2 Pit 1:3 - BAEBOLO ANZƐƐ BULUKU NWUANZANWUANZA

³ Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

2 Pit 1:3 ပူးပေါင်းရင်းမြစ်များ

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Edwɛndolɛ Buluku ne 84:11

Ɔluakɛ Ɛdɛnkɛma Nyamenle ne le sɛnzɛne nee enyinlike, ɔdaye a ɔmaa ɛlolɛ nee enililɛ a. Ɛdɛnkɛma ɛnva debie kpalɛ biala ɛnvea bɛdabɛ mɔɔ bɛle tenlenema la.

Mrɛlɛbulɛ Buluku ne 12:4

Yelɛ kpalɛ le ɔ hu kyɛlɛ zo kpɔba, na yelɛ mɔɔ bɔ ɔ hu anyiemgba la le ewule wɔ ɔ hu mbowule nu.

Mrɛlɛbulɛ Buluku ne 31:10

Yelɛ kpalɛ, nwane a kɛnyia ye a? Ɔsonle bolɛ ɔtɛla anwoneɛ.

Mrɛlɛbulɛ Buluku ne 31:29

Ɔ hu ka kɛ, “Mraalɛ dɔɔnwo ɛbɔ mɔdenle kpalɛ wɔ bɛ hu mɔ anwo, na wɔmɔ, ɛtɛla bɛ kɔsɔɔti.”

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

Wulo 9:24

Ɔluakɛ yɛmɛ yɛɛ yevɛlɛ yɛ yevi Dwuuma nee bɛdabɛ mɔɔ bɛnle Dwuuma la avinli a.

1 Kɔl 1:9

Bɛkola bɛfa bɛ rɛle bɛwula Nyamenle ne mɔɔ vɛlɛle bɛ kɛ bɛ nee ɔ Ra Gyisɛse Kelaese, yɛ Awulae ɛradila agɔnwolɛ la anu.

2 Kɔl 12:9

Na ɔbuale me kɛ, “Me ɛlolɛ ne le kpalɛ maa wɔ, ɔluakɛ me tumi ne anu yɛ se maa wɔ kpalɛ kpalɛ wɔ mekɛ mɔɔ ɛkɛyɛ bɛtɛɛ la.” Yemɔti medi fɛlɛko kpole kpalɛ na metu me nwo wɔ me bɛtɛɛyɛlɛ nwo, amaa Kelaese tumi ne aheda me nwo zo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:1

Zɔhane ati, mesɛlɛ bɛ, meze kɛ Awulae ɛzonlenlɛ ne ati mela efiade bɔbɔ ɛdeɛ, noko bɛbɔ ɛbɛla mɔɔ fɛta Nyamenle ɛvɛlɛlɛ ne mɔɔ yemɔti yevɛlɛ bɛ la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:4

Asɔne ko yɛɛ Sunsum ko a wɔ ɛkɛ a, yɛɛ anyelazo ko anu a Nyamenle ɛvɛlɛ bɛ a;

Pɔɔlo Kɛlata mɔɔ ɔhɛlɛle ɔhɔmanle Felepaema la 3:8

Tɛ ɛhye mɔ angome, na ɛnwunlɛ mumua ne mɔɔ menwu Awulae Gyisɛse Kelaese la sonle bolɛ maa me tɛla debie biala. Ɔlua ɔ ti mevuandi debie biala megua; mebu bɛ kɛ fovolɛ zo ewula la, amaa Kelaese ayɛ me ɛdeɛ,

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

Kɔlɔ 1:16

Ɔ nwo zo a Nyamenle luale bɔle ninyɛne kɔsɔɔti a: mɔɔ wɔ anwuma o nee mɔɔ wɔ aze o, mɔɔ bɛnwu bɛ nee mɔɔ bɛnnwu bɛ la amuala, ewiade ye anu tumima nee arelemgbunli nee bɛdabɛ mɔɔ bɛsie ɛnɛ mekɛ ye anu awozinli ewiade ye nee sunsum nu ɛlɔnema; Nyamenle luale Kelaese anwo zo a bɔle ninyɛne kɔsɔɔti a, yɛɛ Kelaese ati a ɔbɔle bɛ a.

1 Tɛs 2:12

Yɛzile yɛ ahonle, yɛkyekyele bɛ rɛle, na yɛhɔle zolɛ yɛmanle bɛ anwosesebɛ kɛ bɛbɔ ɛbɛla mɔɔ fɛta Nyamenle ne mɔɔ fɛlɛ bɛ kɛ bɛrɛla ye anyunlunyia Belemgbunlililɛ ne anu la.

1 Tɛs 4:7

Nyamenle anvɛlɛ yɛ kɛ yɛrabɔ ɛbɛla mgbane mgbane, ɔvɛlɛle yɛ kɛ yɛrayɛ menli mɔɔ anwo te a.

