2 Pit 3:10 - BAEBOLO ANZƐƐ BULUKU NWUANZANWUANZA

¹⁰ Awulae Kenle ne bara kɛ awule la. Kenle ne, anwuma bava ɛnelɛ kpole bie aminliminli anwomanyunlu na anwumaneamra ayela aholo; na azɛlɛ ye nee debie biala mɔɔ wɔ zolɛ la bayela adɔ nzonle.

2 Pit 3:10 ပူးပေါင်းရင်းမြစ်များ

Edwɛndolɛ Buluku ne 102:26

Bɛ bo zo baminli, noko wɔmɔ, ɛwɔ ɛkɛ ne dahuu; bɛ muala bɛbatete kɛ adɛladeɛ. Ɛdi bɛ ngakyile kɛ ɛdanlɛ, na bɛse bɛkɔ,

Edwɛndolɛ Buluku ne 46:6

Maanle maanle ahonle futu, belemgbunlililɛ to bɛka nu, ɔ nloa edwɛkɛ kokye maa azɛlɛ kolo.

Edwɛndolɛ Buluku ne 97:5

Awoka kolo kɛ ehuaba wɔ Ɛdɛnkɛma anyunlu, ewiade ye amuala Awulae ne anyunlu.

Ayezaya Buluku ne 2:12

Ɔluakɛ Tumivolɛ Ɛdɛnkɛma lɛ ye mekɛ mɔɔ ɔbava ɔ nee bɛdabɛ mɔɔ bɛmemaa bɛ nwo zo bɛyɛ mgbolede, yɛɛ bɛdabɛ mɔɔ bɛlɛ tumi la bali yeaha bɛ aze fɛɛnye a.

Ayezaya Buluku ne 24:19

Azɛlɛ ye ɛkpuke kpole bie, nuhua ɛkpakye nwiɔ. Azɛlɛ ye ɛkpusu kpole kpalɛ.

Ayezaya Buluku ne 34:4

Anwumaneamra kɔsɔɔti bawodo na bɛabobɔ anwomanyunlu kɛ nwoma la. Bɛ muala bɛbakpolo bɛagua kɛ vanye baka anzɛɛ feege baka nya mɔɔ ɛlɛkpolo agua la.

Ayezaya Buluku ne 51:6

Bɛdo bɛ nye anwuma bɛnlea, na bɛdo bɛ nye bɛnlea azɛlɛ ye, ɔluakɛ anwuma baminliminli kɛ esike; azɛlɛ ye batete kɛ ɛdanlɛ, na bɛdabɛ mɔɔ bɛde zolɛ la bawu kɛ ngokowule. Me ngoanelielɛ ne wɔ ɛkɛ dahuu, na me konimlilɛ ɛnrɛwie ɛlɛ.

Dwowɛle Buluku ne 1:15

Ɔbayɛ ɛzulolɛ kpole wɔ kenle ne! Ɔluakɛ Ɛdɛnkɛma kenle ne ɛbikye, ɔle kenle mɔɔ Tumivolɛ ne bava azɛkye ninyɛne a.

Dwowɛle Buluku ne 2:1

Bɛwu aweɛne tendenle ne anu wɔ Zayɔn; bɛbɔ bubu wɔ me boka nwuanzanwuanza ne azo! Bɛmaa menli mɔɔ wɔ azɛlɛ ne azo la kɔsɔɔti anwo ɛwozo bɛ, ɔluakɛ Ɛdɛnkɛma kenle ne ɛlɛba, yedwu bɔbɔ asɛɛ.

Dwowɛle Buluku ne 2:31

Sɛnzɛne ne balu kisii, na siane ne ayɛ kɔkɔlɛ kɛ mogya kolaa na Ɛdɛnkɛma kenle kpole anu ɛzulolɛ ne ara.

Dwowɛle Buluku ne 3:14

Apenle apenle, apenle apenle wɔ Ndɛnebualɛ Bɔnza ne anu. Ɔluakɛ Ɛdɛnkɛma mekɛ ne ɛbikye, ɔbazi Ndɛnebualɛ Bɔnza ne anu.

Emɔzo Buluku ne 9:13

“Bɛnlea, mekɛ ne ɛlɛba, ” Ɛdɛnkɛma a se a, “abɛlɛ bavievia mralɛ dɔɔnwo abo menli mɔɔ bu la anwo zo, yɛɛ vanye ma bazo abo nwanyeyɛlɛ zo. Nwanye fɛlɛko bazonyi avi awoka ne mɔ azo, na yeaze awoka ngyikyi ne mɔ azo.

Emɔzo Buluku ne 9:5

Awulae, Tumivolɛ Nyamenle ne mɔɔ fa ɔ sa ka azɛlɛ ye a ɔkpusu, na menli kɔsɔɔti mɔɔ de zolɛ la di nyane, na maanle ne anu pi na ɔbɔ, kɛ Yigyibiti Azule Naele ne di yitwe la;

Maeka Buluku ne 1:4

Awoka ne mɔ baholo ɔ gyakɛ abo, mbɔnza ne mɔ anu badudu ahuma mgbole; bɛbaholo kɛ ɛyɛlɛ mɔɔ ɛha senle la, na bɛaze kɛ azule mɔɔ vi boka kyengye zo ɛlɛwola la.

Nahum Buluku ne 1:5

Ɔye ɔ nyunlu a awoka kpusu, awoka ngyikyi ne mɔ kolo. Azɛlɛ ye tɔ mgbane wɔ ɔ nyunlu, ewiade nee nuhua ninyɛne muala yɛ mgbane.

