2 Pit 1:16 - BAEBOLO ANZƐƐ BULUKU NWUANZANWUANZA

¹⁶ Yɛangyinla ngehanleɛ zo anzɛɛ sonla adwenle nzuzulɛ zo a yɛkpale yɛ Awulae Gyisɛse Kelaese tumi ne nee ye ɛralɛ bieko nwo edwɛkɛ ne anwo ɛdanlɛ yɛhilele bɛ a. Yɛdayɛ yɛnwunle ye anyunlunyia kpole ne yɛ nye zo yɛɛ yɛdi nwolɛ daselɛ.

2 Pit 1:16 ပူးပေါင်းရင်းမြစ်များ

Malakae Buluku ne 3:2

Kenle mɔɔ ɔkɛra la, nwane a kɛhola gyinla a, yɛɛ saa ɔye ɔ nyunlu a, nwane a kɛnyia gyinlagyakɛ a? Ɔluakɛ ɔbayɛ kɛ dwinvolɛ senle mɔɔ ɔfa ɔtu ninyɛne nu anzɛɛ saminla anloa ɛsesebɛ mɔɔ bɛfa bɛkpo ninyɛne la.

Malakae Buluku ne 4:5

“Mebazoa Nyamenle kpɔmanvolɛ Yilaegya bɛ nwo kolaa na Ɛdɛnkɛma kenle kpole anu ɛzulolɛ ne ara.

Edwɛkpa ne kɛmɔ Mateyu hɛlɛle la 16:27

Ɔluakɛ ɔnrɛhyɛ biala na medame Sonla Ra me nee me anwuma soanvolɛma yɛara, wɔ Egya anyunlunyia nu, na yɛaradua awie biala kakɛ kɛmɔ ye gyima de la.

Edwɛkpa ne kɛmɔ Mateyu hɛlɛle la 16:28

Bɛhakye ɛhye, menli bie gyigyi bɛ avinli ɛke mɔɔ bɛnrɛwu na bɛanwu Sonla Ra ne kɛ yera kɛ Belemgbunli la.”

Edwɛkpa ne kɛmɔ Mateyu hɛlɛle la 17:1

Kenle nsia pɛle nu la Gyisɛse vale Pita, Gyemise, yɛɛ ɔ diema Dwɔn hɔle boka kpole bie azo, bɛ ngome ala a bɛwɔ ɛkɛ a.

Edwɛkpa ne kɛmɔ Mateyu hɛlɛle la 24:27

Ɔluakɛ medame Sonla Ra, mebara kɛ ɛsɛnlɛmanye mɔɔ kpakye anwomanyunlu la, ɔvi aduduleɛ yeahɔzi adɔleɛ.

Edwɛkpa ne kɛmɔ Mateyu hɛlɛle la 24:3

Mɔɔ Gyisɛse wɔ Ɔlivi Boka ne azo la, ye ɛdoavolɛma ne rale ɔ nwo ɛkɛ ne ahane rabizale ye kɛ, “Ka mekɛ mɔɔ ɛhye mɔ kɛzi la kile yɛ, na ka debie mɔɔ bazi ahile kɛ wɔ ɛralɛ ne ɛdwu na ewiade ɛhye ɛlɛba awieleɛ la kile yɛ?”

Edwɛkpa ne kɛmɔ Mateyu hɛlɛle la 28:18

Gyisɛse bikyele bɛ na ɔzele bɛ kɛ, “Bɛva tumi muala mɔɔ wɔ anwuma nee aze la bɛmaa me.

Edwɛkpa ne kɛmɔ Maake hɛlɛle la 13:26

Akee bɛbanwu medame Sonla Ra kɛ melua amungu nu melɛba wɔ tumi bedevinli nee anyunlunyia nu.

Edwɛkpa ne kɛmɔ Maake hɛlɛle la 14:62

Gyisɛse buale ye kɛ, “Medame ɛne! Akee bɛ muala bɛbanwu medame, Sonla Ra, kɛ mede Tumivolɛ Nyamenle ne asa fema zo na melua amungu ne mɔ anu melɛba!”

Edwɛkpa ne kɛmɔ Luku hɛlɛle la 1:2

Bɛhɛlɛle ninyɛne mɔɔ bɛdabɛ mɔɔ mɔlebɛbo ne bɛnwunle ye bɛ nye zo na bɛbɔle ye nolo la hanle hilele yɛ la.

Edwɛkpa ne kɛmɔ Luku hɛlɛle la 9:43

Na Nyamenle tumi kpole ne yɛle menli dɔɔnwo ne amuala azibɛnwo. Mɔɔ ɛnee menli ne anye ɛha Gyisɛse anwo wɔ ye nwanwane ninyɛne mɔɔ ɔlɛyɛ la anwo la, ɔzele ye ɛdoavolɛma ne kɛ,

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 17:2

Ɔluakɛ wɔmaa ye menli kɔsɔɔti anwo zo tumi, amaa yeava ngoane mɔɔ ɛnlɛ awieleɛ la yeamaa menli mɔɔ wɔva bɛ wɔmaa ye la.

