2 Pit 2:2 - BAEBOLO ANZƐƐ BULUKU NWUANZANWUANZA

² Menli dɔɔnwo badoa bɛ alua bɛ ɛbɛla mgbane mgbane adenle ɛhye anu, na ɔlua bɛ nyɛleɛ ti menli adendɛ ɛtane atia nɔhalɛ Adenle ne.

2 Pit 2:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:5

Bɛvɛlɛle Lɔɔto na bɛbizale ye kɛ, “Menli mɔɔ razokoɛle wɔ nɔsolɛ ye la wɔ nienwu? Fa bɛ finde ɛke maa yɛva bɛ.”

Edwɛndolɛ Buluku ne 18:21

ɔluakɛ meli Ɛdɛnkɛma mɛla ne mɔ azo, metɛkakyile me nzi metɛsile me Nyamenle ne anyefuu nu.

Ayezaya Buluku ne 35:8

Bɛbakpakye ademgbole bɛado ɛkɛ, bɛbavɛlɛ ye “Nwuanzanwuanza Adenle.” Sonla mɔɔ anwo ɛnde la ɛnrɛva zolɛ, yɛɛ ahoasea ɛnrɛhola menli mɔɔ fa ɛkɛ la koasea yɛ.

Gyɛlɛmaya Buluku ne 6:16

Ɛdɛnkɛma zele ye menli ne kɛ, “Bɛgyinlegyinla ndenle ne mɔ azo na bɛnlea. Bɛbizebiza mɔmoane ndenle ne mɔ, ɛleka mɔɔ adenle kpalɛ kpalɛ ne la la. Bɛlua nuhua na bɛkɛnyia anzonudwolɛ.” Na bɛbuale kɛ, “Kyɛkyɛ, yɛnrɛlua nuhua fee.”

Edwɛkpa ne kɛmɔ Mateyu hɛlɛle la 22:16

Yemɔti bɛzoanle bɛ ɛdoavolɛma ne bie mɔ nee belemgbunli Hɛlɔdo asa zo ne mɔ bie wɔ Gyisɛse anwo ɛkɛ na bɛhɔbizale ye kɛ, “Kilehilevolɛ, yɛze kɛ wɔmɔ ɛka nɔhalɛ. Ɛkilehile Nyamenle adenle ne nɔhalɛ nu mɔɔ ɛndwenle mɔɔ menli ka la anwo a, ɔboalekɛ ɛnnea sonla nyunlu.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 7:14

Na anuhɔlɛ ne mɔɔ kɔ ngoane mɔɔ ɛnlɛ awieleɛ la anu la le ɛdenraa, ye adenle ne anu ɛvalɛ ɛnla aze, yɛɛ menli ekyi bie a nwu ye a.

Edwɛkpa ne kɛmɔ Maake hɛlɛle la 12:14

Bɛrale la bɛbizale ye kɛ, “Kilehilevolɛ, yɛze kɛ wɔmɔ ɛnnea sonla nyunlu, yɛɛ ɛndie menli ngehanleɛ, na ɛkilehile Nyamenle ɛhulolɛdeɛ ne nɔhalɛ nu. Na ɛnea a, ɛnee ɔtia yɛ mɛla ne kɛ yɛkɛdua adwule yɛkɛmaa Maanle Maanle Belemgbunli ne ɔ? Ɔwɔ kɛ yɛtua anzɛɛ ɔnle kɛ yɛtua? Ka kile yɛ.”

Edwɛkpa ne kɛmɔ Maake hɛlɛle la 13:22

Ɔluakɛ Mɛzayama nee Nyamenle kpɔmanvolɛma alane dɔɔnwo bara. Bɛbaye ngonyia, bɛayɛ nwanwane ninyɛne mgbole kɛ bɛfa bɛabɛlɛbɛla Nyamenle menli ne mɔɔ yekpa nu yeye bɛ la saa ɔkɛyɛ boɛ a.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Ɛzoanvolɛma Gyima ne 13:10

na ɔzele ye kɛ, “Wɔmɔ Abɔnsam ara, ɛle debie kpalɛ biala kpɔvolɛ. Amumuyɛ ɛyi wɔ tɛkɛɛ, yɛɛ dahuu ɛbɔ adalɛ wɔ Awulae adenle kpalɛ ne anwo.

Ɛzoanvolɛma Gyima ne 14:2

Na Dwuuma bie mɔ mɔɔ anlie anli la lile wulale bɛdabɛ mɔɔ bɛnle Dwuuma la bie mɔ manle bɛvale diedima ne mɔ ɛkpɔlɛ.

Ɛzoanvolɛma Gyima ne 16:17

Ɔdoale yɛ nee Pɔɔlo na ɔlile yɛ nzi ɔdeɛdeanle nu kɛ, “Anwuma Anwuma Nyamenle ne sonvolɛma, mɔɔ bɔ ngoanelielɛ adenle ne anwo nolo la ɛne!”

Ɛzoanvolɛma Gyima ne 18:26

Ɔdendɛle akɛnrasesebɛ zo kpalɛ wɔ Dwuuma nyianu sua ne anu. Pelesela nee Akoyela nwunle ye la, bɛvɛlɛle ye bɛ sua nu na bɛhilehilele ye Awulae Adenle ne anwo edwɛkɛ fɔɔnwo.

