1 Ayi mɔ, kɛlata mɔɔ tɔ zo nwiɔ mɔɔ melɛkɛlɛ mearɛlɛ bɛ la ɛne. Wɔ bɛ mu nwiɔ anu, mebɔ mɔdenle kɛ mekakyehakye bɛ adwenle,
Kyesɛ sonla mɔɔ ahonle nu te na ɔnli ɛzonle, sonla mɔɔ ɛnzɔ mmonle, yɛɛ ɔnga ndane adalɛ la.
Nɔhalɛ, Nyamenle le kpalɛ maa mɔɔ di boɛ la, ɔle kpalɛ ɔmaa bɛdabɛ mɔɔ bɛ ahonle nu te la.
“Nyilalɛ ɛha bɛdabɛ mɔɔ bɛ ahonle nu te la; Bɛbanwu Nyamenle!
Mekakye bɛdabɛ mɔɔ bɛyɛ ɛtane dɛba, nee bɛdabɛ mɔɔ bɛha la amuala kɛ, meha ye dɛba wɔ mekɛ mɔɔ membamkpɔlale bɛ mɔɔ tɔ zolɛ nwiɔ la, yɛɛ melɛka ye bieko kɛkala mɔɔ menle bɛ nwo lɔ la kɛ, saa meba a bɛ nuhua biala mɔɔ ɛyɛ ɛtane la ɛnrɛva ɔ nwo dwɔɔ.
Mmapele ndɛ ɛfa ɛ sa ɛgua awie biala ati zo kɛ ɔrayɛ Awulae gyima. Mmafa ɛ nwo ɛdielie awie mɔ nyɛleɛ ɛtane ɛtane nu; nea maa ɛ nwo ɛde.
Zɔhane ati meka meahile wɔ kɛ fa ahyɛlɛdeɛ ne mɔɔ Nyamenle manle wɔ, wɔ mekɛ mɔɔ menvale me sa menguale ɛ ti zo la yɛ gyima.
Noko ayi mɔ, saa yɛtendɛ zɛhae bɔbɔ a, yɛ adwenle si pi wɔ bɛ nwo. Yɛze kɛ nyilalɛ kpalɛ bie wɔ ɛkɛ mɔɔ beta ngoanelielɛ nwo a.
Kɛkala mɔɔ ɔlua bɛ tieyɛ wɔ nɔhalɛ ne anwo bɛde bɛ nwo bɛvi ninyɛndane nwo na bɛnyia ɛhulolɛ bɛmaa bɛ mediema diedima la, bɛmaa bɛ ɛhulolɛ ne ɛyɛ nɔhalɛ ɛhulolɛ mɔɔ vi bɛ ahonle nu a.
Ayi mɔ, mesɛlɛ bɛ, bɛle nyɛvolɛ nee adendulɛma wɔ ewiade! Bɛmmadi nwonane atiakunluwɔzo ne mɔ mɔɔ dahuu nee bɛ ɛkɛla ko la anzi fee.
Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.
Na ayi mɔ, bɛmɛ bɛhakye bɛ ɛhye mɔ anwo bie dɛba. Yemɔti bɛnlea boɛ na kpamgbanvolɛma anva bɛ amumuyɛ andwe bɛ angɔ nvonleɛ nu, na bɛavi ɛleka kɛnlɛma ɛhye mɔɔ bɛgyi la bɛagua aze.
Na ayi mɔ, bɛmmamaa bɛ rɛle fi nɔhalɛ ko ɛhye. Awulae ɛdeɛ, kenle ko le ɔ nye zo ɛvolɛ apenle, yɛɛ ɛvolɛ apenle le ɔ nye zo kenle ko.
Bɛze ɛhye bɔkɔɔ, noko eza mekulo kɛ mekakye bɛ kɛ Awulae mɔɔ liele Yizilayɛma vile Yigyibiti azɛlɛ zo la eza nzinlii zɛkyele bɛdabɛ mɔɔ bɛanlie bɛanli la.