Wulo 1:4

noko wɔ Nyamenle nu nwuanzanwuanzayɛlɛ nu a, bɛva tumi kpole bɛdwazo ye bɛvi ewule nu bɛhile kɛ ɔle Nyamenle Ara la anwo.

1 Kɔl 1:17

Kelaese anzoa me kɛ membanzɔne menli. Ɔzoanle me kɛ memambɔ Edwɛkpa ne nolo, na memmafa sonla nrɛlɛbɛ meka, anrɛɛ tumi ne mɔɔ wɔ Kelaese meanubaka ne anwo edwɛkɛ ne anu la kɛyɛ mgbane.

1 Kɔl 1:23

Na yɛmɛ, yɛbɔ Kelaese meanubaka ne azo ewule ne mɔɔ maa Dwuuma tu koti na ɔle ɛzɛlɛ edwɛkɛ ɔmaa bɛdabɛ mɔɔ bɛnle Dwuuma la nolo;

1 Kɔl 1:7

yemɔti bɛngyia ɛlolɛ ahyɛlɛdeɛ biala anwo, wɔ mekɛ mɔɔ bɛlɛkendɛ yɛ Awulae Gyisɛse Kelaese ɛralɛ bieko mɔɔ ɔbara la.

1 Kɔl 2:1

Me mediema, mekɛ mɔɔ membale bɛ nwo lɔ kɛ mebabɔ Nyamenle nɔhalɛ edwɛkɛ ne mɔɔ vea la nolo meahile bɛ la, meanga ye kɛ mele sonla mɔɔ me nloa ɛde na meze nrɛlɛbɛ kpole la.

1 Kɔl 2:4

yɛɛ meanva sonla nrɛlɛbɛ nee anloanu kolokolo a mengilehilele bɛ, membɔle edwɛkɛ ne nolo a; menluale Nyamenle Sunsum ne tumi zo,

1 Kɔl 5:4

Saa me sunsum ne nee bɛ di ayia a, bɛlua Awulae Gyisɛse tumi ne mɔɔ boka yɛ nwo la azo

2 Kɔl 2:17

Yɛmɛ, yɛnle kɛ menli mɔɔ fa Nyamenle edwɛkɛ ne si kongo la, ɔboalekɛ Nyamenle a ɛzoa yɛ a, yɛɛ yɛgyinla ɔ nyunlu yɛtendɛ kɛ Kelaese sonvolɛma.

2 Kɔl 4:2

Yɛkpo awozinli nu nee anyiemgba nyɛleɛ muala; yɛmbɔ alane ɛbɛla, yɛɛ yɛmbɔ adalɛ wɔ Nyamenle edwɛkɛ ne ɛhanlɛ nu yɛngakyi ye. Yɛlua nɔhalɛ wienyi ne anu yɛbɔ yɛ ɛbɛla wɔ Nyamenle anyunlu kɛ awie biala kɛnyia yɛ nwo adwenle kpalɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:21

Na ɔbalua tumi ne mɔɔ maa ɔkola ɔfa ninyɛne kɔsɔɔti ɔbawula ɔ bo la azo yeahakyi yɛ nwonane wulera ɛhye yeayɛ ye kɛ ye anyunlunyia nwonane ɛdeɛ ne la.

1 Tɛs 2:19

Na ɛnee yɛ anyelazo, yɛ anyelielɛ anzɛɛ abɔtile mɔɔ yɛfa yɛtu yɛ nloa anu wɔ mekɛ mɔɔ yɛ Awulae kɛra la a le boni? Tɛ yemɔ a le bɛdabɛ ɔ?

2 Tɛs 2:9

Amumuyɛnli ne bava Seetan tumi a ara a, na yearayɛ adalɛ nwanwane ninyɛne mgbole, yeaye ngonyia,

1 Tem 1:4

Ka kile bɛ maa bɛgyakyi bɛ nla mɔ anwo nwɔra ɛdolɛ ne nee mbusua nu ɛhilehilelɛ somasoma ne. Ɛhye mɔ wie kpolerazulɛ ala, na ɔnvane Nyamenle ngyehyɛlɛ ne mɔɔ bɛdua diedi zo bɛnwu ye la anwo.

1 Tem 4:7

Twe ɛ nwo fi yɛ nlenya mɔ anwo koasea nwɔra mgbane mgbane ne mɔ mɔɔ ɛnle nyamenlezonlenlɛ la anwo, na mia ɛ nwo sonle Nyamenle kpalɛ.

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:14

na bɛandoa Dwuuma amaamuo dɛba ne nee bɛ mɛla ne mɔ mɔɔ vi menli mɔɔ ɛkpo nɔhalɛ ne la ɛkɛ ne la abo zo.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

1 Dw 4:14

Yɛnwu ye yɛɛ yɛdi daselɛ kɛ Selɛ ne ɛzoa ɔ Ra ne kɛ yemɔ a ɔle ɛtane ewiade ye amra ngoanedievolɛ a.

Dwuudu Kɛlata ne 1:14

Yinɔko mɔɔ le Adam angabɛnzo mɔɔ tɔ zolɛ nsuu la hanle bɛ nwo edwɛkɛ dɛba kɛ, “Awulae nee ye soanvolɛma nwuanzanwuanza apenle apenle bara

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.