2 Pit 3:16 - BAEBOLO ANZƐƐ BULUKU NWUANZANWUANZA

¹⁶ Nɔhalɛ, ninyɛne ɛhye mɔ ala a ɔhɛlɛle bɛ nwo edwɛkɛ wɔ ye ngɛlata ne mɔ anu a. Ninyɛne bie noko mɔɔ bɛ bo ɛdelɛ ɛnla aze la wɔ ye ngɛlata ne mɔ anu. Bɛdabɛ mɔɔ bɛ adwenle ɛngyinla ɛleka ko na bɛnze ninyɛne ne mɔ anwo bie la kyibehyiba bɛ ɛtane ɛtane bie, kɛmɔ bɛva bɛyɛ Nyamenle Edwɛkɛ ne bie mɔ la. Bɛlua ɛhye azo bɛlɛsɛkye bɛ ngome bɛ nwo.

2 Pit 3:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:4

Noko ɛse kɛ azule, yemɔti ɛnrɛnyia duma, Ɔboalekɛ ɛlale ɛ ze ɛkpa zo, Ɛvale ɔ ye; ɛguale nwolɛ evinli!

1 Arl 10:1

Hyiba belemgbunli raalɛ ne dele duma kpole mɔɔ Sɔlɔmɔn ɛnyia ye wɔ Ɛdɛnkɛma duma nu la nganeɛ, yemɔti ɔrale Gyɛlusalɛm kɛ ɔbado Sɔlɔmɔn abɛla mgbole kpalɛ.

Edwɛndolɛ Buluku ne 56:5

Mekɛ biala bɛkulo kɛ bɛsɛkye me adenle nu; dahuu bɛdwenle me nwo adwenle ɛtane.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:2

Bɛmmadi menli dɔɔnwo anzi bɛyɛ ɛtane; yɛɛ bɛmmatoa menli ne dɔɔnwo ti bɛkyea nɔhalɛ nye wɔ bɛ daselɛlilɛ nu bɛsɛkye pɛlepɛlelilɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:6

“Saa ehyianvolɛ nyia edwɛkɛ a, bɛmmakyea nɔhalɛ ne anye.

Gyɛlɛmaya Buluku ne 23:36

Na edwɛkɛ agbɔkɛ, ‘Ɛdɛnkɛma adesoa’ ne ɛdeɛ, bɛmmabɔ zolɛ bieko, ɔluakɛ adesoa ne a le bɛdabɛ bɛ nloa edwɛkɛ. Bɛmɛ, bɛsi tease Nyamenle ne mɔɔ le Tumivolɛ Ɛdɛnkɛma, yɛ Nyamenle ne la anloa edwɛkɛ ne ati aze.

Habakɛke Buluku ne 1:4

Ɔlua zolɛ mɛla nwo ɛnlɛ nvasoɛ yɛɛ pɛlepɛlelilɛ ɛnle ɛkɛ bieko. Ɔluakɛ amumuyɛma ɛbɔ tenlenema ɛnlo ɛmaa pɛlepɛlelilɛ ɛwie.

Edwɛkpa ne kɛmɔ Mateyu hɛlɛle la 15:3

Gyisɛse buale bɛ kɛ, “Na bɛdabɛ noko kɛmɔti a bɛnli Nyamenle mɛla ne azo na bɛdi bɛdabɛ bɛ ngilehilelɛ ne anzi ɛ?

Edwɛkpa ne kɛmɔ Mateyu hɛlɛle la 15:6

ɛnee ɔngyia kɛ ɔkɛli ɔ ze eni.’ Zɔhane ati bɛva bɛ amaamuo zɛhae bɛdu Nyamenle Edwɛkɛ ne bɛgua.

Edwɛkpa ne kɛmɔ Mateyu hɛlɛle la 22:29

Gyisɛse buale bɛ kɛ, “Bɛvo kpole! Ɔboalekɛ bɛnze Nyamenle Edwɛkɛ ne anzɛɛ Nyamenle tumi ne kɛ si de la.

Mɛla 16:19

Bɛmmadi mɔguazo, bɛmmanea sonla nyunlu yɛɛ bɛmmadie ndoloboa, ɔluakɛ ndoloboa ɛlielɛ si nrɛlɛbɛvolɛ bɔbɔ anye na ɔsɛkye mɔɔ di pɛlepɛle la adenle ɔmaa ɔbua mgbɔvodɛne.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:19

Menli ɛhye mɔ, bɛ awieleɛ a le kɛ Nyamenle bazɛkye bɛ, ɔluakɛ bɛ nyamenle a le bɛ ko. Mɔɔ ɔwɔ kɛ bɛse nwolɛ nyiane la bɛfa bɛtu bɛ nwo, yɛɛ bɛ adwenle muala gyi ewiade ninyɛne zo.

Kɛlata mɔɔ bɛhɛlɛle bɛhɔmanle Hibuluma la 5:11

Yɛlɛ dɔɔnwo yɛka wɔ edwɛkɛ ɛhye anwo, noko nuhua ngilenu bayɛ se amaa bɛ, ɔboalekɛ bɛ ndelebɛbo le ekyi.

1 Pit 1:1

Kɛlata ɛhye vi medame Pita, mɔɔ mele Gyisɛse Kelaese ɛzoanvolɛ la ɛkɛ. Melɛ mekamaa Nyamenle menli ne mɔɔ yekpa nu yeye bɛ na bɛha maanɔne wɔ Pɔntɛse, Galeehyea, Kapɛdosea, Ehyea, yɛɛ Baetenea maanzinli ne mɔ anu la amuala.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.

2 Pit 2:1

Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

2 Pit 2:14

Adwɔmanebɔlɛ ɛnzea bɛ adenle yɛɛ bɛnze ɛtane nwo nyiane nretee zɛhae. Bɛbɛlɛbɛla bɛdabɛ mɔɔ bɛtɛtinle sunsum nu la. Anyebolo ɛwie bɛ ku! Abule ɛbu bɛ!

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.