2 Pit 2:1 - BAEBOLO ANZƐƐ BULUKU NWUANZANWUANZA

¹ Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

2 Pit 2:1 ပူးပေါင်းရင်းမြစ်များ

1 Arl 22:6

Yemɔti Ehabe yieyiale Nyamenle kpɔmanvolɛma kɛyɛ ɛya nna na ɔbizale bɛ kɛ, “Me nee Releemɔto mɔɔ wɔ Geleade la azo amra ɛhɔho, anzɛɛ mengyakyi?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:16

Ɛzulolɛ nee ahunlundetelɛ tɔ bɛ nwo; wɔ tumi ne kpole ti, bɛnga bɛ nwo fee, bɛyɛle kɛ awolɛ kɔkpula kɛ, O Ɛdɛnkɛma, wɔ menli ne mɔɔ wɔkpɔne bɛ la ɛpɛ nu.

Ayezaya Buluku ne 9:15

Sonla mɔɔ le kpanyinli nee mɔɔ bɛdi ye eni la a le Yizilayɛma ati ne, yɛɛ Nyamenle kpɔmanvolɛ ne mɔɔ kilehile adalɛ ngilehilelɛ la a le dualɛ ne.

Gyɛlɛmaya Buluku ne 29:21

“Medame Tumivolɛ Ɛdɛnkɛma, Yizilayɛ Nyamenle ne, meha ɛhye noko wɔ Kolaya ara nrenya Ehabe nee Meeyasaya ara nrenya Zɛdikaya mɔɔ ɛlɛfa me duma aha adalɛ Nyamenle nrɛlaleɛ la anwo. Mese, bɛnlea, mebaye bɛ meamaa Babelonia Belemgbunli Nɛbukadenɛza, na ɔbahu bɛ wɔ bɛdabɛ bɛ nye zo.

Gyɛlɛmaya Buluku ne 37:19

Na wɔ Nyamenle kpɔmanvolɛma mɔɔ hanle Nyamenle nrɛlaleɛ hilele wɔ la wɔ nienwu? Bɛmɛ a bɛzele wɔ kɛ Babelonia belemgbunli ne ɛnrɛva konle ɛnrɛradoa wɔ anzɛɛ azɛlɛ ɛhye azo amra a.

Gyɛlɛmaya Buluku ne 6:13

Ɔluakɛ ngakula nee mgbanyinli kɔsɔɔti ɛva ɛzie bɛ nyunlu kɛ bɛkpondɛ ezukoa awule nu. Nyamenle kpɔmanvolɛma nee sɛlɛvolɛma amuala sisi menli ne.

Gyɛlɛmaya Awolɛyelɛ 2:14

Bɛ Nyamenle kpɔmanvolɛma ɛha adalɛ nee mɛlɛbɛla ɛnyelɛzodeɛnwunlɛ ɛhile bɛ; bɛamkpa bɛ ninyɛndane nwo ɛdanlɛ bɛanlie bɛ bɛanvi munzule nu; bɛhanle adalɛ ɛnyelɛzodeɛnwunlɛ nee amaneɛ mɔɔ minli sonla la a bɛhilele bɛ a.

Hozia Buluku ne 9:8

Nyamenle kpɔmanvolɛ ne le Yifelaemma, me Nyamenle ne menli ne sinzavolɛ. Noko ɛleka biala mɔɔ ɔfa la, bɛsua ye ɛhane kɛ anloma la, yɛɛ ɛkpɔlɛ ɛyi ye Nyamenle ne sua ne tɔ.

Maeka Buluku ne 2:11

Saa awie duolua nuhua aheha mgbane mgbane, abɔ adalɛ kɛ, “Mebabɔ nwanye nee nza ɛsesebɛ nwo nolo meahile bɛ” a, anrɛɛ yemɔ a ɔkɛyɛ nolobɔvo kpalɛ ɔkɛmaa menli ɛhye mɔ a.

Maeka Buluku ne 3:11

Zolɛ mgbanyima die ndoloboa na bɛabua ndɛne, zolɛ sɛlɛvolɛma maa bɛbɔ bɛ ɛkpa na bɛahilehile Nyamenle edwɛkɛ ne, yɛɛ Nyamenle kpɔmanvolɛma pɛ bolɛ na bɛaha ɛbizalɛ edwɛkɛ ne. Noko bɛfa bɛ adwenle bɛto kɛ Ɛdɛnkɛma nee bɛ lua na bɛka kɛ, “Ɛdɛnkɛma de yɛ avinli. Munzule biala ɛnrɛra yɛ nwo zo.”