Malakae Buluku ne 4:5

“Mebazoa Nyamenle kpɔmanvolɛ Yilaegya bɛ nwo kolaa na Ɛdɛnkɛma kenle kpole anu ɛzulolɛ ne ara.

Edwɛkpa ne kɛmɔ Mateyu hɛlɛle la 24:35

Anwuma nee aze bapɛ nu aze, na me nloa edwɛkɛ ɛnrɛpɛ nu ɛlɛ.

Edwɛkpa ne kɛmɔ Maake hɛlɛle la 13:31

Anwuma nee aze bapɛ nu aze, na me nloa edwɛkɛ ɛdeɛ, ɔnrɛpɛ nu ɛlɛ.

Edwɛkpa ne kɛmɔ Luku hɛlɛle la 12:39

Na bɛhakye ɛhye! Saa awuke menle ze mekɛ holɛ ko mɔɔ awule ne kɛva kɛra la a, anrɛɛ ɔnrɛmaa ye adenle ɔnrɛmaa ɔnrɛbu ɔnrɛra ye sua ne anu.

Wulo 8:20

Ɔluakɛ abɔdeɛ muala mgbane mɔɔ ɛyɛ la, tɛ ɔdaye ye ɛhulolɛ zo ɔ, na Nyamenle ngyehyɛlɛ ɔ. Noko anyelazo ɛhye wɔ ɛkɛ ne kɛ

1 Kɔl 1:8

Kelaese ɔdaye ɔbamaa bɛagyinla kpundii bɛahɔ awieleɛ, amaa bɛanli fɔlɛ wɔ debie biala anu wɔ yɛ Awulae Gyisɛse Kelaese Kenle ne.

1 Kɔl 5:5

bɛye sonla ɛhye bɛwula Seetan asa anu amaa ye nwonane ne azɛkye na ye ɛkɛla anyia ngoane wɔ Awulae Kenle ne.

1 Tɛs 5:2

Ɔluakɛ bɛdabɛ bɛze kɛ Awulae Kenle ne bara kɛ awule ba bawua nɔɔzo la.

1 Tɛs 5:4

Noko ayi mɔ, bɛmɛ bɛnde awozinli nu na Kenle ne ali bɛ nvunu kɛ awule la.

2 Pit 3:11

Na saa bɛbazɛkye ewiade ye amuala wɔ adenle zɛhae anu a, ɛnee bɛdabɛ bɛnea a duzu menli a ɔwɔ kɛ bɛyɛ a? Ɔwɔ kɛ bɛyɛ menli mɔɔ bɛ ɛbɛla nwo te saanwu na bɛtu bɛ nwo bɛmaa Nyamenle,

2 Pit 3:12

wɔ mekɛ mɔɔ bɛlɛkendɛ na bɛ nye la kɛ Nyamenle Kenle ne bara ndɛndɛ la. Kenle zɔhane anwuma bayela adɔ nzonle na ye wuluwulu ne aholo anwumaneamra amuala.

2 Pit 3:7

Nyamenle anloa edwɛkɛ ko ye ala azo a bɛlua bɛhua anwuma nee aze mɔɔ kɛkala wɔ ɛkɛ ne la anwo senle bɛzie ɛkɛ bɛlɛfa bɛahendɛ ndɛnebualɛ kenle ne nee menli mɔɔ ɛnze Nyamenle la ɛzɛkyelɛ a.

Dwuudu Kɛlata ne 1:6

Bɛhakye kɛ Nyamenle soanvolɛma ne mɔ mɔɔ bɛangola bɛanzie bɛ ti ɛleka ko, na bɛkpole bɛ gyinlabelɛ kpalɛ ne la, Nyamenle ɛgua bɛ nwɔnzɔnwɔnzɔ mɔɔ bɛnzianyi bɛ ɛlɛ la wɔ awozinli kabikabi ne anu lɔ kɛ bɛhendɛ Ndɛnebualɛ Kenle kpole ne.

Yekile 16:15

“Bɛdie! Mebara bɛ nwo zo kɛ awule la! Na nyilalɛ ɛha sonla ne mɔɔ ɛnee ɔ nye gyi zolɛ na ɔnea ye ninyɛne boɛ la, amaa yeanlɛ ɔ nwo zɔ wɔ menli nu na ɔ nyunlu angua aze!”

Yekile 20:11

Akee menwunle Belemgbunli ne nee ye belemgbunli ebia fufule ne mɔɔ ɔde zolɛ la. Anwuma nee azɛlɛ minliminlinle ɔ nyunlu ɛkɛ ne na bɛannwu bɛ bieko.

Yekile 21:1

Akee menwunle anwuma fofolɛ nee azɛlɛ fofolɛ. Ɔluakɛ alumua anwuma ne nee alumua azɛlɛ ne ɛze ɛhɔ, na nyevile ne ɛnle ɛkɛ bieko.

Yekile 3:3

Zɔhane ati, kakye mɔɔ bɛhilehile wɔ nee mɔɔ ɛdele la, di zolɛ, na nu ɛ nwo. Saa wɔanyɛ ɛ nye gyɛlɛmgbɛɛnye a, mebara ɛ nwo zo kɛ awule, na ɛnrɛnwu mekɛ ko ne mɔɔ mebava meara la.

Yekile 6:14

Bɛnyenyanle anwomanyunlu kɛ ɛkpa la na ɔminliminlinle, na boka nee bɔra biala dudule vile bɛ bo zo ne mɔ.