2 Pit 3:13 - BAEBOLO ANZƐƐ BULUKU NWUANZANWUANZA

¹³ Na yɛmɛ, kɛmɔ Nyamenle ɛwɔkɛ ne kile la, yɛkendɛ anwuma fofolɛ ne nee ewiade fofolɛ ne mɔɔ pɛlepɛlelilɛ wɔ nu la.

2 Pit 3:13 ပူးပေါင်းရင်းမြစ်များ

Ayezaya Buluku ne 60:21

Menli ne amuala bayɛ tenlenema; Bɛbava azɛlɛ ne bɛayɛ bɛ ɛdeɛ dahuu. Medame a menzole bɛ a, bɛle me sa anloa gyima, Amaa bɛawula me anyunlunyia.

Ayezaya Buluku ne 65:17

Ɛdɛnkɛma se, “Bɛnlea, mebɔ anwuma fofolɛ nee azɛlɛ fofolɛ; ninyɛne dɛba ne mɔ abo zo baminli mɔɔ awie ɛnrɛhakye bɛ bieko a.

Ayezaya Buluku ne 65:25

Bedi nee boane ralɛ babɔ nu adidi, awenade bali ndile kɛ ɛnlankɛ la, yɛɛ ɛwɔlɛ bali ndɛtɛlɛ. Bɛnrɛboda awie yɛɛ bɛnrɛzɛkye debie wɔ me boka nwuanzanwuanza ne azo, medame Ɛdɛnkɛma a mese a.”

Ayezaya Buluku ne 66:22

“Ɔluakɛ medame Ɛdɛnkɛma, mese, kɛmɔ anwuma fofolɛ ne nee azɛlɛ fofolɛ ne mɔɔ mebabɔ la badɛnla ɛkɛ ne dahuu la, zɔhane ala yɛɛ bɛ bo zo amra nee bɛ duma baha ɛkɛ dahuu a.

Wulo 8:21

kenle ko dedee bɛbaye abɔdeɛ muala bɛavi ɛkpɔlɔlɛ akɛlɛzonlenlɛ nu na yeanyia anyunlunyia fanwodi ne mɔɔ Nyamenle amra lɛ ye la.

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.

Yekile 21:1

Akee menwunle anwuma fofolɛ nee azɛlɛ fofolɛ. Ɔluakɛ alumua anwuma ne nee alumua azɛlɛ ne ɛze ɛhɔ, na nyevile ne ɛnle ɛkɛ bieko.

Yekile 21:27

Na debie biala mɔɔ anwo ɛnde la ɛnrɛhɔ suakpole ne azo. Zɔhane ala yɛɛ mɔɔ bɔ anyiemgba ɛbɛla na ɔbɔ adalɛ la ɛnrɛhɔ ɛkɛ a. Bɛdabɛ mɔɔ bɛhɛlɛ bɛ aluma wɔ Boaneralɛ ne teasema buluku ne anu la angome a bahɔ suakpole ne azo a.