2 Pit 2:19 - BAEBOLO ANZƐƐ BULUKU NWUANZANWUANZA

¹⁹ Bɛfa fanwodi bɛbɔ ɛwɔkɛ, wɔ mekɛ mɔɔ bɛdabɛ mumua ne bɛle subane ɛtane nwo ahanra la. Sonla biala mɔɔ kɛmaa debie kɛvo ɔ nwo zo la le kanranli maa deɛ zɔhane.

2 Pit 2:19 ပူးပေါင်းရင်းမြစ်များ

Ayezaya Buluku ne 28:1

Munzule ɛha Yizilayɛ suakpole kɛnlɛma ne mɔɔ nzabovoma ɛyi ye tɛkɛɛ la! Munzule ɛha ye, ye anyunlunyia ɛlɛkpa kɛ ndotolo abɔtile mɔɔ bobɔ menli mɔɔ nza ɛgya bɛ la ati wɔ anwonyia bɔnza nu la.

Gyɛlɛmaya Buluku ne 23:9

Me ahonle mɔɔ la me kunlu la ɛbɔndɔ, me mbowule kɔsɔɔti ɛlɛwozo. Meyɛ kɛ sonla mɔɔ ɛbo nza la; ɔlua Ɛdɛnkɛma nee ye edwɛkɛ nwuanzanwuanza ne ati, meyɛ kɛ sonla mɔɔ nza ɛgya ye la.

Sɛlɛ 13:8

Sɛlɛvolɛ ne banleɛnlea ɔ nwo bieko na saa deɛ ne mɔɔ ɛyɛ ye la ɛdɛlɛ a, sɛlɛvolɛ ne bado duma kɛ ahenle ne anwo ɛnde; kokobɛ ɛdila ye.

Dw 8:34

Gyisɛse zele bɛ kɛ, “Meka nɔhalɛ ne meahile bɛ: Awie biala mɔɔ kɛyɛ ɛtane la le ɛtane akɛlɛ.

Ɛzoanvolɛma Gyima ne 19:16

Na sonla ne mɔɔ sunsum ɛtane ne gyi ɔ nwo la dele dɔle bɛ nwo zo na ɔhanle bɛ senle dwɛɛ ɔmanle bɛlɛle bɛ nwo zɔhane bɛnriandile bɛvile sua ne anu bɛhɔle, bɛbodɛboda zɛhae ala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:13

Na bɛmɛ me mediema, Nyamenle ɛvɛlɛ bɛ, ɛye bɛ kɔme kpomgbolo. Yemɔti bɛmmadi bɛ atiakunluwɔzo nzi na bɛfa bɛ fanwodi ne bɛyɛ mɔɔ bɛdabɛ bɛkulo la. Bɛva ɛhulolɛ bɛzonle bɛ nwo ngoko.

2 Tem 2:26

Na saa bɛ nye zo tete bɛ a bɛanriandi bɛavi Abɔnsam mɔɔ hyele bɛ manle bɛkpole Nyamenle ɛhulolɛdeɛ ne la ɛhane ne anu.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

1 Pit 2:16

Bɛdɛnla kɛ bɛdi bɛ ti anwo, noko bɛmmafa bɛ ti anwo ɛlilɛ ne bɛkedɛheda ɛtane zo. Bɛdɛnla kɛ bɛle Nyamenle ngɛkɛlɛ.

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.

2 Pit 2:20

Ɔluakɛ saa menli nwu yɛ Awulae nee Dievolɛ Kelaese Gyisɛse, na ɔlua ɔ ti bɛfi ewiade ninyɛndane nu na eza bɛsia bɛ nzi bɛmaa ninyɛne zɔhane mɔ fo bɛ nwo zo a, ɛnee noko bɛ gyakɔ; bɛbazɛkye kpalɛ wɔ awieleɛ ne bɛadɛla alumua ne.