2 Pit 2:21 - BAEBOLO ANZƐƐ BULUKU NWUANZANWUANZA

²¹ Ɛnee noko bɔbɔ ɔle kpalɛ kɛ anrɛɛ bɛannwu pɛlepɛlelilɛ adenle ne fee, tɛla kɛ bɛkɛnwu ye na bɛkɛhakyi bɛ nzi bɛkɛzi mɛla nwuanzanwuanza ne mɔɔ bɛva bɛmaa bɛ la.

2 Pit 2:21 ပူးပေါင်းရင်းမြစ်များ

Edwɛndolɛ Buluku ne 125:5

Na bɛdabɛ mɔɔ bɛkakyi bɛ nwo bɛyɛ ninyɛndane la Ɛdɛnkɛma badea bɛ nee amumuyɛma amuala. Anzonudwolɛ ɛha Yizilayɛma.

Edwɛndolɛ Buluku ne 85:8

Maa mendie mɔɔ Ɛdɛnkɛma Nyamenle ne baha la, ɔluakɛ ɔbaha anzonudwolɛ edwɛkɛ yeahile ye menli ne, ɔdaye ye menli ne mɔɔ ɛva bɛ ahonle ɛmaa ye la.

Mrɛlɛbulɛ Buluku ne 12:28

Tenleneyɛlɛ le ngoane adenle, yɛɛ ɛtaneyɛlɛ adenle wie ewule.

Mrɛlɛbulɛ Buluku ne 16:31

Mgbanyinli egyɛne le anyunlunyia abɔtile maa mɔɔ lɛ ye la; ɛbɛla kpalɛ ɛbɔlɛ a maa bɛnyia ye a.

Yizikeɛle Buluku ne 18:24

“Na saa tenlenenli twe ɔ nwo fi ye kpalɛ mɔɔ yeyɛ la anwo, ɔyɛ ɛtane na ɔyɛ bɛkyi ninyɛne ne mɔ mɔɔ amumuyɛnli ne yɛ la bie a, ɔbawu. Bɛnrɛhakye ye kpalɛ biala mɔɔ yeyɛ la. Munzule ne mɔɔ yebɔ la anwo fɔlɛlilɛ nee ye ɛtane ne mɔ mɔɔ yeyɛ la ati, ɔbawu.

Yizikeɛle Buluku ne 23:13

Na menwunle kɛ yezɛkye, na bɛ mu nwiɔ bɛlua edinli ko azo.

Yizikeɛle Buluku ne 3:20

“Saa tenlenenli bɔ ɔ bo kɛ ɔdi ɛtane, ɔyɛ amumuyɛ a, mebamaa yeadu koti. Kɛmɔ ɛtɛbɔle ye kɔkɔ la ati, ɔbawu wɔ ye ɛtane ti, yɛɛ ye debie kpalɛ biala mɔɔ ɔyɛle la, menrɛhakye ye bieko; na ye ewule ne ɛdeɛ, mebabiza wɔ nwolɛ edwɛkɛ.

Yizikeɛle Buluku ne 33:13

Saa meka mekile tenlenenli kɛ ɔbanyia ngoane, na ɔmaa ɔ ti anu yɛ ye fɛ na ɔyɛ ɛtane a, ye tenlene nyɛleɛ biala mɔɔ yeyɛ la abo zo baminli mɔɔ bɛnrɛhakye ye bieko a, na ɛtane ne mɔɔ yeyɛ la yɛɛ ɔbawu yeala nu a.

Zɛfanaya Buluku ne 1:6

nee bɛdabɛ mɔɔ bɛhakyi bɛ nzi bɛzi Ɛdɛnkɛma, mɔɔ bɛmkpondɛ ye, yɛɛ bɛmbiza ye ɛkɛ ne edwɛkɛ la, mebazɛkye bɛ muala.”

Edwɛkpa ne kɛmɔ Mateyu hɛlɛle la 21:32

Ɔluakɛ Dwɔn Sɔnevolɛ ne rale na ɔrahilehilele bɛ nɔhalɛ adenle ne la, bɛanlie ye bɛanli; noko adwuledievolɛma nee tuutuuma liele ye lile; yɛɛ nzinlii bɔbɔ mɔɔ bɛnwunle ɛhye zɔhane la, bɛannu bɛ nwo na bɛalie ye bɛali.”

Edwɛkpa ne kɛmɔ Luku hɛlɛle la 12:47

“Sonvolɛ mɔɔ ze deɛ mɔɔ ɔ menle kpondɛ kɛ ɔyɛ, noko ɔnziezie ɔ nwo kɛ ɔyɛ mɔɔ ɔ menle kpondɛ la, bɛkɛbila ye empele kpalɛ kpalɛ.

Dw 15:22

Saa meamba meammanga edwɛkɛ ne meangile bɛ a anrɛɛ bɛnli ɛtane nwo fɔlɛ; kɛkala, bɛnlɛ bɛ ɛtane nwo nyelebɛnloa biala.

Dw 9:41

Gyisɛse buale kɛ, “Saa bɛ nye ɛzi a, anrɛɛ bɛnli fɔlɛ, na kɛmɔ bɛdabɛ bɛse bɛnwu debie la, bɛ fɔlɛlilɛ doa bɛ.”

Wulo 7:12

Zɔhane ati, Mosisi mɛla mumua ne le nwuanzanwuanza, yɛɛ ngyehyɛlɛ ne le nwuanzanwuanza, ɔle kpalɛ, ɔtenrɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:2

Bɛsosɔ bɛ nwo ngoko, na bɛyɛ ye zɔhane a ɛnee bɛlɛdi Kelaese mɛla ne azo.

1 Tɛs 4:2

Ɔluakɛ bɛdabɛ bɛze ngilehilelɛ mɔɔ ɔlua Awulae Gyisɛse tumi zo yɛvale yɛmanle bɛ la.

1 Tem 6:14

di ngyehyɛlɛ ne azo na maa nwolɛ ɛde bɔkɔɔ ɔhɔkpula Kenle mɔɔ yɛ Awulae Gyisɛse Kelaese kɛra bieko la.

Kɛlata mɔɔ bɛhɛlɛle bɛhɔmanle Hibuluma la 10:26

Ɔluakɛ kɛkala mɔɔ yɛnwu nɔhalɛ ne la, saa yɛ nye fuu yɛkɔ zolɛ yɛyɛ ɛtane a, azubɔlɛ bieko ɛnle ɛkɛ mɔɔ kɛhola kɛye yɛ ɛtane ne mɔ a.

Gyemise Kɛlata ne 4:17

Yemɔti, sonla ne mɔɔ ze debie kpalɛ mɔɔ ɔwɔ kɛ ɔyɛ na yeanyɛ la, ɔle ɛtane ɔmaa ye.

2 Pit 3:2

amaa bɛadwenle edwɛkɛ mɔɔ Nyamenle kpɔmanvolɛma nwuanzanwuanza ne mɔ ɛha ɛdo ɛkɛ ne nee Awulae Dievolɛ ne ngyehyɛlɛ mɔɔ ɛzoanvolɛma ne mɔ ɛva ɛmaa bɛ la anwo.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.