2 Pit 1:17 - BAEBOLO ANZƐƐ BULUKU NWUANZANWUANZA

¹⁷ Yɛwɔ ɛkɛ ne yɛɛ Nyamenle Selɛ ne dele ɔ nyunlu, wulale ye anyunlunyia a. Yɛwɔ ɛkɛ ne yɛɛ ɛnelɛ ne vi Anyunlunyia Bedevinli ne ɛkɛ ne hanle kɛ, “Me Ra mɔɔ mekulo ye la ɛne, me nye die ɔ nwo kpole!”

2 Pit 1:17 ပူးပေါင်းရင်းမြစ်များ

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Edwɛkpa ne kɛmɔ Mateyu hɛlɛle la 12:18

“Bɛnlea, me sonvolɛ ne mɔɔ mekpa nu meye ye la ɛne, yemɔ a ɔle sonla mɔɔ mekulo ye na me nye die ɔ nwo a. Mebava me Sunsum meawula ye, na yeabɔ me ndɛnebualɛ ne nolo yeahile maanle maanle muala.

Edwɛkpa ne kɛmɔ Mateyu hɛlɛle la 17:3

Na bɛnwunle Mosisi nee Yilaegya kɛ bɛ nee Gyisɛse ɛlɛtendɛ.

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Mateyu hɛlɛle la 28:19

Yemɔti bɛhɔ maanle ti nee maanle bo, bɛmaa menli ɛrayɛ me ɛdoavolɛma; bɛzɔne bɛ wɔ Selɛ ne, Ralɛ ne nee Sunsum Nwuanzanwuanza ne duma nu,

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Edwɛkpa ne kɛmɔ Maake hɛlɛle la 1:11

Na ɛnelɛ bie vi anwuma zele kɛ, “Wɔmɔ a ɛle me ra mɔɔ mekulo wɔ kpalɛ a. Me nye die ɛ nwo kpole.”

Edwɛkpa ne kɛmɔ Maake hɛlɛle la 9:7

Amungu rahedale bɛ nwo zo, na ɛnelɛ bie dendɛle amungu ne anu zele kɛ, “Me ra mɔɔ mekulo ye la ɛne, bɛdie ye!”

Edwɛkpa ne kɛmɔ Luku hɛlɛle la 10:22

“Egya ɛva ninyɛne kɔsɔɔti ɛwula me sa nu. Awie biala ɛnze Ralɛ ne sonla holɛ kɛ Selɛ ne ala, yɛɛ awie biala ɛnze Selɛ ne sonla holɛ kɛ Ralɛ ne nee bɛdabɛ mɔɔ Ralɛ ne kulo kɛ ɔye ye ɔkile bɛ la ala.”

Edwɛkpa ne kɛmɔ Luku hɛlɛle la 3:22

na Sunsum Nwuanzanwuanza ne le kɛ abubule la dwule ɔ nwo zo. Ɛnelɛ bie vi anwuma zele kɛ, “Wɔmɔ a ɛle me Ra mɔɔ mekulo wɔ kpalɛ a. Me nye die ɛ nwo kpole.”

Dw 10:36

ɛnee mame mɔɔ Selɛ ne ɛnlea nu ɛye me, na yezoa me wɔ ewiade ye anu la, saa meka kɛ mele Nyamenle Ara a, ɛnee munzule ne mɔɔ mebɔ la a le boni?

Dw 14:11

Bɛlie me bɛli kɛ mede Selɛ ne nu yɛɛ Selɛ ne de me nu. Saa tɛ ye zɔhane a, ɛnee gyima mɔɔ meyɛ la ati, bɛlie me bɛli.

Dw 14:6

Gyisɛse buale ye kɛ, “Mame a mele adenle ne, nɔhalɛ ne, nee ngoane ne a; awie biala ɛnrɛhola Selɛ ne ɛkɛ ne kɔ kyesɛ ɔdua me nwo zo.”

Dw 17:21

Mesɛlɛ kɛ bɛ muala bɛkɛyɛ ko. Egya! Maa bɛdɛnla yɛ nu, kɛmɔ ɛde me nu na medame mede wɔ nu la. Maa bɛyɛ ko, amaa ewiade amra alie ali kɛ amgba ɛdawɔ a ɛzoanle me a.

