2 Pit 1:21 - BAEBOLO ANZƐƐ BULUKU NWUANZANWUANZA

²¹ Ɔboalekɛ Nyamenle kpɔmanvolɛma edwɛkɛ kpɔkɛ ko biala mɔɔ bɛhanle la ɛnvi sonla. Sunsum Nwuanzanwuanza ne a wolole bɛ manle bɛhanle zɔhane edwɛkɛ ne mɔɔ vi Nyamenle ɛkɛ ne la a.

2 Pit 1:21 ပူးပေါင်းရင်းမြစ်များ

2 Sam 23:2

Ɛdɛnkɛma Sunsum ne dua me nwo zo tendɛ; ye edwɛkɛ ne dua me nloa.

1 Arl 13:1

Mekɛ ne anu ɛnee Ɛdɛnkɛma ɛva ɔ nloa edwɛkɛ ɛzoa Dwuda Nyamenle kpɔmanvolɛ ko wɔ Bɛtɛle. Ɔhɔdwule ɛkɛ ne wɔ mekɛ mɔɔ ɛnee Gyɛlɔbowam gyi azukponle ne anwo ɛlɛkpu ɛyɛlɛ la.

1 Arl 17:18

Raalɛ ne hanle hilele Yilaegya kɛ, “Nyamenle sonla, duzu edwɛkɛ a le ɛhye? Medwenle kɛ ɛrale ɛke kɛ ɛfa saleɛ wɔarɛlɛ me; amuanrɛɛ ɛrale kɛ ɛbaza me ɛtane ne mɔ wɔagua zolɛ na wɔamaa me ra ye awu.”

1 Arl 17:24

Raalɛ ne hanle hilele Yilaegya kɛ, “Kɛkala menwu kɛ ɛle Nyamenle sonla, na Ɛdɛnkɛma dua ɛ nwo zo tendɛ.”

2 Arl 4:22

Akee ɔzele ɔ hu kɛ, “Maa me sonvolɛma ne mɔ ko nee asoaso maa mengɔ Nyamenle sonla ne ɛkɛ ne ndɛndɛ menzia membɛla.”

2 Arl 4:7

Raalɛ ne hɔle Yilaehya ɛkɛ ne hɔbɔle ye amaneɛ na Yilaehya zele ye kɛ, “Kɔdɔne nwole ne fa bie tua wɔ kakɛ ne na ɛ nee ɛ mra ne mɔ bɛva mɔɔ ɛha la bɛnlea bɛ nwo.”

2 Arl 4:9

Raalɛ ne hanle hilele ɔ hu kɛ, “Yɛmenle, menwu kɛ nrenya ye mɔɔ ba ɛke dahuu la le Nyamenle sonla mɔɔ anwo te a.

2 Arl 6:10

Na Yizilayɛ belemgbunli ne noko manle menli mɔɔ wɔ ɛkɛ ne afoa nu la lale bɛ nwo zo. Ɛhye hɔle zo fane dɔɔnwo manle Yizilayɛma nyianle bɛ ti.

2 Arl 6:15

Mɔɔ Nyamenle kpɔmanvolɛ ne sonvolɛ ne dwazole nwonlomɔ mangyee ne na ɔtudu agyakɛ la, ɔnwunle kɛ ɛlɔne ɛva sua ne. Na ɔbizale Yilaehya kɛ, “O, me menle, na duzu yɛɛ yɛkɛyɛ a? Yɛwu bɔkɔbɔkɔ.”

1 Edk 23:14

Bɛvale Nyamenle sonla Mosisi abo zo amra bɛbokale Livaema ne.)

2 Edk 8:14

Kɛmɔ ɔ ze Devidi hyehyɛle la, Sɔlɔmɔn hyɛle sɛlɛvolɛma gyima ne manle bɛ. Eza ɔhyɛle Livaema ne mɔ mɔɔ bado ayɛlɛyelɛ edwɛne aboa sɛlɛvolɛma ne la gyima ne ɔmanle bɛ, kɛmɔ kenle ko biala gyima ne si de la. Ɔhyɛle nlenkɛ mgbole sinzavolɛma ɔmanle ekpunli ko biala nwunle nlenkɛ mgbole mɔɔ bɛbazinza la, kɛmɔ Nyamenle sonla Devidi hyehyɛle dole ɛkɛ ne la.

Gyɛlɛmaya Buluku ne 23:26

Kenlenzu a Nyamenle kpɔmanvolɛma ɛhye mɔ kɛgyakyi adalɛ nrɛlaleɛ ɛhanlɛ a? Bɛbɔ bɛ ti anu bɛka nrɛlaleɛ biala bɛfa bɛbɛlɛbɛla bɛdabɛ bɛ ngome bɛ nwo.

Yizikeɛle Buluku ne 1:3

Na Ɛdɛnkɛma dendɛle hilele me wɔ Azule Kibaa ne anloa wɔ Babelonia azɛlɛ zo; eza mendele Ɛdɛnkɛma tumi ne wɔ me nu.

