2 Pit 2:4 - BAEBOLO ANZƐƐ BULUKU NWUANZANWUANZA

⁴ Saa Nyamenle anvavi ye soanvolɛma ne mɔɔ vonle ye, na ɔvuandinle bɛ ɔguale hɛɛle, yemaa bɛgua bɛ nwɔnzɔnwɔnzɔ wɔ awozinli kabii ne anu, kɛ bɛhendɛ Ndɛnebualɛ Kenle ne;

2 Pit 2:4 ပူးပေါင်းရင်းမြစ်များ

Dwobu Buluku ne 21:30

kɛ amaneɛnwunlɛ mekɛ nu, bɛgyakyi amumuyɛnli ne, na bɛye ye bɛfi ɛya kenle ne anu ɔ?

Dwobu Buluku ne 4:18

Ye sonvolɛma bɔbɔ, ɔnlie bɛ ɔnli, yɛɛ anwuma soanvolɛma bɔbɔ, ɔnyia bɛ nwo nvonleɛ.

Edwɛndolɛ Buluku ne 78:50

Ɔkpakyele adenle ɔmanle ye ɛya ne; yeanlie biala yeanvi ewule nu, na ɔmanle ewule nzane hunle bɛ muala.

Ayezaya Buluku ne 14:12

“O Alehyenlɛ Ɛwɔlɔra, Aleɛbahye Ralɛ Nrenya, ɛvi anwuma wɔdɔ aze kpole o! Wɔmɔ mɔɔ anrɛɛ ɛka maanle maanle aze fɛɛnye la, nea aze ko mɔɔ bɛvuandi wɔ bɛdo a!

Yizikeɛle Buluku ne 5:11

“Zɔhane ati medame tease Awulae Nyamenle, mese, suzuamgba ala mɔɔ bɛva bɛ ninyɛmunli nee bɛ bɛkyi ninyɛne ne mɔ bɛgua me ɛleka nwuanzanwuanza ne evinli la, mebabɔ bɛ bo zo. Menrɛvavi bie yɛɛ menrɛze anwunvɔne.

Yizikeɛle Buluku ne 7:4

Menrɛvavi bie, yɛɛ menrɛze anwunvɔne. Mebadea bɛ, kɛmɔ bɛ ndenle ne mɔ mɔɔ bɛlua nu la si de, na bɛtɛbɔ bɛ amumuyɛ ɛbɛla ne mɔ la, na bɛanwu kɛ medame a mele Ɛdɛnkɛma a.”

Yizikeɛle Buluku ne 7:9

Menrɛvavi bie, yɛɛ menrɛze anwunvɔne. Mebadea bɛ wɔ mekɛ mɔɔ bɛtɛyɛ bɛ bɛkyi ninyɛne ne mɔ la, na akee bɛanwu kɛ medame a mele Ɛdɛnkɛma, mɔɔ mekola meku bɛ a.

Edwɛkpa ne kɛmɔ Mateyu hɛlɛle la 25:41

“Akee mebaze bɛdabɛ mɔɔ bɛwɔ me sa bɛne zo la kɛ, ‘Bɛvi me nwo ɛke bɛhɔ, munzule menli! Bɛhɔ senle ne mɔɔ ɛnnu ɛlɛ, mɔɔ ɔvi ewiade abobɔlɛ bɛhua bɛmaa Abɔnsam nee ye soanvolɛma la anu!

Edwɛkpa ne kɛmɔ Mateyu hɛlɛle la 8:29

Na bɛdeanle nu kɛ, “Wɔmɔ Nyamenle Ara, duzu yɛɛ ɛkpondɛ wɔ yɛ ɛkɛ ne a? Wɔra kɛ ɛbadea yɛ kolaa na kenle ne adwu ɔ?”

Edwɛkpa ne kɛmɔ Maake hɛlɛle la 5:7

na ɔhanle ye kpole kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mefa Nyamenle mekpa wɔ kyɛlɛ, mmatea me!”

Edwɛkpa ne kɛmɔ Luku hɛlɛle la 10:18

Gyisɛse buale bɛ kɛ, “Menwunle kɛ Seetan vi anwuma kɛ ɛsɛlɛmanye la ɛrade aze.

