2 Pit 1:12 - BAEBOLO ANZƐƐ BULUKU NWUANZANWUANZA

¹² Zɔhane ati meyɛ me adwenle kɛ dahuu mebahakyehakye bɛ wɔ ninyɛne ɛhye mɔ anwo, noko meze kɛ bɛze bɛ dɛba na bɛ ti ɛmi nɔhalɛ ne mɔɔ bɛnyia ye la anu kpalɛ.

2 Pit 1:12 ပူးပေါင်းရင်းမြစ်များ

Ɛzoanvolɛma Gyima ne 16:5

Ɛhye manle asɔne ne mɔ anwo yɛle se wɔ diedi nu na menli dɔɔnwo rabokale bɛ nwo dahuu.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:1

Awieleɛ ne, mediema, bɛmaa bɛ nye ɛlie kɛ bɛra Awulae ɛkɛ a. Ɔnyɛ me ɛvɛlɛ kɛ mesi mɔɔ mehɛlɛ ye dɛba la azo wɔ bɛ kpalɛyɛlɛ ti a.

Kɔlɔ 1:5

ɔboalekɛ bɛlɛ anyelazo bie mɔɔ bɛ sa baha ye wɔ anwuma a. Anyelazo ɛhye a bɛdele nwolɛ edwɛkɛ alumua ne, wɔ mekɛ mɔɔ bɛvale Edwɛkpa ne bɛrɛlɛle bɛ la.

Kɔlɔ 2:7

Bɛyɛ kɛ menli mɔɔ ɛsosɔ ndinli kpalɛ wɔ Kelaese anu la, bɛlua ɔ nwo zo bɛbɔ bɛ ɛbɛla, bɛmaa bɛ diedi ɛgyinla kpundii, kɛmɔ bɛhilehilele bɛ la, na bɛyɛ ye mo dahuu.

1 Tem 4:6

Saa ɛfa ngilehilelɛ ɛhye mɔ ɛkilehile mediema ne mɔ a, ɛbayɛ Kelaese Gyisɛse sonvolɛ kpalɛ, na diedi nu ngilehilelɛ ne nee ngilehilelɛ kpalɛ ne mɔɔ dahuu ɛli ɔ nzi la aboa amaa wɔanyi sunsum nu.

2 Tem 1:6

Zɔhane ati meka meahile wɔ kɛ fa ahyɛlɛdeɛ ne mɔɔ Nyamenle manle wɔ, wɔ mekɛ mɔɔ menvale me sa menguale ɛ ti zo la yɛ gyima.

Kɛlata mɔɔ bɛhɛlɛle bɛhɔmanle Hibuluma la 10:32

Bɛhakye mɔɔ zile bɛ nwo zo wɔ mekɛ mɔɔ Nyamenle wienyi ne dale bɛ nwo zo la. Bɛnwunle amaneɛ dɔɔnwo, noko abodelɛ ne ambo bɛ nwo zo ɛlɛ.

Kɛlata mɔɔ bɛhɛlɛle bɛhɔmanle Hibuluma la 13:9

Bɛmmamaa ngilehilelɛ ngakyile biala twe bɛ fi adenle kpalɛ ne mɔɔ bɛlua zo la azo. Ɔle kpalɛ kɛ yɛkɛmaa Nyamenle ɛlolɛ ne kɛmaa yɛ ɛkɛla nwo kɛyɛ se tɛla kɛ yɛkɛli aleɛ nwo ngyehyɛlɛ zo la, ɔluakɛ bɛdabɛ mɔɔ bɛlile ngyehyɛlɛ zɛhae mɔ anzi la, yeamboa bɛ.

1 Pit 5:10

Na saa bɛte nyane ne ekyii bɛwie a ɛlolɛ kɔsɔɔti Nyamenle ne, mɔɔ ɛvɛlɛ bɛ kɛ bɛ nee Kelaese ɛradɛnla ye anyunlunyia ne mɔɔ wɔ ɛkɛ ne dahuu la anu la, ɔdaye mumua ne ɔbaziezie bɛ yeamaa bɛ anwosesebɛ nee akɛnrasesebɛ, na yeamaa bɛagyinla kpundii.

1 Pit 5:12

Saelase (Selevanɛse) mɔɔ kɛkala Kelaese ati meva ye kɛ me diema kpalɛ kpalɛ la yɛɛ ɛboa ɛmaa mehɛlɛ bɛ kɛlata ezinraa ɛhye a. Mekulo kɛ mesi bɛ ahonle, na medi daselɛ kɛ ɛhye a le Nyamenle ɛlolɛ kpalɛ ne a. Bɛgyinla kpundii wɔ nuhua.

2 Pit 1:13

Menea a ɔle kpalɛ kɛ ɔwɔ kɛ mekakyehakye bɛ adwenle wɔ edwɛkɛ ɛhye mɔ anwo wɔ mekɛ mɔɔ mede ngoane ɛhye anu la.

2 Pit 1:15

Zɔhane ati, mebabɔ mɔdenle meanlea kɛ adenle biala anu, saa mewu mekɔ bɔbɔ a bɛkɛhakye ninyɛne ɛhye mɔ.

2 Pit 3:1

Ayi mɔ, kɛlata mɔɔ tɔ zo nwiɔ mɔɔ melɛkɛlɛ mearɛlɛ bɛ la ɛne. Wɔ bɛ mu nwiɔ anu, mebɔ mɔdenle kɛ mekakyehakye bɛ adwenle,

2 Pit 3:17

Na ayi mɔ, bɛmɛ bɛhakye bɛ ɛhye mɔ anwo bie dɛba. Yemɔti bɛnlea boɛ na kpamgbanvolɛma anva bɛ amumuyɛ andwe bɛ angɔ nvonleɛ nu, na bɛavi ɛleka kɛnlɛma ɛhye mɔɔ bɛgyi la bɛagua aze.

1 Dw 2:21

Tɛ kɛ asɛɛ bɛnze nɔhalɛ ne la ati a melɛkɛlɛ bɛ a. Melɛkɛlɛ bɛ, ɔboalekɛ bɛze nɔhalɛ ne la ati ɔ, yɛɛ bɛze noko kɛ adalɛ biala vi nɔhalɛ ne anu ɛnvinde.

2 Dw 1:2

ɔluakɛ nɔhalɛ ne de yɛ nu na ɔ nee yɛ badɛnla dahuu.

Dwuudu Kɛlata ne 1:17

Na me mediema, bɛhakye mɔɔ yɛ Awulae Gyisɛse Kelaese ɛzoanvolɛma ne hanle hilele bɛ la.

Dwuudu Kɛlata ne 1:3

Ayi mɔ, menzuzule kɛ mekɛlɛ bɛ wɔ ngoanelielɛ ne mɔɔ yɛnyia ye la anwo, na menwu kɛ ɔhyia kɛ mekɛlɛ bɛ na mesi bɛ ahonle kɛ bɛho bɛmaa diedi ne mɔɔ Nyamenle ɛva ɛmaa ye menli ne bɔkɔɔ la.

Dwuudu Kɛlata ne 1:5

Bɛze ɛhye bɔkɔɔ, noko eza mekulo kɛ mekakye bɛ kɛ Awulae mɔɔ liele Yizilayɛma vile Yigyibiti azɛlɛ zo la eza nzinlii zɛkyele bɛdabɛ mɔɔ bɛanlie bɛanli la.