2 Pit 2:18 - BAEBOLO ANZƐƐ BULUKU NWUANZANWUANZA

¹⁸ Bɛtu bɛ nloa anu, bɛka edwɛkɛ mɔɔ nrɛlɛbɛ ɛnle nu la na bɛfa adwɔmanebɔlɛ atiakunluwɔzo bɛsɛkye bɛdabɛ mɔɔ bɔ zo mɔɔ bɛlɛbɔ mɔdenle bɛanriandi bɛavi menli mɔɔ de ɛtane nu la avinli la.

2 Pit 2:18 ပူးပေါင်းရင်းမြစ်များ

1 Arl 13:19

Yemɔti Nyamenle kpɔmanvolɛ ne mɔɔ vi Dwuda rale la nee mɔɔ vi Bɛtɛle la hɔle sua nu na ɔ nee ye bɛkpulale bɛ sa.

Yizikeɛle Buluku ne 35:13

Bɛmemanle bɛ nwo zo, bɛhehanle mgbole bɛtietiale me, na bɛhehanle edwɛkɛ dɔɔnwo bɛtietiale me. Mendele.

Daneɛle Buluku ne 11:36

“Selea belemgbunli ne bayɛ debie biala mɔɔ ɔdaye ɔkulo la; ɔbamemaa ɔ nwo zo yeayɛ ɔ nwo kpole yeadɛla nyamenle biala, na yeaheha azibɛnwo edwɛkɛ yeatia nyamenle ne mɔ Nyamenle ne. Ɔbayɛ ɛhye yeahɔdwu mekɛ mɔɔ Nyamenle kɛhwe ɔ nzo la, ɔluakɛ ɔwɔ kɛ mɔɔ Nyamenle ɛhyehyɛ ɛdo ɛkɛ la yɛ zɔhane.

Daneɛle Buluku ne 4:30

ɔhanle kɛ, “Babelɔn a ɛdɛlɛ kpole zɛhae la! Meva medame me tumi kpole ne a mekyekye a. Mekyekye kɛ mefa meayɛ me maanle ne suakpole, amaa menli anwu anyunlunyia mɔɔ wɔ me belemgbunlililɛ nu a.”

Ɛzoanvolɛma Gyima ne 2:40

Na Pita hɔle zolɛ hanle edwɛkɛ dɔɔnwo hilele bɛ na ɔdule bɛ folɛ kɛ, “Bɛhwe bɛ nwo bɛvi amaneɛ mɔɔ amumuyɛma ɛhye mɔ banwu ye la anu.”

Ɛzoanvolɛma Gyima ne 8:9

Nrenya bie wɔ suakpole ne azo; bɛfɛlɛ ye Saemɔn. Nrenya ɛhye ɛva ngonyiayelɛ ɛha Samɛlea maanlema ne ɛzulolɛ, na ɔka kɛ ɔdaye ɔle sonlakpole.

Wulo 13:13

Bɛmaa yɛli yɛ nwo eni, na yɛbɔ yɛ ɛbɛla kpalɛ kɛ menli mɔɔ wɔ alehyenlɛ nu la, mɔɔ anwondɛlɛ mgbane mgbane, nzabolɛ, adwɔmanebɔlɛ, anzɛɛ huhunli ɛbɛla ɛbɔlɛ, konle anzɛɛ nungule ɛhwenlɛ biala ɛnle nu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:17

Mekakye bɛ wɔ Awulae duma nu; bɛmmabɔ bɛ ɛbɛla kɛ awozonle ɛzonlenlɛma la bieko mɔɔ bɛndwenle adwenle kpalɛ a.

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

Gyemise Kɛlata ne 5:5

Bɛ ɛbɛlabɔlɛ wɔ ewiade ye anu ɛyɛ anyelielɛ nee fɛlɛkolilɛ ngome; bɛli bɛ nwo adane, bɛyɛ mbelane kɛ nlankɛ mɔɔ bɛ mekɛ ɛdwu mɔɔ bɛ nee bɛ ɛlɛkɔ ahunleɛ la.

2 Pit 1:4

Ɔlua zo yebɔ yɛ ɛwɔkɛ mgbole dɔɔnwo mɔɔ sonle bolɛ, amaa ɔlua ɛwɔkɛ ɛhye mɔ azo bɛavi ɛtane nu wɔ ewiade ye anu, na bɛanyia ye Nyamenle su ne bie.

2 Pit 2:14

Adwɔmanebɔlɛ ɛnzea bɛ adenle yɛɛ bɛnze ɛtane nwo nyiane nretee zɛhae. Bɛbɛlɛbɛla bɛdabɛ mɔɔ bɛtɛtinle sunsum nu la. Anyebolo ɛwie bɛ ku! Abule ɛbu bɛ!

2 Pit 2:2

Menli dɔɔnwo badoa bɛ alua bɛ ɛbɛla mgbane mgbane adenle ɛhye anu, na ɔlua bɛ nyɛleɛ ti menli adendɛ ɛtane atia nɔhalɛ Adenle ne.

2 Pit 2:20

Ɔluakɛ saa menli nwu yɛ Awulae nee Dievolɛ Kelaese Gyisɛse, na ɔlua ɔ ti bɛfi ewiade ninyɛndane nu na eza bɛsia bɛ nzi bɛmaa ninyɛne zɔhane mɔ fo bɛ nwo zo a, ɛnee noko bɛ gyakɔ; bɛbazɛkye kpalɛ wɔ awieleɛ ne bɛadɛla alumua ne.

2 Pit 2:7

na ɔliele Lɔɔto mɔɔ le sonlakpalɛ na menli kpamgbanvolɛma ne vale bɛ adwɔmanebɔlɛ gyegyele ye la ɔvile nu a,

2 Pit 3:17

Na ayi mɔ, bɛmɛ bɛhakye bɛ ɛhye mɔ anwo bie dɛba. Yemɔti bɛnlea boɛ na kpamgbanvolɛma anva bɛ amumuyɛ andwe bɛ angɔ nvonleɛ nu, na bɛavi ɛleka kɛnlɛma ɛhye mɔɔ bɛgyi la bɛagua aze.

Dwuudu Kɛlata ne 1:13

Bɛle kɛ nyevile mɔɔ ɛzɛkye la azɛlɛkye, bɛ awubue da bɛ anyiemgba nyɛleɛ ne mɔ ali. Bɛle kɛ nwɔlɔra mɔɔ nwɔnla la. Nyamenle ɛva awozinli kabikabi ne mɔɔ ɛnde ɛlɛ la ɛzie ɛkɛ ɛmaa bɛ.

Yekile 13:11

Akee menwunle kɛ nane ko noko vi azɛlɛ bo ɛlɛfinde ara. Ɔlɛ mɛne nwiɔ kɛ boane ɛdeɛ ne la, noko ɔtendɛ a ɔ ne le kɛ nane anwo ɛzulolɛ ne mɔɔ le kɛ ɛlɛnrɛne la.