Edwɛkpa ne kɛmɔ Luku hɛlɛle la 8:31

Sunsum ɛtane ne mɔ zɛlɛle Gyisɛse kɛ ɔmmagua bɛ azɛlɛ bo kuma kpole ne mɔɔ bɛfɛlɛ ye “abese” la anu.

Dw 8:44

Bɛ ze kpalɛ ne a le Abɔnsam. Ɔ mra a le bɛ, yɛɛ bɛlɛyɛ mɔɔ bɛ ze kpalɛ ne kulo la. Ɔbɔ ɔ bo amuala la ɛnee ɔle kɔdiawu. Yeanli nɔhalɛ ɛlɛ, ɔboalekɛ nɔhalɛ nretee zɛhae ɛnle ye nu. Saa ɔbɔ adalɛ a ɛnee ɔlɛyɛ mɔɔ ɔwɔ kɛ ɔyɛ la, ɔboalekɛ ɔle alane, yɛɛ ɔle adalɛ kɔsɔɔti bɛ ze.

Wulo 11:21

Ɔluakɛ saa Nyamenle anvavi Dwuuma ne mɔɔ le kɛ baka ne ɔdaye ye ngane ne mɔ la a, ɛnee ɔnrɛvavi bɛdabɛ noko.

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

Mɛla 29:20

Ɛdɛnkɛma ɛnrɛva ye ɛtane ɛnrɛhyɛ ye. Ɛdɛnkɛma bava ɛya ahwe nungule na yeaye ye yeavi ɔ nye zo. Munzule mɔɔ bɛhɛlɛ bɛ buluku ye anu la amuala baha ye, na Ɛdɛnkɛma baye ye duma avi ewiade.

2 Pit 2:11

Noko, Nyamenle soanvolɛma bɔbɔ, mɔɔ yɛ se, lɛ tumi tɛla kilehilevolɛma alane ɛhye mɔ la ɛnva ɛya ɛndoɔdoa bɛ ɛngile Awulae.

2 Pit 2:5

saa Nyamenle anvavi ewiade dɛba ne na ɔvale azuyilɛ ɔzɛkyele ɛtane ewiade ne, na ɔgyakyile Nowa, mɔɔ bɔle Nyamenle pɛlepɛlelilɛ nwo nolo, nee menli nsuu bie;

2 Pit 2:9

ɛnee Awulae ze kɛ ɔsi ɔdie menli kpalɛ ɔfi bɛ sɔnea nu na ɔsie amumuyɛma wɔ ndeanlɛ bo kɔkpula Ndɛnebualɛ Kenle ne a.

1 Dw 3:8

Na awie biala mɔɔ yɛ ɛtane la le Abɔnsam ɛdeɛ, ɔluakɛ mɔlebɛbo ne Abɔnsam a lumuale yɛle ɛtane a. Deɛ mɔɔ yemɔti Nyamenle Ara ne rale la a le kɛ ɔbazɛkye Abɔnsam gyima biala mɔɔ yeli la.

Dwuudu Kɛlata ne 1:13

Bɛle kɛ nyevile mɔɔ ɛzɛkye la azɛlɛkye, bɛ awubue da bɛ anyiemgba nyɛleɛ ne mɔ ali. Bɛle kɛ nwɔlɔra mɔɔ nwɔnla la. Nyamenle ɛva awozinli kabikabi ne mɔɔ ɛnde ɛlɛ la ɛzie ɛkɛ ɛmaa bɛ.

Dwuudu Kɛlata ne 1:6

Bɛhakye kɛ Nyamenle soanvolɛma ne mɔ mɔɔ bɛangola bɛanzie bɛ ti ɛleka ko, na bɛkpole bɛ gyinlabelɛ kpalɛ ne la, Nyamenle ɛgua bɛ nwɔnzɔnwɔnzɔ mɔɔ bɛnzianyi bɛ ɛlɛ la wɔ awozinli kabikabi ne anu lɔ kɛ bɛhendɛ Ndɛnebualɛ Kenle kpole ne.

Yekile 20:10

Na bɛvuandinle Abɔnsam ne mɔɔ rabɛlɛbɛlale bɛ la bɛdole sendɔlɔra nee sɔlefa tandane ne mɔɔ bɛguale nane ne nee ye kpɔmanvolɛ alane ne nu la anu; na bɛbahile bɛ nyane alehyenlɛ nee aledwolɛ mekɛ mɔɔ ɛnlɛ awieleɛ.