2 Pit 1:6 - BAEBOLO ANZƐƐ BULUKU NWUANZANWUANZA

⁶ Bɛva bɛ nwo zo ɛhomolɛ bɛboka bɛ deɛnwunlɛ nwo, bɛva kpundii ɛgyinlanlɛ bɛboka bɛ nwo zo ɛhomolɛ nwo, bɛva nyamenlezonlenlɛ bɛboka bɛ kpundii ɛgyinlanlɛ nwo,

2 Pit 1:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 5:24

Yinɔko nee Nyamenle luale na yeanwu, ɔminliminlinle, ɔboalekɛ Nyamenle vale ye hɔle.

Edwɛndolɛ Buluku ne 37:7

Gyinla ɛ nwo wɔ Ɛdɛnkɛma anyunlu, na si abotane kendɛ ye; mmafonla ɛ nwo wɔ mɔɔ ɛkpazi la anwo, anzɛɛ wɔ mɔɔ bɔ adwenle ɛtane la anwo.

Ayezaya Buluku ne 57:1

Tenlenenli wu a ɔnvane awie biala anwo; bɛfa menli titile bɛkɔ mɔɔ awie ɛnde ɔ bo a. Ɔluakɛ bɛye tenlenenli bɛfi munzule nu a, ɔ nzo nu dwo ye.

Edwɛkpa ne kɛmɔ Luku hɛlɛle la 21:19

Bɛgyinla kpundii, na bɛkɛnyia ngoane.”

Edwɛkpa ne kɛmɔ Luku hɛlɛle la 8:15

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Ɛzoanvolɛma Gyima ne 24:25

Pɔɔlo noko hɔle zolɛ, na mɔɔ ɔka boɛlilɛ, bɛ nwo zo ɛhomonlɛ, yɛɛ Ndɛnebualɛ Kenle ne mɔɔ bara la anwo edwɛkɛ la, Filekese ahonle dule na ɔzele kɛ, “Yeyɛ boɛ, kɔ. Saa menyia alagye a mebazoa meamaa bɛarava wɔ bieko.”

Wulo 15:4

Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 8:25

Saa yɛmaa yɛ nye da debie mɔɔ yɛ nye ɛngyi nwolɛ la azo a, yɛɛ yɛfa abotane yɛkendɛ ye ɛnyianlɛ a.

1 Kɔl 9:25

Awie biala mɔɔ kazu ɛnriandilɛ la siezie ɔ nwo kpalɛ wɔ adenle biala anu. Ɔyɛ ye zɔhane, amaa bɛabɔ ye nwolɛ abɔtile, abɔtile ɛhye bɔbɔ ɛngyɛ na yeazɛkye. Na yɛmɛ Keleseɛnema, yɛsu ɛnriandilɛ yɛdie abɔtile mɔɔ ɛnzɛkye ɛlɛ la.

2 Kɔl 6:4

Wɔ yɛ nyɛleɛ biala anu yɛfa abotane yɛgyinla ngyegyelɛ, anwongyelelɛ nee abodelɛ biala anloa, yɛkile kɛ yɛle Nyamenle sonvolɛma.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:23

mɛlɛbɛnwoaze, yɛɛ bɛ nwo zo ɛhomolɛ. Ɛhye mɔ, mɛla biala ɛnle ɛkɛ mɔɔ tia bɛ a.

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

2 Tɛs 1:4

Zɔhane ati yɛfa bɛ yɛpɛ Nyamenle menli mɔɔ ɛha la anye zo. Yɛfa bɛ diedi nu kpundii mɔɔ bɛgyi wɔ nyanenwunlɛ nee abodelɛ mɔɔ bɛlɛnwu ye la anu la yɛtu yɛ nloa anu kpole.

2 Tɛs 3:5

Yɛsɛlɛ kɛ Awulae ɛha bɛ ahonle ɛmaa bɛnyia Nyamenle ɛhulolɛ ne anwo ndelebɛbo kpalɛ na bɛgyinla kpundii wɔ Kelaese anwo ngilehilelɛ ne anu.

1 Tem 2:10

Meka ɛbɛla kpalɛ ɛbɔlɛ mɔɔ fɛta mraalɛ mɔɔ sonle Nyamenle la.

1 Tem 2:2

Yɛ nzɛlɛlɛ ne bie maa arelemgbunli nee menli mɔɔ tumi wɔ bɛ sa nu la amuala, amaa yɛ nwo adɔ yɛ na yɛanyia anzonudwolɛ yɛabɔ yɛ ɛbɛla, na yɛanyia adenle yɛazonle yɛ Nyamenle ne, yɛali ye eni, kɛmɔ ɔfɛta la.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

1 Tem 6:11

Na wɔmɔ, Nyamenle sonla, twe ɛ nwo fi ninyɛne ɛhye mɔ anwo, na pele kpondɛ pɛlepɛlelilɛ, anwondelɛ, diedi, ɛhulolɛ, abotane yɛɛ bɛtɛɛyɛlɛ bo zo.

