2 Pit 2:15 - BAEBOLO ANZƐƐ BULUKU NWUANZANWUANZA

¹⁵ Bɛgyakyi adenle kpalɛ ne na bɛminli nwɔnda; bɛva Biyɔ ara Beelam mɔɔ doale ezukoa anyebolo na ɔlile ɛtane

2 Pit 2:15 ပူးပေါင်းရင်းမြစ်များ

1 Arl 18:18

Yilaegya buale kɛ, “Tɛ mame a megyegye Yizilayɛma a. Wɔmɔ, nee ɛ ze sua nu amra a ɛgyegye Yizilayɛma a. Ɔluakɛ bɛzie Nyamenle mɛla ne ahane na bɛhɔli awozonle Beeyale ne mɔ anzi.

1 Arl 19:10

Ɔbuale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛgyakyi wɔ edwɛkɛ ne anzi ɛlilɛ, bɛbubu wɔ azukponle ne mɔ, na bɛhu wɔ kpɔmanvolɛma ne mɔ amuala; me ngomekye ala yɛɛ meha a, yɛɛ eza bɛlɛkpondɛ medame noko bɛahu me.”

Nihɛmaya Buluku ne 13:2

ɔboalekɛ mekɛ mɔɔ Yizilayɛma vi Yigyibiti ɛlɛba la, Amɔnoma nee Mowabema ammaa bɛ aleɛ na yeayɛ nzule. Mɔɔ bɛyɛle la a le kɛ bɛduale ezukoa bɛmanle Beelam wale Yizilayɛma amonle, na Nyamenle manle amowa ne hakyile nyilalɛ.

Mrɛlɛbulɛ Buluku ne 28:4

Bɛdabɛ mɔɔ bɛkpo mɛla la yeyɛ amumuyɛma, na bɛdabɛ mɔɔ bɛdi mɛla zo la ko tia amumuyɛma.

Yizikeɛle Buluku ne 9:10

Mame medame, menrɛvavi yɛɛ menrɛze anwunvɔne. Mɔɔ bɛyɛ la, memaa yeabɔ bɛ ti tɔ.”

Hozia Buluku ne 14:8

O Yifelaem, duzu a me nee mmonle lɛ yɛ a? Medame a mebua bɛ nzɛlɛlɛ nwo, menea bɛ nwo zo a. Mele kɛ sepelɛse baka dokodoko, medame a memaa bɛso ma a.”

Maeka Buluku ne 6:5

O me menli, bɛhakye adwenle mɔɔ Mowabe Belemgbunli Beelake bɔle ye bɛ nwo, nee Biyɔ ara Beelam mualɛ mɔɔ vale manle ye la, na bɛhakye mɔɔ zile Akasea mɔɔ kɔ Gelegale adenle nu la, amaa bɛanwu nyɛleɛ mɔɔ medame Ɛdɛnkɛma mefa medie menli la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:23

Mɔɔ asoaso ne nwunle Nyamenle soanvolɛ ne kɛ ɔgyi adenle ne anu na yehwe konle dadeɛ la, ɔbɔle ɔ ti kpɔkɛ nu. Beelam finle asoaso ne na ɔmanle ɔrale adenle ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:28

Akee Ɛdɛnkɛma dele asoaso ne anloa manle ɔdendɛle ɔhanle ɔhilele Beelam kɛ, “Duzu bɔbɔ yɛɛ meyɛ, mɔɔ yemɔti wɔfi me fane nsa ɛhye a?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:32

Ɛdɛnkɛma soanvolɛ ne bizale ye kɛ, “Duzu ati a wɔfi asoaso ye fane nsa ɛ? Mera kɛ mebazi wɔ aze, ɔboalekɛ me nye ɛnlie wɔ adenle ne mɔɔ ɛlɛtu la anwo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:16

Bɛhakye kɛ mraalɛ ɛhye mɔ a diele Beelam folɛdulɛ ne na bɛammaa Yizilayɛma anli nɔhalɛ ammaa Ɛdɛnkɛma wɔ Piyɔ na bɛhwenle ewulenzane bɛdole Ɛdɛnkɛma menli ne avinli la.

Edwɛkpa ne kɛmɔ Mateyu hɛlɛle la 26:9

Anrɛɛ bɛkola bɛtɔne anatele bolɛ ɛsesebɛ ɛhye bɛfa ye ezukoa ne bɛnea ehyianvolɛma.”

Ɛzoanvolɛma Gyima ne 1:18

(Ezukoa ne mɔɔ Dwudase luale ye ninyɛndane zo liele la, ɔvale ɔdɔle azɛlɛ, na ɛkɛ ne a ɔvuandinle ɔ nwo ɔdele, ɔ ko kpukele na ɔ kunlu anyalɛ muala tulule guale na ɔwule a.

Ɛzoanvolɛma Gyima ne 13:10

na ɔzele ye kɛ, “Wɔmɔ Abɔnsam ara, ɛle debie kpalɛ biala kpɔvolɛ. Amumuyɛ ɛyi wɔ tɛkɛɛ, yɛɛ dahuu ɛbɔ adalɛ wɔ Awulae adenle kpalɛ ne anwo.

2 Pit 2:13

Amumuyɛ mɔɔ bɛyɛ awie mɔ la, bɛbadua bɛ nwolɛ kakɛ. Bɛ anyelielɛ ala a le ewia henlema nza ɛbolɛ nee adwɔmanebɔlɛ mgbole; bɛ nwo yɛ nyiane yɛɛ ɔyɛ anyiemgba bɔbɔ kɛ bɛ nee bɛ kɛdu a. Mekɛ mɔɔ bɛ nee bɛ de ɛkponle ko anwo bɛlɛkpula bɛ sa la ɛnee bɛlɛbɛlɛbɛla bɛ.

Dwuudu Kɛlata ne 1:11

Abule ɛbu bɛ! Bɛva Keen agyakɛ. Bɛdoa ezukoa fɛlɛko bɛvo kɛ Beelam la. Bɛde atua kɛ Kɔla dele la, na bɛminli bɛ bo zo.

Yekile 2:14

Noko melɛ edwɛkɛ ekyi bie metia wɔ. Ɛlɛ menli bie mɔɔ li Beelam ngilehilelɛ ne anzi a. Beelam hilehilele belemgbunli Beelake manle ɔdole Yizilayɛma agyiba, ɔmanle bɛlile aleɛ mɔɔ bɛva bɛzɔ amonle la na bɛbɔle adwɔmane ɛbɛla.

1 Sam 12:23

Na mame, Ɛdɛnkɛma ɛkpa ɛgua kɛ menwɔyɛ ɛtane kɛ menrɛzɛlɛ menrɛmaa bɛ a. Mebahilehile bɛ nɔhalɛ adenle ne nee mɔɔ le kpalɛ kɛ ɔwɔ kɛ bɛyɛ la.