2 Pit 2:20 - BAEBOLO ANZƐƐ BULUKU NWUANZANWUANZA

²⁰ Ɔluakɛ saa menli nwu yɛ Awulae nee Dievolɛ Kelaese Gyisɛse, na ɔlua ɔ ti bɛfi ewiade ninyɛndane nu na eza bɛsia bɛ nzi bɛmaa ninyɛne zɔhane mɔ fo bɛ nwo zo a, ɛnee noko bɛ gyakɔ; bɛbazɛkye kpalɛ wɔ awieleɛ ne bɛadɛla alumua ne.

2 Pit 2:20 ပူးပေါင်းရင်းမြစ်များ

Yizikeɛle Buluku ne 33:13

Saa meka mekile tenlenenli kɛ ɔbanyia ngoane, na ɔmaa ɔ ti anu yɛ ye fɛ na ɔyɛ ɛtane a, ye tenlene nyɛleɛ biala mɔɔ yeyɛ la abo zo baminli mɔɔ bɛnrɛhakye ye bieko a, na ɛtane ne mɔɔ yeyɛ la yɛɛ ɔbawu yeala nu a.

Sɛlɛ 13:20

Sɛlɛvolɛ ne banleɛnlea ahenle ne hanlɛ ne kpalɛ, na saa hanlɛ ne ɛyɛ kuma na enrinli mɔɔ wɔ nu la ɛyɛ fufule a, sɛlɛvolɛ ne bado duma kɛ ahenle ne anwo ɛnde; kokobɛ ɛdila ye na yevinde hanlɛ ne anu.

Sɛlɛ 13:55

Kenle nsuu ne anzi, sɛlɛvolɛ ne banleɛnlea deɛ ne anu ɛleka mɔɔ anrɛɛ ewule ne wɔ la, na saa ɛleka mɔɔ anrɛɛ ewule ne wɔ la anye angakyi a, ɛnee ewule ne anzande bɔbɔ ɛdeɛ, noko deɛ ne anwo ɛnde. Saa kokobɛ ne abo zo ne tɛbɔ ɛdanlɛ ne anzɛɛ nwoma ne akunlu o, ɔ nzi o, bɛgua ye senle nu bɛyela ye.

Sɛlɛ 14:43

“Saa bɛyeye awolɛ ne mɔ, bɛtudu sua ne bane ne mɔ anwo, bɛtanlitanli ye fofolɛ, bɛta nwolɛ, na ewule ne sia ba bieko a,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 24:20

Akee wɔ ye ɛnyelɛzodeɛnwunlɛ ne anu, Beelam nwunle Amalɛkema na ɔhanle Nyamenle nrɛlaleɛ ɛhye: “Ɛnee Amalɛke a le maanle mɔɔ te kpɔkɛ kpalɛ kpalɛ a, Na awieleɛ ne, ɔbabɔ bɔkɔɔ.”

Mɛla 32:29

Saa bɛze nrɛlɛbɛ a anrɛɛ bɛkɛde ɛhye abo, anrɛɛ bɛbanwu mɔɔ nzinlii bazi bɛ nwo zo la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:19

Menli ɛhye mɔ, bɛ awieleɛ a le kɛ Nyamenle bazɛkye bɛ, ɔluakɛ bɛ nyamenle a le bɛ ko. Mɔɔ ɔwɔ kɛ bɛse nwolɛ nyiane la bɛfa bɛtu bɛ nwo, yɛɛ bɛ adwenle muala gyi ewiade ninyɛne zo.

2 Tem 2:4

Sogyanli mɔɔ gyi konle nloa la kpondɛ kɛ ɔsɔ ye safohyenle ne anye. Yemɔti ɔnva ɔ nwo ɔnwulowula maanlema ɛbɛlabɔlɛ nu.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.

2 Pit 1:11

Zɛhae nyɛleɛ zo ala yɛɛ bɛlua a bɛkɛnyia yɛ Awulae nee Dievolɛ Gyisɛse Kelaese belemgbunlililɛ ne mɔɔ ɛmbɔ aze ɛlɛ la a.

2 Pit 1:2

Nyamenle ɛlo bɛ dɔɔnwo na ɔmaa bɛ nzo nu ɛdwo bɛ molozo kɛ bɛnwu ye nee yɛ Awulae Gyisɛse a.

2 Pit 1:3

Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.

2 Pit 1:8

Ɔluakɛ saa bɛlɛ subane kpalɛ zɛhae molozo a, ɔmaa bɛ nwo kpundi bɛ na bɛyɛ nla wɔ yɛ Awulae Gyisɛse Kelaese anwo deɛnwunlɛ nu.

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.