Maeka Buluku ne 3:5

Nyamenle kpɔmanvolɛma bɛlɛbɛla Nyamenle menli ne minli bɛ. Saa bɛnyia ye bɛdi a ɛnee bɛse, “Anzonudwolɛ!” Awie mɔɔ annyia bie ammaa bɛ la ɛnee bɛzo konle bɛdoa ye. Yemɔti kɛ Ɛdɛnkɛma se la ɛne,

Malakae Buluku ne 3:5

Tumivolɛ Ɛdɛnkɛma se, “Mebahwe meabikye bɛ na meabua bɛ ndɛne. Mebadea ngonyiama, awuvolɛvalɛma nee bɛdabɛ mɔɔ bɛka ndane mgbane mgbane la ndɛndɛ zo. Mebadea bɛdabɛ mɔɔ bɛsisi gyimayɛvoma wɔ bɛ kakɛdualɛ nu, bɛdabɛ mɔɔ bɛsisi ahunlanvolɛ nee nrisa, bɛdabɛ mɔɔ bɛmbu nyɛvolɛ yɛɛ bɛdabɛ mɔɔ bɛnzulo me la.”

Edwɛkpa ne kɛmɔ Mateyu hɛlɛle la 10:33

Na awie biala mɔɔ kɛkpo me wɔ bagua nu la, medame noko menwɔkpo ye wɔ Egya mɔɔ wɔ anwuma la anyunlu.

Edwɛkpa ne kɛmɔ Mateyu hɛlɛle la 24:11

Akee Nyamenle kpɔmanvolɛma adalɛ bara araminli menli dɔɔnwo diedi.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 24:5

Ɔboalekɛ menli dɔɔnwo balua me duma nu ara na bɛaha kɛ, ‘Mame a mele Mɛzaya ne!’ na bɛaminli menli dɔɔnwo diedi.

Edwɛkpa ne kɛmɔ Mateyu hɛlɛle la 7:15

“Bɛnlea bɛ nwo boɛ wɔ Nyamenle kpɔmanvolɛma alanema anwo; bɛle menli bie mɔɔ bɛyɛ bɛ nwo kɛ asɛɛ bɛnze nwolɛ bie, noko bɛ kunlu le bile.

Edwɛkpa ne kɛmɔ Maake hɛlɛle la 13:22

Ɔluakɛ Mɛzayama nee Nyamenle kpɔmanvolɛma alane dɔɔnwo bara. Bɛbaye ngonyia, bɛayɛ nwanwane ninyɛne mgbole kɛ bɛfa bɛabɛlɛbɛla Nyamenle menli ne mɔɔ yekpa nu yeye bɛ la saa ɔkɛyɛ boɛ a.

Edwɛkpa ne kɛmɔ Luku hɛlɛle la 12:9

Zɔhane ala yɛɛ mɔɔ kɛhakyi ɔ nzi kɛzi me wɔ bagua nu la, medame Sonla Ra noko menwɔhakyi me nzi menwɔzi ye wɔ Nyamenle soanvolɛma anyunlu a.

Edwɛkpa ne kɛmɔ Luku hɛlɛle la 21:8

Gyisɛse zele kɛ, “Bɛnlea boɛ; bɛmmamaa bɛbɛlɛbɛla bɛ. Ɔluakɛ menli dɔɔnwo balua me duma nu ara na bɛaraze bɛ kɛ, ‘Mame a mele Kelaese ne a,’ na eza bɛaha kɛ, ‘Mekɛ ne ɛbikye.’ Na bɛmmatoa bɛ.

Edwɛkpa ne kɛmɔ Luku hɛlɛle la 6:26

“Munzule ɛha bɛ kɛ menli muala kɛyileyila bɛ kosoɛ a, ɔluakɛ zɔhane ala a bɛ nlenya mɔ yɛle Nyamenle kpɔmanvolɛma alane ne mɔ a.

Wulo 16:18

Ɔluakɛ menli mɔɔ di zɛhae gyima la ɛnzonle yɛ Awulae Kelaese. Bɛsonle bɛdabɛ bɛ ngome bɛ atiakunluwɔzo ala. Bɛfa bɛ nloa anu fɛlɛko nee ɛsoabɔlɛ bɛsɛkye menli mɔɔ ɛnze nwolɛ bie la adwenle.