Maeka Buluku ne 1:1

Wɔ Dwuda arelemgbunli Dwɔtam, Ehaze, yɛɛ Hɛzikaya mekɛ zo, Ɛdɛnkɛma dendɛle hilele Maeka mɔɔ vi Molɛhyɛte la. Edwɛkɛ ne fane Samɛlea nee Gyɛlusalɛm anwo.

Maeka Buluku ne 3:7

Bɛdabɛ mɔɔ bɛka mɔɔ kenle bie bazi la anyunlu bagua aze, yɛɛ bɛdabɛ mɔɔ bɛka ɛbizalɛ edwɛkɛ la babɔ anyiemgba. Bɛ muala bɛbamua bɛ nloa, ɔluakɛ Nyamenle ɛnrɛbua bɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:28

Mosisi hanle hilele menli ne kɛ, “Ɛhye bamaa bɛanwu kɛ Ɛdɛnkɛma yɛɛ ɛzoa me kɛ membanyɛ gyima ɛhye mɔ a, na tɛ medame me tumi zo ɔ.

Edwɛkpa ne kɛmɔ Maake hɛlɛle la 12:36

Devidi luale Sunsum Nwuanzanwuanza ne azo hanle kɛ, ‘Awulae zele me Awulae kɛ, tɛnla me fema zo ɛke, kɔkpula kɛ menwɔva wɔ agbɔvolɛ menwɔwula ɛ gyakɛ abo.’

Edwɛkpa ne kɛmɔ Luku hɛlɛle la 1:70

Ɔluale ye kpɔmanvolɛma nwuanzanwuanza ne mɔ anwo zo ɔbɔle yɛ ɛwɔkɛ dɛba kɛ,

Ɛzoanvolɛma Gyima ne 1:16

“Ayi mɔ, ɔwɔ kɛ Nyamenle Edwɛkɛ ne mɔɔ Sunsum Nwuanzanwuanza ne luale Belemgbunli Devidi anwo zo hanle dole ɛkɛ ne, mɔɔ fane Dwudase mɔɔ lile menli mɔɔ rahyele Gyisɛse la anyunlu la anwo la yɛ nɔhalɛ.

Ɛzoanvolɛma Gyima ne 28:25

Na bɛ adwenle anzɛ yɛɛ bɛzandele a. Na mɔɔ bɛbahɔ la Pɔɔlo hanle edwɛkɛ ko ɛhye kɛ, “Mɔɔ Sunsum Nwuanzanwuanza ne luale Nyamenle kpɔmanvolɛ Ayezaya anwo zo hanle hilele yɛ nlenya mɔ la le nɔhalɛ somaa!

Ɛzoanvolɛma Gyima ne 3:18

Nyamenle luale ye kpɔmanvolɛma anwo zo hanle dole ɛkɛ ne dɛba, kɛ ɔwɔ kɛ Mɛzaya ne nwu amaneɛ, yemɔti a ɔmanle ɔrale ye zɔhane a.

Mɛla 33:1

Nyilalɛ mɔɔ Nyamenle sonla Mosisi zɛlɛle manle Yizilayɛma kolaa na yeawu la ɛne:

Kɛlata mɔɔ bɛhɛlɛle bɛhɔmanle Hibuluma la 10:15

Sunsum Nwuanzanwuanza ne di daselɛ kile yɛ, ɔluakɛ alumua ne ɔhanle kɛ,

Kɛlata mɔɔ bɛhɛlɛle bɛhɔmanle Hibuluma la 3:7

Yemɔti, kɛ Sunsum Nwuanzanwuanza ne se la ɛne, “Saa ɛnɛ bɛte Nyamenle ane a,

Kɛlata mɔɔ bɛhɛlɛle bɛhɔmanle Hibuluma la 9:8

Sunsum Nwuanzanwuanza ne ngilehilelɛ mɔɔ wɔ ngyekyeleɛ ɛhye anwo la kile kɛ suzuamgba ala mɔɔ findezo ndanlɛ sua ne ɛtɛyele ɛkɛ ne la, adenle biala ɛnle ɛkɛ mɔɔ bɛfa nu bɛkɔ Nwuanzanwuanza nu Nwuanzaanwu Ɛleka ne a.

Dwɔhyua Buluku ne 14:6

Kenle ko Dwuda abusua ekpunli ne anu amra ne bie mɔ rale Dwɔhyua anwo ɛkɛ ne wɔ Gelegale. Na Kalɛbe mɔɔ ɔ ze a le Gyɛfɛni mɔɔ le Kinɛzenli la zele Dwɔhyua kɛ, “Ɛze mɔɔ Ɛdɛnkɛma hanle wɔ Keedɛhye Baanɛya hilele Nyamenle sonvolɛ Mosisi, mɔɔ fane me nee ɛ nwo la.

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.