1 Tem 6:3

Awie biala mɔɔ kilehile ngilehilelɛ fofolɛ bie na ɔnlie yɛ Awulae Gyisɛse Kelaese nɔhalɛ edwɛkɛ ne nee yɛ nyamenlezonlenlɛ ngilehilelɛ ne ɔndo nu la

1 Tem 6:6

Saa sonla maa ɔ kunlu adwo mɔɔ ɔlɛ la anwo a, anrɛɛ nyamenlezonlenlɛ le anwonyia kpole.

2 Tem 3:5

bɛbazɔ nyamenlezonlenlɛ nu, na bɛnrɛlie ye tumi kpalɛ ne bɛnrɛdo nu. Twe ɛ nwo fi menli zɛhae mɔ anwo.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:1

Medame Pɔɔlo, mɔɔ mele Nyamenle sonvolɛ nee Gyisɛse Kelaese ɛzoanvolɛ la yɛɛ melɛkɛlɛ kɛlata ɛhye a. Bɛyele me na bɛzoanle me kɛ mengɔmboa Nyamenle menli ne mɔɔ yekpa nu yeye bɛ la wɔ bɛ diedi nu, na mengilehile bɛ memaa bɛnwu nɔhalɛ ne mɔɔ wɔ yɛ nyamenlezonlenlɛ ne anu la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:8

Ɔwɔ kɛ awie biala kola wolo ye na ɔkulo kpalɛyɛlɛ, ɔwɔ kɛ ɔkola ɔsɔ ɔ nwo, ɔyɛ sonla mɔɔ ye subane le kpalɛ, ɔ nwo te na ɔdi ɔ nwo eni.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:2

Kilehile mrenya mgbanyinli ne mɔ maa bɛyɛ bɛ nye gyɛlɛmgbɛɛnye, bɛdwenle, bɛzie bɛ nwo diinyi, bɛmaa bɛ diedi ɛyɛ nla, na bɛnyia ɛhulolɛ nee abotane.

Kɛlata mɔɔ bɛhɛlɛle bɛhɔmanle Hibuluma la 10:36

Ɔwɔ kɛ bɛnyia abotane, amaa bɛahola bɛayɛ Nyamenle ɛhulolɛdeɛ na bɛanyia ye ɛwɔkɛ ne.

Kɛlata mɔɔ bɛhɛlɛle bɛhɔmanle Hibuluma la 12:1

Zɔhane ati, kɛmɔ yɛlɛ dasevolɛma pemgbenleamgbe ɛhye mɔ mɔɔ ɛbɔ yɛ nwo mgbɔlɔka ɛyia la, bɛmaa yɛye debie biala mɔɔ si yɛ aze, nee ɛtane mɔɔ ɛgya yɛ la ali, na yɛmia yɛ nwo kpalɛ yɛnlea ɛnriandilɛ ne mɔɔ gyi yɛ nyunlu la.

Kɛlata mɔɔ bɛhɛlɛle bɛhɔmanle Hibuluma la 6:12

Yɛngulo kɛ bɛkɛyɛ mgbovonle. Yɛkulo kɛ bɛsukoa menli mɔɔ bɛlua bɛ diedi nee abotane zo bɛnyia mɔɔ Nyamenle ɛva ɛbɔ ɛwɔkɛ la.

Kɛlata mɔɔ bɛhɛlɛle bɛhɔmanle Hibuluma la 6:15

Ebileham zile abotane, na ɔnyianle ɛwɔkɛ ne mɔɔ Nyamenle bɔle ye la.

2 Pit 1:3

Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

2 Pit 3:11

Na saa bɛbazɛkye ewiade ye amuala wɔ adenle zɛhae anu a, ɛnee bɛdabɛ bɛnea a duzu menli a ɔwɔ kɛ bɛyɛ a? Ɔwɔ kɛ bɛyɛ menli mɔɔ bɛ ɛbɛla nwo te saanwu na bɛtu bɛ nwo bɛmaa Nyamenle,

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 13:10

Awie mɔɔ ɔwɔ kɛ bɛkye ye nuokɛ la, bɛbahye ye nuokɛ; awie mɔɔ ɔwɔ kɛ wu dadeɛ nloa la, bawu dadeɛ nloa. Ɛhye kile kɛ ɔwɔ kɛ Nyamenle menli ne nyia abotane, gyinla bɛ nwo, si ahonle, na bɛnyia diedi.

Yekile 14:12

Ɛhye kile kɛ ɔwɔ kɛ Nyamenle menli ne mɔɔ di ye mɛla ne azo na bɛdi nɔhalɛ bɛmaa Gyisɛse la bɔ mɔdenle gyinla kpundii.

Yekile 2:2

Menwu wɔ gyima ne mɔ mɔɔ wɔli la; meze wɔ ɛvɛlɛ nee wɔ abotane ne amuala. Meze kɛ ɛmkpondɛ amumuyɛma anyunlu ɛnnea yɛɛ wɔzɔ bɛdabɛ mɔɔ bɛse bɛle ɛzoanvolɛma la wɔnlea na wɔnwu kɛ bɛnle ɛzoanvolɛma, na bɛle alane.