba kɛ Kelaese Kpɔvolɛ ne mɔɔ bayɛ ɔ nwo kɛ yemɔ a ɔle Kelaese ne la bara, na kɛkala bɔbɔ, Kelaese kpɔvolɛma dɔɔnwo ɛye bɛ nyunlu, yemɔti yɛnwu kɛ awieleɛ mekɛ ne ala ɛne.

Dwuudu Kɛlata ne 1:16

Menli ɛhye mɔ tendɛ bɛ nzo abo dahuu, bɛ kunlu ɛndwo bɛ nwo ɛlɛ; bɛdi bɛ atiakunluwɔzo ɛtane ne mɔ anzi, bɛtu bɛ nloa anu na bɛbɛlɛbɛla menli wɔ bɛdabɛ bɛ ngome bɛ boɛyɛlɛ ti.

Dwuudu Kɛlata ne 1:18

Bɛzele bɛ kɛ, “Saa awieleɛ mekɛ ne ba a, menli mɔɔ ɛnze Nyamenle na bɛdi bɛ ngome bɛ atiakunluwɔzo nzi la bara, na bɛarazi bɛ amgbu.”