1 Kɔl 11:19

(Kɛ ɔkɛyɛ biala la ɔwɔ kɛ mgbakyemgbakye ba bɛ nu, amaa bɛdabɛ mɔɔ bɛgyi pi la anwo ala ali kpalɛ.)

1 Kɔl 6:20

Ɔdɔle bɛ bolɛ ɛsesebɛ. Yemɔti, bɛva bɛ sonlabaka ne bɛde Nyamenle anyunlu.

1 Kɔl 7:23

Nyamenle dɔle bɛ bolɛ ɛsesebɛ; zɔhane ati bɛmmayɛ bɛ nwo ngɛkɛlɛ bɛmaa menli.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:4

Ɛnee adalɛma bie mɔɔ ɛyɛ bɛ nwo kɛ bɛdie Kelaese bɛdi la ɛpele ɛpe adenle bie azo ɛra ayia ne bie. Menli ɛhye mɔ rale kɛ bɛbanlea kɛ yɛmɛ mɔɔ yɛdie Kelaese Gyisɛse yɛdi la yɛ nwo ɛzi ɛdɔ yɛ la. Bɛ adwenle a le kɛ bɛmaa yɛazia yɛayɛ ahanra wɔ Dwuuma mɛla ne abo,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:17

Menli zɔhane mɔ yɛ kɛ asɛɛ bɛ nye die bɛ nwo, noko tɛ adenle kpalɛ zo a bɛ nee bɛ lua la! Mɔɔ menli zɔhane mɔ kpondɛ la a le kɛ bɛkɛhwe bɛ bɛkɛvi me nwo, amaa bɛdabɛ noko bɛ nye alie bɛmɛ bɛ nwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:20

bozonle ɛzonlenlɛ nee ayɛne ɛbɛla. Ɛkpɔlɛ, konle, nungule, ɛya, angomedi, ngyehyɛnu nee ngilehilenu,

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:7

Ɔluakɛ Kelaese ewule ne ati bɛva yɛ ɛtane ne mɔ bɛhyɛ yɛ na yɛnyia yɛ ti. Nyamenle ɛlolɛ ne

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

Mɛla 32:6

Bɛmɛ menli ahɔnwɔne mɔɔ ɛnlɛ adwenle a, asoo bɛ mo mɔɔ bɛyɛ Ɛdɛnkɛma la ɛne. Asoo tɛ yemɔ yɛɛ ɔle bɛ ze, mɔɔ bɔle bɛ, na ɔyɛle bɛ maanle la?

Pɔɔlo Kɛlata mɔɔ ɔhɛlɛle ɔhɔmanle Felepaema la 3:19

Menli ɛhye mɔ, bɛ awieleɛ a le kɛ Nyamenle bazɛkye bɛ, ɔluakɛ bɛ nyamenle a le bɛ ko. Mɔɔ ɔwɔ kɛ bɛse nwolɛ nyiane la bɛfa bɛtu bɛ nwo, yɛɛ bɛ adwenle muala gyi ewiade ninyɛne zo.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Kɔlɔ 2:8

Bɛnlea boɛ na awie anva mɛlɛbɛla nee adalɛ nrɛlɛbɛ mɔɔ bɛlua ewiade amaamuo zo bɛhyehyɛ, nee mɔɔ vi awozinli ewiade ye sunsum nu tumima ɛkɛ ne na ɔnvi Kelaese ɛkɛ ne la anyɛ bɛ ngɛkɛlɛ.

1 Tem 5:8

Saa awie ɛngola ye mbusua nea, bɔbɔ ɔngola ye awovolɛ boɛ nea a, ɛnee yekpo diedi ne na yezɛkye yedɛla sonla mɔɔ ɛnlɛ diedi la.

2 Tem 4:3

Mekɛ bie bara mɔɔ menli ɛnrɛdie ngilehilelɛ kpalɛ a. Bɛbali bɛdabɛ bɛ atiakunluwɔzo nzi, na bɛaboɔboa kilehilevolɛma dɔɔnwo mɔɔ kɛha mɔɔ bɛkulo kɛ bɛte la anloa bɛamaa bɛ nwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:11

Ɔwɔ kɛ ɛtua bɛ, ɔboalekɛ ɔlua ezukoakpondɛlɛ ti bɛlɛkilehile mɔɔ ɔnle kɛ bɛkilehile la, na bɛlɛsɛkye mbusua dɔɔnwo bɛabɔ bɛ awuke.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:10

Sonla mɔɔ fa mgbakyemgbakye ara la, bɔ ye kɔkɔ fane kɛyɛ nwiɔ, na gyakyi ye maa ɔva ɔ nwo.