2 Tɛs 2:14

Nyamenle luale Edwɛkpa ne mɔɔ yɛhanle yɛhilele bɛ la azo a vɛlɛle bɛ a, amaa bɛanyia Awulae Gyisɛse Kelaese anyunlunyia ne bie.

1 Tem 4:8

Nwonane agbɔkɛ nu ɛkpundinlɛ hyia kpalɛ, noko sunsum nu ɛdeɛ ne hyia kpole kpalɛ, ɔluakɛ ɔmaa yɛ kɛkala nee kenle bie ngoane mɔɔ ɛnlɛ awieleɛ.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

1 Pit 1:15

Nyamenle ne mɔɔ ɛvɛlɛ bɛ la anwo te, yemɔti bɛmaa bɛ nwo ɛde wɔ nyɛleɛ biala anu.

1 Pit 1:5

Zɛhae nyilalɛ ne le bɛdabɛ mɔɔ ɔlua bɛ diedi ti Nyamenle tumi ne dielie bɛ gyɛlɛɛnye na bɛbaye ngoanelielɛ ne bɛahile bɛ wɔ mekɛ ne mɔɔ li amozi la ɛdeɛ.

1 Pit 2:21

Bɛdabɛ bɛ ti Kelaese mumua ne nwunle amaneɛ vale yɛle ndonwo manle bɛ. Na ɛhye noko ala ati yɛɛ Nyamenle ɛvɛlɛ bɛ a, amaa bɛava ɔ gyakɛ.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

1 Pit 3:9

Bɛmmafa ɛtane bɛtua ɛtane kakɛ anzɛɛ bɛmmafa butule bɛyia butule. Bɛva nyilalɛ nee kosoɛ ɛyɛlɛ bɛdua ɛtane kakɛ, ɔluakɛ ɛhye ati yɛɛ Nyamenle vɛlɛle bɛ a, amaa bɛanyia nyilalɛ.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

2 Pit 1:10

Zɔhane ati, mediema, bɛbɔ mɔdenle kpalɛ kpalɛ kɛ bɛkɛmaa Nyamenle ɛvɛlɛlɛ mɔɔ yevɛlɛ bɛ nee ɛkpalɛ mɔɔ yekpa nu yeye bɛ la kɛgyinla bɛ nyunlu dahuu. Saa bɛyɛ ye zɔhane a bɛnrɛdɔ aze ɛlɛ.

2 Pit 1:2

Nyamenle ɛlo bɛ dɔɔnwo na ɔmaa bɛ nzo nu ɛdwo bɛ molozo kɛ bɛnwu ye nee yɛ Awulae Gyisɛse a.

2 Pit 1:5

Ɔlua ɛhye ala ati ɔwɔ kɛ bɛbɔ mɔdenle bɛfa kpalɛyɛlɛ bɛboka bɛ diedi nwo na bɛfa deɛnwunlɛ bɛboka bɛ kpalɛyɛlɛ nwo.

2 Pit 1:6

Bɛva bɛ nwo zo ɛhomolɛ bɛboka bɛ deɛnwunlɛ nwo, bɛva kpundii ɛgyinlanlɛ bɛboka bɛ nwo zo ɛhomolɛ nwo, bɛva nyamenlezonlenlɛ bɛboka bɛ kpundii ɛgyinlanlɛ nwo,

2 Pit 1:8

Ɔluakɛ saa bɛlɛ subane kpalɛ zɛhae molozo a, ɔmaa bɛ nwo kpundi bɛ na bɛyɛ nla wɔ yɛ Awulae Gyisɛse Kelaese anwo deɛnwunlɛ nu.

2 Pit 2:20

Ɔluakɛ saa menli nwu yɛ Awulae nee Dievolɛ Kelaese Gyisɛse, na ɔlua ɔ ti bɛfi ewiade ninyɛndane nu na eza bɛsia bɛ nzi bɛmaa ninyɛne zɔhane mɔ fo bɛ nwo zo a, ɛnee noko bɛ gyakɔ; bɛbazɛkye kpalɛ wɔ awieleɛ ne bɛadɛla alumua ne.

2 Pit 3:18

Bɛhɔ zolɛ bɛnyi wɔ yɛ Awulae nee Dievolɛ Gyisɛse Kelaese anwo nrɛlɛbɛ nee ɛlolɛ ne anu. Yemɔ yɛɛ anyunlunyia ɛha ye kɛkala nee mekɛ mɔɔ ɛnlɛ awieleɛ la a! Amen.

Wulu 3:11

Kɛkala, me ra raalɛ, mmasulo; debie biala mɔɔ wɔbiza la, mebayɛ meamaa wɔ, ɔluakɛ awie biala mɔɔ wɔ sua ye azo la ze kɛ ɛle raalɛ mɔɔ lɛ subane a.