2 Pit 1:19 - BAEBOLO ANZƐƐ BULUKU NWUANZANWUANZA

¹⁹ Ɛhye maa yɛ adwenle si pi kpalɛ wɔ edwɛkɛ mɔɔ Nyamenle Kpɔmanvolɛma hanle la anwo. Ɔhyia kɛ bɛkɛdie ye boɛ, ɔluakɛ ɔle kɛ kɛnlaneɛ mɔɔ ɛlɛta ɛleka mɔɔ le awozinli la, kɔkpula kɛ Alehyenlɛ ne kɛra na aleɛbahye edole ne kɛdu bɛ ahonle ne mɔ anu.

2 Pit 1:19 ပူးပေါင်းရင်းမြစ်များ

Edwɛndolɛ Buluku ne 119:105

Wɔ edwɛkɛ ne le kɛnlaneɛ maa me, ɔle wienyi wɔ me adenle nu.

Mrɛlɛbulɛ Buluku ne 6:23

ɔluakɛ mɛla ne le kɛnlaneɛ, ngilehilelɛ ne le wienyi, yɛɛ ahwibɛnyunlu ne kile ɛbɛlabɔlɛ adenle.

Ayezaya Buluku ne 14:12

“O Alehyenlɛ Ɛwɔlɔra, Aleɛbahye Ralɛ Nrenya, ɛvi anwuma wɔdɔ aze kpole o! Wɔmɔ mɔɔ anrɛɛ ɛka maanle maanle aze fɛɛnye la, nea aze ko mɔɔ bɛvuandi wɔ bɛdo a!

Ayezaya Buluku ne 41:26

Nwane a alumua ne ɔhanle a, amaa yɛanwu ye, yɛɛ ɔhanle ye dɛba, amaa yeaha kɛ, ‘Ɔle nɔhalɛ’ a? Awie anga, yɛɛ awie ambɔ ye nolo, awie ande bɛ edwɛkɛ ne.

Ayezaya Buluku ne 8:20

Bɛdie mɔɔ Ɛdɛnkɛma ɛlɛka la na bɛli ye ngilehilelɛ zo! Nɔhalɛ, edwɛkɛ ɛhye mɔɔ bɛka la aleɛ ɛnrɛhye zo.

Ayezaya Buluku ne 9:2

Menli ne mɔɔ luale awozinli nu la ɛnwu wienyi kpole bie; bɛdabɛ mɔɔ bɛdɛnlanle awozinli kabii azɛlɛ zo la, wienyi ɛda bɛ nwo zo.

Edwɛkpa ne kɛmɔ Mateyu hɛlɛle la 4:16

Bɛmɛ mɔɔ bɛde awozinli nu la, bɛbanwu wienyi kpole bie! Bɛmɛ mɔɔ bɛde ewule alubo nu la, wienyi bada bɛ nwo zo.”

Dw 5:35

Dwɔn le kɛ kɛnlaneɛ la, ɔzɔle na ɔdale, noko bɛ nye liele ye wienyi ne anu mekɛ ekyi bie ala.

Dw 5:39

Bɛmɛ, bɛsukoa Nyamenle Edwɛkɛ ne, ɔluakɛ bɛdwenle kɛ nuhua yɛɛ bɛkɛnwu ngoane mɔɔ ɛnlɛ awieleɛ ne a. Nyamenle Edwɛkɛ mumua ne ɔdaye ɔka me nwo edwɛkɛ.

Dw 8:12

Gyisɛse dendɛle hilele Falasiima ne bieko kɛ, “Mame a mele ewiade wienyi ne a. Awie biala mɔɔ kɛdoa me bo zo la kɛnyia ngoane nu wienyi ne, ɔnrɛlua awozinli nu ɛlɛ.”

Ɛzoanvolɛma Gyima ne 15:29

Bɛmmadi aleɛ mɔɔ bɛva bɛkpa munzule anzɛɛ bɛva bɛzɔ amonle la; bɛmmadi mogya; bɛmmadi nane mɔɔ bɛlofo ye na bɛampɛ ɔ kɔme la, na bɛhwe bɛ nwo bɛvi adwɔmane ɛbɔlɛ nwo. Saa bɛtwe bɛ nwo bɛfi ɛhye mɔ anwo a ɛnee bɛlua adenle fɔɔnwo ne anu. Yɛbiza bɛ ahye.”

Ɛzoanvolɛma Gyima ne 17:11

Dwuuma mɔɔ wɔ ɛkɛ ne la adwenle nu ɛbuke ɛdɛla bɛdabɛ mɔɔ bɛwɔ Tɛsalonaeka la. Zɔhane ati bɛliele Edwɛkpa ne na dahuu bɛnleɛnleanle Nyamenle Edwɛkɛ ne anu kpalɛ kɛ saa mɔɔ Pɔɔlo ɛlɛka la le nɔhalɛ a.

Kɛlata mɔɔ bɛhɛlɛle bɛhɔmanle Hibuluma la 2:2

Edwɛkɛ ne mɔɔ Nyamenle soanvolɛma vale rɛlɛle yɛ nlenya mɔ la ɛrayɛ nɔhalɛ, yemɔti mɔɔ anli zo la banyia nwolɛ ndeanlɛ mɔɔ ɔfɛta la.

Gyemise Kɛlata ne 2:8

Saa bɛdi Belemgbunlililɛ ne anwo mɛla ne, mɔɔ Nyamenle Edwɛkɛ ne se la kɛ, “Kulo ɛ gɔnwo kɛ ɛdawɔ ɛ nwo” la azo a, ɛnee bɛlua nɔhalɛ adenle ne anu.

1 Pit 1:10

Nyamenle kpɔmanvolɛma mɔɔ hanle ɛlolɛ ɛhye mɔɔ le bɛ ɛdeɛ la anwo edwɛkɛ dole ɛkɛ ne la nleɛnleanle nu, na bɛkpondɛle ngoanelielɛ ɛhye mɔɔ Nyamenle bava amaa bɛ la anu.

1 Dw 5:10

Zɔhane ati awie biala mɔɔ die Nyamenle Ara ne di la lɛ daselɛlilɛ ne wɔ ye nu. Awie biala mɔɔ ɛnlie Nyamenle ɛnli la ɛmaa Nyamenle ɛbɔ adalɛ, ɔluakɛ yeanlie daselɛ ne mɔɔ Nyamenle ɛli ye wɔ ɔ Ra ne anwo la yeanli.

3 Dw 1:6

Bɛhanvo ɛhulolɛ ne mɔɔ ɛlɛ ye la bɛhile asɔnema mɔɔ wɔ ɛke la. Mebodo wɔ, bɔ mɔdenle nea na gua bɛ adenle gyɛlɛɛnye, kɛmɔ ɛnea a ɔkɛzɔ Nyamenle anye la.

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”