Kɛlata mɔɔ bɛhɛlɛle bɛhɔmanle Hibuluma la 10:29

Ɛnee ɛdawɔ fa ɛ nye to na nea sonla mɔɔ kɛkpo Nyamenle Ara ne, na yeambu mogya ne mɔɔ bɛlua zo a bɛ nwo te na Nyamenle vale zɔle ngyekyeleɛ ne anloa, na ɔkɛva Nyamenle ɛlolɛ Sunsum ne anyunlu ɔkɛkyikyi aze la ɛ? Ye ndeanlɛ mɔɔ ɔbanyia ye la le kpole kpalɛ.

1 Pit 1:8

Bɛtɛnwunle Gyisɛse ɛlɛ, noko bɛkulo ye. Kɛkala bɔbɔ bɛnnwu ye, noko bɛdie ye bɛdi, na ɔlua zo bɛ nye die na bɛdi fɛlɛko kpole mɔɔ ɛnloanlɛ ɛngola ɛnga a,

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

1 Dw 2:26

Melɛkɛlɛ bɛ ɛhye wɔ bɛdabɛ mɔɔ bɛlɛbɔ mɔdenle bɛabɛlɛbɛla bɛ la anwo.

1 Dw 4:1

Ayi mɔ, bɛmmadie sunsum ne mɔ amuala bɛdi, bɛzɔ bɛ bɛnlea na bɛnwu sunsum ne mɔɔ vi Nyamenle ɛkɛ ne la. Ɔluakɛ Nyamenle kpɔmanvolɛma adalɛ dɔɔnwo ɛdwazo ewiade ye anu.

Dwuudu Kɛlata ne 1:18

Bɛzele bɛ kɛ, “Saa awieleɛ mekɛ ne ba a, menli mɔɔ ɛnze Nyamenle na bɛdi bɛ ngome bɛ atiakunluwɔzo nzi la bara, na bɛarazi bɛ amgbu.”

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 2:13

Meze kɛ ɛleka mɔɔ ɛde la, ɛkɛ ne a Seetan ebia ne gyi a. Noko ɛlɛ me duma ne anu ɛsesebɛ na ɛdi nɔhalɛ ɛmaa me, yɛɛ wɔ diedi amkpo aze, bɔbɔ wɔ mekɛ mɔɔ bɛhunle me nɔhalɛ dasevolɛ Antɛpase wɔ Seetan ebia ne abo la.

Yekile 2:9

Meze wɔ amaneɛnwunlɛ kpokpoti. Meze wɔ ɛhyianlɛ, noko ɛlɛ anwonyia! Meze munzule edwɛkɛ mɔɔ bɛdabɛ mɔɔ bɛse bɛle Dwuuma noko bɛnle Dwuuma la ɛlɛkeha atia wɔ la. Menli zɔhane mɔ le Seetan eku nu menli.

Yekile 3:8

Meze mɔɔ ɛyɛ la; meze kɛ wɔ tumi le ekyi bie, noko wɔli me ngilehilelɛ zo na wɔli nɔhalɛ wɔmaa me.

Yekile 5:9

Na bɛdole edwɛne fofolɛ bie kɛ, “Ɛfɛta kɛ ɛkɛlie nwoma ne, ɛkɛwaye ɛyɛlɛ ne, na ɛkɛbuke nwoma ne anu, ɔluakɛ bɛhunle wɔ na ɛvale wɔ mogya ne mɔɔ bɛhwinle bɛguale la ɛkpɔnenle menli. Ɛkpɔnenle bɛ ɛvile abusua ekpunli, aneɛ nee maanle ngakyile kɔsɔɔti anu ɛmanle Nyamenle.

Yekile 6:10

Bɛdeanle nu kɛ, “O Tumivolɛ Awulae! Ɛle nwuanzanwuanza nee nɔhalɛnli. Na kenlenzu yɛɛ ɛkɛbua azɛlɛ ye azo amra ndɛne na wɔadea bɛ kɛ bɛhunle yɛ a?”