Ɛzoanvolɛma Gyima ne 19:9

Na kɛmɔ bie mɔ ahonle ɛsolo la ati, bɛ muala bɛanlie bɛanli. Bie mɔ dendɛle ɛtane tiale Awulae Adenle ne wɔ menli somaa ne anyunlu. Zɔhane ati Pɔɔlo gyakyile bɛ na ɔ nee diedima ne mɔ akee kɔtendɛ na ɔkilehile bɛ wɔ Taelanɛse sukulu sua ne anu alehyenlɛ biala.

Ɛzoanvolɛma Gyima ne 22:4

Mengyele menli mɔɔ lua Adenle ɛhye azo la dɔɔnwo, mraalɛ nee mrenya, memanle bɛguale bɛ efiade na bɛhunle bɛ.

Ɛzoanvolɛma Gyima ne 24:14

Ko mɔɔ medie meto nu la a le kɛ melua Awulae Adenle ye mɔɔ bɛmɛ bɛse ɔnle nɔhalɛ la azo yɛɛ mesonle yɛ nlenya mɔ Nyamenle ne a. Noko eza medie mɔɔ bɛhɛlɛ ye wɔ Mosisi mɛla ne anu, nee Nyamenle kpɔmanvolɛma mbuluku ne mɔ anu la medi.

Wulo 2:24

Nyamenle Edwɛkɛ ne se, “Bɛmɛ Dwuuma bɛ ti, bɛdabɛ mɔɔ bɛnle Dwuuma la tendɛ tia Nyamenle.”

1 Tem 5:14

Zɔhane ati menwɔhulo kɛ ahunlanvolɛ mbɛlɛra ne mɔ kɛhɔ agyalɛ, bɛkɛwo mralɛ, na bɛkɛbu bɛ awuke, amaa yɛ kpɔvolɛma annyia adenle anga edwɛkɛ ɛtane antia yɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:5

amaa bɛanwu nrɛlɛbɛ, bɛazie bɛ nwo diinyi, bɛayɛ atiakunlukɛnlɛma, bɛ nwo ade saanwu, na bɛayɛ yelɛma kpalɛ mɔɔ tie bɛ hu mɔ ane a, amaa awie anga Nyamenle edwɛkɛ ne anwo edwɛkɛ ɛtane.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:8

Fa ɛdendɛlɛ kpalɛ mɔɔ menli ɛnrɛha nwolɛ edwɛkɛ la kilehile, amaa wɔ agbɔvolɛ asa aha bɛ gye nu, na bɛannyia edwɛkɛ ɛtane bɛanga wɔ yɛ nwo.

1 Pit 2:12

Ɔwɔ kɛ bɛmaa bɛ nyɛleɛ wɔ maanlema avinli yɛ kɛnlɛma, amaa saa bɛsi bɛ amgbu kɛ bɛnle kpalɛ bɔbɔ a, ɛnee kɛmɔ bɛnwu bɛ nyɛleɛ kpalɛ ne la ati bɛaye Nyamenle ayɛlɛ wɔ Kenle ne mɔɔ Awulae bara la.

2 Pit 2:12

Menli ɛhye mɔ yɛ bɛ ninyɛne kɛ ɛbɔ nu nane mɔɔ bɛbɔle bɛ kɛ bɛhye bɛ bɛhu bɛ la. Bɛtendɛ ɛtane bɛtia debie biala mɔɔ bɛnze la, na bɛbazɛkye bɛ kɛ ɛbɔ nu nane.

2 Pit 2:15

Bɛgyakyi adenle kpalɛ ne na bɛminli nwɔnda; bɛva Biyɔ ara Beelam mɔɔ doale ezukoa anyebolo na ɔlile ɛtane

2 Pit 2:18

Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

2 Pit 2:21

Ɛnee noko bɔbɔ ɔle kpalɛ kɛ anrɛɛ bɛannwu pɛlepɛlelilɛ adenle ne fee, tɛla kɛ bɛkɛnwu ye na bɛkɛhakyi bɛ nzi bɛkɛzi mɛla nwuanzanwuanza ne mɔɔ bɛva bɛmaa bɛ la.

2 Pit 2:7

na ɔliele Lɔɔto mɔɔ le sonlakpalɛ na menli kpamgbanvolɛma ne vale bɛ adwɔmanebɔlɛ gyegyele ye la ɔvile nu a,

Dwuudu Kɛlata ne 1:10

Menli ɛhye mɔ ka debie biala mɔɔ bɛnde ɔ bo la anwo edwɛkɛ ɛtane, yɛɛ ninyɛne mɔɔ bɛ nane adwenle ne maa bɛte ɔ bo la bɛmɛ a le ninyɛne mɔɔ sɛkye bɛ la.

Dwuudu Kɛlata ne 1:15

arabua awie biala ndɛne, na yeadea bɛdabɛ mɔɔ bɛnze Nyamenle la wɔ bɛ ninyɛndane mɔɔ bɛyɛ ye atisesebɛ nu nee amumuyɛ edwɛkɛ mɔɔ menli ɛhye mɔ mɔɔ ɛnze Nyamenle la ɛha ɛtia ye la anwo.”

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.

Dwuudu Kɛlata ne 1:7

Bɛhakye Sodɔm nee Gomɔla, nee azua mɔɔ zuozua bɛ la, menli mɔɔ wɔ azua ɛhye mɔ azo la bɔle adwɔmane nee munzule ɛbɛla, na ɔlua zolɛ kɛkala bɛdea bɛ wɔ senle ne mɔɔ ɛnnu ɛlɛ la anu, amaa yeayɛ kɔkɔbɔlɛ yeamaa menli kɔsɔɔti.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.