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Dw 3:35

Selɛ ne kulo Ɔ Ra ne, na yeva ninyɛne muala yewula ɔ sa nu.

Dw 5:20

Ɔluakɛ Selɛ ne kulo Ralɛ ne, yɛɛ ɔkile ye mɔɔ ɔdaye mumua ne ɔlɛyɛ la amuala. Ɔbahile ye ninyɛne mgbole bɔbɔ mɔɔ tɛla ɛhye mɔ la yeamaa yeayɛ, na ɔbayɛ bɛ muala azibɛnwo.

Dw 5:26

Kɛmɔ Selɛ ne a le ngoanemaavolɛ la, zɔhane ala yɛɛ yeyɛ Ralɛ ne ngoanemaavolɛ a.

Dw 6:27

Bɛmmayɛ gyima bɛkpondɛ aleɛ mɔɔ ɛngyɛ na azɛkye la; bɛyɛ gyima bɛkpondɛ aleɛ mɔɔ fa bɛ kɔ ngoane mɔɔ ɛnlɛ awieleɛ la anu la. Aleɛ ɛhye yɛɛ medame Sonla Ra, mebava meamaa bɛ a, ɔboalekɛ Nyamenle Selɛ ne ɛlie me ɛdo nu na yemaa me tumi kɛ menyɛ ye zɔhane.”

Dw 6:37

Awie biala mɔɔ Egya bava ye amaa me la bara me nwo. Awie biala mɔɔ kɛra me nwo la menrɛvoa ye,

Dw 6:39

Mɔɔ zoanle me la kpondɛ kɛ meyɛ ɛhye, amaa meamminli mɔɔ yeva yemaa me la bie, na meava bɛ muala meara ngoane nu wɔ mekɛ ne mɔɔ li awieleɛ la.

Wulo 15:6

amaa bɛ muala kɔsɔɔti bɛava ɛnelɛ ko bɛaye yɛ Awulae Gyisɛse Kelaese ɔ ze Nyamenle ne ayɛlɛ.

2 Kɔl 1:3

Bɛmaa yɛyɛ Nyamenle, yɛ Awulae Kelaese Gyisɛse ɔ Ze ne, anwunvɔnezelɛ Selɛ ne nee arɛlekyekyelɛ Nyamenle ne mo.

2 Kɔl 11:31

Nyamenle mɔɔ le Awulae Gyisɛse ɔ Ze ne, yemɔ yɛɛ nyilalɛ ɛha ye duma ne dahuu a, ɔluakɛ ɔze kɛ membɔ adalɛ.

Kɛlata mɔɔ bɛhɛlɛle bɛhɔmanle Hibuluma la 1:3

Gyisɛse kile kɛ Nyamenle anyunlunyia ne wienyi kpole si de la. Ɔle Nyamenle ɛsaso bɔkɔɔ, yɛɛ ɔfa ye tumi edwɛkɛ ne a ɔsɔ ewiade a. Ɔliele ɛtanefakyɛ ɔmanle sonla na ɔwiele la, ɔhɔle anwuma ɔhɔdɛnlanle Tumivolɛ Nyamenle Bedevinli ne asa fema zo.

2 Dw 1:3

Nyamenle Selɛ ne nee Gyisɛse Kelaese, Selɛ ne Ara ne, ɛlo yɛ, ɛnwu yɛ anwunvɔne, na ɔmaa yɛ nzo nu ɛdwo yɛ dahuu wɔ nɔhalɛ nee ɛhulolɛ nu.

Dwuudu Kɛlata ne 1:1

Medame Dwuudu, mɔɔ mele Gyisɛse Kelaese sonvolɛ nee Gyemise adiema la yɛɛ melɛkɛlɛ kɛlata ɛhye a. Melɛ mekamaa bɛdabɛ mɔɔ Nyamenle ɛvɛlɛ bɛ, na bɛde Egya Nyamenle ne ɛhulolɛ nu na Gyisɛse Kelaese wowa bɛ la amuala.