2 Pit 2:17 - BAEBOLO ANZƐƐ BULUKU NWUANZANWUANZA

¹⁷ Menli ɛhye mɔ le kɛ nzubula mɔɔ ɛsesa la, bɛle kɛ nzulemungu mɔɔ ahumu ɛlɛbɔ ye ahɔ la. Nyamenle ɛzie bɛ ɛleka wɔ awozinli kabikabi ne anu.

2 Pit 2:17 ပူးပေါင်းရင်းမြစ်များ

Gyɛlɛmaya Buluku ne 14:3

Menli mɔɔ de boɛ la soa bɛ ngɛkɛlɛ kɛ bɛhɔ azule; bɛba azule ne mɔ azo a bɛnnyia nzule; bɛfa dwora ne mɔ mgbane bɛsia. Nyiane ku bɛ, bɛ adwenle ka bɔ nu na bɛkeda bɛ ti zo.

Hozia Buluku ne 6:4

Na Ɛdɛnkɛma se, “O Yifelaemma, kɛ menyɛ bɛ ɛ? O Dwudama, kɛ menyɛ bɛ ɛ? Me nwo ɛhulolɛ mɔɔ bɛlɛ la le kɛ nwonlomɔ amungu, ɔle kɛ nwonlomɔ ɛbɔlɛ, ɔngyɛ na yeawe.

Edwɛkpa ne kɛmɔ Mateyu hɛlɛle la 22:13

Belemgbunli ne zele ye sonvolɛma ne kɛ, ‘Bɛkyekye ɔ sa nee ɔ gyakɛ, na bɛva ye bɛhɔdo alie nwo lɔ awozinli kpole ne anu. Ɛkɛ ne yɛɛ menli bazu na bɛadedɛ bɛ nwo bonrane nu a.’ ”

Edwɛkpa ne kɛmɔ Mateyu hɛlɛle la 25:30

Akee sonvolɛ mgbane ɛhye, bɛvuandi ye bɛdo alie nwo lɔ awozinli kpole ne anu; ɛkɛ ne yɛɛ menli bazu adedɛ bɛ nwo bonrane nu a!’

Edwɛkpa ne kɛmɔ Mateyu hɛlɛle la 8:12

Na bɛbavuandi bɛdabɛ mɔɔ bɛfɛlɛ bɛ nwo kɛ bɛle Anwuma Belemgbunlililɛ ne anwo nlɔnra la bɛagua awozinli ne anu; na ɛkɛ ne, bɛbazu bɛadedɛ bɛ nwo bonrane nu.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

Kɛlata mɔɔ bɛhɛlɛle bɛhɔmanle Hibuluma la 12:18

Ɔluakɛ bɛtɛbadwule Boka Saenae azo, ɛleka mɔɔ Yizilayɛma dwule la, na bɛanwu sendɔlɔra ne, awozinli kabikabi ne nee ye kumɔɔnwo ne, nee ahumu ne,

2 Pit 2:4

Saa Nyamenle anvavi ye soanvolɛma ne mɔɔ vonle ye, na ɔvuandinle bɛ ɔguale hɛɛle, yemaa bɛgua bɛ nwɔnzɔnwɔnzɔ wɔ awozinli kabii ne anu, kɛ bɛhendɛ Ndɛnebualɛ Kenle ne;

Dwuudu Kɛlata ne 1:6

Bɛhakye kɛ Nyamenle soanvolɛma ne mɔ mɔɔ bɛangola bɛanzie bɛ ti ɛleka ko, na bɛkpole bɛ gyinlabelɛ kpalɛ ne la, Nyamenle ɛgua bɛ nwɔnzɔnwɔnzɔ mɔɔ bɛnzianyi bɛ ɛlɛ la wɔ awozinli kabikabi ne anu lɔ kɛ bɛhendɛ Ndɛnebualɛ Kenle kpole ne.