2 Pit 1:10 - BAEBOLO ANZƐƐ BULUKU NWUANZANWUANZA

¹⁰ Zɔhane ati, mediema, bɛbɔ mɔdenle kpalɛ kpalɛ kɛ bɛkɛmaa Nyamenle ɛvɛlɛlɛ mɔɔ yevɛlɛ bɛ nee ɛkpalɛ mɔɔ yekpa nu yeye bɛ la kɛgyinla bɛ nyunlu dahuu. Saa bɛyɛ ye zɔhane a bɛnrɛdɔ aze ɛlɛ.

2 Pit 1:10 ပူးပေါင်းရင်းမြစ်များ

Edwɛndolɛ Buluku ne 112:6

Ɔluakɛ pɛlepɛlenli ne abo zo ɛnrɛminli ɛlɛ; bɛbahakye ye dahuu.

Edwɛndolɛ Buluku ne 121:3

Ɔnrɛmaa ɛ gyakɛ ɛnrɛhoati, mɔɔ sinza wɔ la ɛnrɛbɔ ngɔsɔkɛ.

Edwɛndolɛ Buluku ne 15:5

Ɔmbɔ bosea ɔnlie nzinwo, yɛɛ ɔnlie ndoloboa ɔntia mɔɔ ɛnze nwolɛ bie la. Sonla mɔɔ yɛ ɛhye mɔ la anwo kɔlɔnwo dahuu.

Edwɛndolɛ Buluku ne 37:24

Saa ɔtɔ aze bɔbɔ a, ɔnrɛha ɛkɛ, ɔluakɛ Ɛdɛnkɛma bakpogya ye zo.

Edwɛndolɛ Buluku ne 62:2

Ɔ ngomekye ala a ɔle me bodane nee me ngoanelielɛ a, ɔle me aranemgbole; awie ɛnrɛli me nwo zo konim.

Edwɛndolɛ Buluku ne 62:6

Ɔ ngomekye ala a ɔle me bodane nee me ngoanelielɛ a, ɔle me aranemgbole; awie ɛnrɛli me nwo zo konim.

Ayezaya Buluku ne 56:2

Nyilalɛ ɛha sonla ne mɔɔ yɛ ɛhye la, nee sonla ra ne mɔɔ kɛzɔ nu ɛsesebɛ la. Nyilalɛ ɛha sonla ne mɔɔ sie Ɛnwomenlelielɛ Kenle ne na ɔngua nwolɛ evinli, na ɔtwe ɔ nwo ɔfi amumuyɛyɛlɛ nwo la.”

Maeka Buluku ne 7:8

O me kpɔvolɛ, mmadi me nwo zo wulupe. Saa metɔ aze a mebadwazo. Saa metɛnla awozinli nu a Ɛdɛnkɛma bayɛ me kɛnlaneɛ.

Edwɛkpa ne kɛmɔ Mateyu hɛlɛle la 22:14

Na Gyisɛse dwulale ye edwɛkɛ ne kɛ, “Bɛvɛlɛ dɔɔnwo, na ekyi bie a bɛva bɛ a.”

Wulo 11:29

Ɔluakɛ Nyamenle ɛngakyi ye adwenle ɛlɛ wɔ menli mɔɔ yekpa nu yeye bɛ na yeyila bɛ la anwo.

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

Kɛlata mɔɔ bɛhɛlɛle bɛhɔmanle Hibuluma la 6:11

Yɛ kunlu a anrɛɛ bɛ nuhua ko biala bagyinla kpundii ahɔ awieleɛ, amaa mɔɔ bɛ nye la zolɛ la bɛ sa aha ye.

Kɛlata mɔɔ bɛhɛlɛle bɛhɔmanle Hibuluma la 6:19

Anyelazo ɛhye le kɛ sɛkɛ maa yɛ ɛkɛla. Ɔgyi pi, na ɔgyi ye kpundii ɔkɔpe anwuma lɔ ɛzonlenlɛ sua ne mgbɛnu ɛdanlɛ ne anu na ɔkɔdua ɔ nwo wɔ ɛleka nwuanzanwuanza ne.

Gyemise Kɛlata ne 2:10

Ɔluakɛ awie biala mɔɔ se ɔdi mɛla ne amuala azo na ɔkɛvo nuhua edwɛkɛ kpɔkɛ ko la ɛdo mɛla ne amuala.

Dwɔhyua Buluku ne 7:3

Bɛrale la bɛzele Dwɔhyua kɛ, “Ɔngyia kɛ menli ne amuala kɔ kɔfɛ mgbane. Ɔnle sua kpole, eza menli mɔɔ wɔ zolɛ la anzo biala.”

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

1 Pit 1:5

Zɛhae nyilalɛ ne le bɛdabɛ mɔɔ ɔlua bɛ diedi ti Nyamenle tumi ne dielie bɛ gyɛlɛɛnye na bɛbaye ngoanelielɛ ne bɛahile bɛ wɔ mekɛ ne mɔɔ li amozi la ɛdeɛ.

2 Pit 1:3

Nyamenle tumi kpole ne ɛmaa yɛ debie biala mɔɔ yɛhyia nwo wɔ yɛ ɛbɛla kpalɛ ɛbɔlɛ nee yɛ nyamenlezonlenlɛ nu la, ɔluakɛ yɛze mɔɔ ɛvɛlɛ yɛ kɛ yɛ nee ye ɛradɛnla ye anyunlunyia ne nee ye kpalɛyɛlɛ ne anu la.

2 Pit 1:5

Ɔlua ɛhye ala ati ɔwɔ kɛ bɛbɔ mɔdenle bɛfa kpalɛyɛlɛ bɛboka bɛ diedi nwo na bɛfa deɛnwunlɛ bɛboka bɛ kpalɛyɛlɛ nwo.

2 Pit 3:14

Zɔhane ati, ayi mɔ, kɛmɔ bɛlɛkendɛ ɛhye mɔ la, bɛbɔ mɔdenle, amaa Awulae ba a yeanwu kɛ bɛ nwo te mɔɔ nvonleɛ biala ɛnle bɛ nu na bɛ nee ye bɛ nloa sɛ bɛ nwo a.

2 Pit 3:17

Na ayi mɔ, bɛmɛ bɛhakye bɛ ɛhye mɔ anwo bie dɛba. Yemɔti bɛnlea boɛ na kpamgbanvolɛma anva bɛ amumuyɛ andwe bɛ angɔ nvonleɛ nu, na bɛavi ɛleka kɛnlɛma ɛhye mɔɔ bɛgyi la bɛagua aze.

Dwuudu Kɛlata ne 1:24

Nyamenle mɔɔ kola sɔ bɛ mɔɔ bɛndɔ aze, na ɔfa bɛ kɔlɔnwo fɛlɛko nu ɔkɔ ɔdaye ye anyunlunyia ne anu,

Yekile 22:14

Nyilalɛ ɛha bɛdabɛ mɔɔ bɛkpo bɛ ndanlɛ ne mɔ bɔkɔbɔkɔ na ɔlua zolɛ bɛnyia adenle bɛli ngoane baka ne ma ne bie, na bɛwolo bɛhɔ suakpole ne azo la.