2 Pit 3:15 - BAEBOLO ANZƐƐ BULUKU NWUANZANWUANZA

¹⁵ Bɛde ɔ bo kɛ yɛ Awulae abotane ne le ngoanelielɛ maa bɛ, kɛmɔ adiema Pɔɔlo ɛlua nrɛlɛbɛ mɔɔ Nyamenle ɛva ɛmaa ye la azo ɛhɛlɛ ɛrɛlɛ bɛ la.

2 Pit 3:15 ပူးပေါင်းရင်းမြစ်များ

1 Arl 3:12

mebayɛ meamaa wɔ. Nea, memaa wɔ nrɛlɛbɛ kpole nee ndelebɛbo dɔɔnwo meadɛla awie biala mɔɔ bɛwo ye bɛdo azɛlɛ ye azo la anzɛɛ bɔ zo mɔɔ bɛbawo ye la.

1 Arl 3:28

Yizilayɛma dele ndɛne ne mɔɔ Belemgbunli Sɔlɔmɔn buale la, bɛ muala bɛlile ye eni. Bɛnwunle kɛ Nyamenle ɛmaa ye nrɛlɛbɛ mɔɔ ɔbava yeabu maanle ne a.

1 Arl 4:29

Nyamenle manle Sɔlɔmɔn nrɛlɛbɛ nee ndelebɛbo mɔɔ anu pi tɛla awie biala ɛdeɛ ne la yɛɛ adwenle kpole kpalɛ mɔɔ awie ɛngola ɛnnwu ɔ nzi la.

Ɛzela Buluku ne 7:25

“Na wɔmɔ Ɛzela, dua Nyamenle nrɛlɛbɛ ne mɔɔ yeva yemaa wɔ la azo ye menli mɔɔ ze wɔ Nyamenle ne Mɛla ne la, yɛ bɛ edwɛkɛdivolɛma nee ndɛnebuavolɛma maa bɛnlea bɛmaa pɛlepɛle ɛrɛla menli mɔɔ wɔ Yufileti Adɔleɛ la avinli. Na kilehile bɛdabɛ mɔɔ bɛnze mɛla ne la amuala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:3

na meva Nyamenle Sunsum ne meyi ye tɛkɛɛ. Memaa ye nrɛlɛbɛ nee ndelebɛbo, adwenle nee adwinli ngakyile muala anwo adwenle,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:6

Eza meye Ahesamake ara nrenya Oholeabe noko mɔɔ vi Dan abusua ekpunli ne anu la kɛ ɔ nee ye ɛyɛ gyima. Eza memaa dwinvolɛma gyɛne gyɛne adwenle kpole, amaa bɛahola debie biala mɔɔ meze wɔ kɛ ɛyɛ la yɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:31

na yeva Nyamenle Sunsum ne yeyi ye tɛkɛɛ, yemaa ye anwosesebɛ nee ndelebɛbo, adwenle nee adwinlililɛ ngakyile kɔsɔɔti,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:35

Yemaa bɛ nrɛlɛbɛ mɔɔ bɛkola bɛfa bɛdi adwinli biala, anwoneɛ nee awolɛ zo ɛhɛlɛlɛ, ninyɛne nu ɛnwolɛ, nee mboane enrinli buluwu, buluwu nee kɔkɔlɛ afonla, nee kɔkɔlɛ, yɛɛ lenen nyɛma ngɛnlɛma ndanlɛ ɛnwonlɛ. Yemɔti bɛkola bɛyɛ gyima ngakyile biala.

Nolo 2:26

Ɔluakɛ Nyamenle maa sonla ne mɔɔ sɔ ɔ nye la nrɛlɛbɛ, adwenle, yɛɛ anyelielɛ, na ɛtanevolɛ ne ɛdeɛ, ɔmaa ɔsesa ɔkuohua bɛ nloa ɔmaa mɔɔ sɔ Nyamenle anye la. Ɛhye noko le mgbane; ɔle kɛ ɛlɛkye anwoma la.

Ayezaya Buluku ne 30:18

Yemɔti Ɛdɛnkɛma ɛlɛkendɛ bɛ aze bɛ anwunvɔne. Yemɔti yeboɔboa ɔ nwo kɛ ɔnwu bɛ anwunvɔne. Nyilalɛ ɛha bɛdabɛ mɔɔ bɛfa bɛ rɛle bɛwula ye nu la.

Edwɛkpa ne kɛmɔ Luku hɛlɛle la 21:15

ɔboalekɛ mebamaa bɛ nrɛlɛbɛ nee edwɛkɛ agbɔkɛ meamaa bɛaha na bɛ kpɔvolɛma biala ɛnrɛhola bɛ nyunlu gyinla yeye bɛ nloa azo.

Ɛzoanvolɛma Gyima ne 15:25

Zɔhane ati yɛyia nu yɛbɔ kpɔkɛ na yɛdu menli kɛ bɛ nee Pɔɔlo nee Baanabase, mɔɔ ɛva bɛ ngoane ɛdo nzeleba wɔ yɛ Awulae Gyisɛse ɛzonlenlɛ ti la ɛrɛla.

Ɛzoanvolɛma Gyima ne 7:10

na ɔyele ye ɔvile ye amaneɛnwunlɛ muala anu. Mɔɔ Dwosefi dwule Yigyibiti belemgbunli ne (Falo) anyunlu la, Nyamenle manle ye nrɛlɛbɛ na ɔlua zo ɔnyianle ɔ nyunlu. Na Yigyibiti belemgbunli yɛle ye amɛnlado wɔ ye maanle ne anu nee ye suakunlu ɛkɛ ne neavolɛ.

Ɛzoanvolɛma Gyima ne 9:17

Yemɔti Ananayase hɔle sua nu ɛkɛ, ɔvale ɔ sa ɔguale Sɔɔlo ati zo na ɔzele ye kɛ, “Adiema Sɔɔlo, Awulae Gyisɛse, mɔɔ ɛlua adenle zo ɛlɛba ɛke mɔɔ ɔyele ɔ nwo ɔhilele wɔ la ɛzoa me ɛ nwo ɛke, amaa wɔanwu debie bieko na Sunsum Nwuanzanwuanza ne ara ɛ nwo zo.”

Wulo 2:4

Anzɛɛ ɛmbu ye kpalɛyɛlɛ totohyia ne nee ye abotane ne bie ɔ? Ɛnze kɛ Nyamenle atiakunlukɛnlɛmayɛlɛ ne wɔ ɛkɛ ne, ɔlɛkile wɔ yeamaa wɔanlu ɛ nwo ɔ?

1 Kɔl 12:8

Nyamenle Sunsum ne maa bie ka nrɛlɛbɛ edwɛkɛ, yɛɛ ɔmaa bie adwenle nu buke.

1 Kɔl 2:13

Zɔhane ati, mɔɔ yɛka la ɛnle edwɛkɛ mɔɔ sonla nrɛlɛbɛ a kilehile yɛ a. Nyamenle Sunsum ne kilehile yɛ wɔ mekɛ mɔɔ yɛkɛha kɛ yɛkilehile sunsum nu nɔhalɛ ne yɛahile bɛdabɛ mɔɔ Nyamenle Sunsum ne wɔ bɛ nu la.

1 Kɔl 3:10

Menvale ahyɛlɛdeɛ ne mɔɔ Nyamenle ɛva ɛlo me la mendole sua ne abo kɛ suasivolɛ kpalɛ, yɛɛ awie ɛlɛto zolɛ a. Na ɔwɔ kɛ awie biala nea kɛ ɔsi ɔto zolɛ la boɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:3

Nyamenle yele ye ngyehyɛlɛ ne mɔɔ vea la hilele me. (Mehɛlɛ ɛhye anwo edwɛkɛ sikalɛ,

1 Tem 1:16

Ɔlua ɛhye ati yɛɛ Nyamenle nwunle me anwunvɔne a, amaa Kelaese Gyisɛse abotane kpole ne mɔɔ ɔnyianle ye wɔ medame, ɛtanevolɛma kpanyinli me nwo la, ala ali na yeayɛ ndonwo yeamaa bɛdabɛ mɔɔ nzinlii bɛbalie ye bɛali na bɛanyia ngoane mɔɔ ɛnlɛ awieleɛ la.

Gyemise Kɛlata ne 1:5

Saa bɛ nuhua bie hyia nrɛlɛbɛ a, ɔzɛlɛ Nyamenle na ɔkɛva ɔkɛmaa ye; ɔboalekɛ Nyamenle ati akunlu le kɛnlɛma na ɔyila bɛdabɛ mɔɔ bɛbiza ye debie la.

Gyemise Kɛlata ne 3:17

Nrɛlɛbɛ ne mɔɔ vi anwuma lɔ la anwo te, mɔɔ lumua la ɛne. Eza ɔle anzonudwolɛ, ɔka ɔ nwo aze, ɔlɛ ndelebɛbo; anwunvɔnezelɛ ɛyi ye tɛkɛɛ yɛɛ ɔso nyɛleɛ kpalɛ biala ma. Ɔndwenle adwenle ɛtane, yɛɛ ɔmbɔ adalɛ.

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

2 Pit 3:9

Tɛ kɛ Awulae ɛngola ye ɛwɔkɛ mɔɔ yebɔ la azo di, kɛmɔ bɛ bie mɔ dwenle kɛ ɔde la, na yemɔ a le kɛ Awulae lɛ bɛ nwo abotane, ɔluakɛ ɔngulo kɛ bɛsɛkye awie biala. Ɔkpondɛ kɛ awie biala nu ɔ nwo na ɔtwe ɔ nwo ɔfi ye ɛtane ne mɔ anwo.