2 Edk 9:8 - BAEBOLO ANZƐƐ BULUKU NWUANZANWUANZA

⁸ Ayɛlɛyelɛ ɛha Ɛdɛnkɛma wɔ Nyamenle ne kɛ yehulo wɔ na yemaa bɛva wɔ bɛzie Yizilayɛ belemgbunli ebia ne azo la. Kɛmɔ Ɛdɛnkɛma kulo Yizilayɛma na ɔkulo kɛ bɛtɛnla ɛkɛ dahuu la ati yɛɛ yemaa bɛva wɔ bɛzie belemgbunli a, amaa wɔava pɛlepɛlelilɛ wɔazie bɛ.”

2 Edk 9:8 ပူးပေါင်းရင်းမြစ်များ

2 Sam 23:3

Yizilayɛ Nyamenle ne ɛdendɛ; Yizilayɛ pepɛdievolɛ ne ɛze me kɛ, “Belemgbunli mɔɔ fa pɛlepɛlelilɛ sie ye menli, na ɔfa Nyamenlezulolɛ ɔsie bɛ la,

2 Sam 8:15

Yemɔti Devidi ziele Yizilayɛ maanle ne kɔsɔɔti. Ɔvale nɔhalɛlilɛ nee pɛlepɛlelilɛ ɔziele menli ne.

1 Arl 10:9

Ayɛlɛyelɛ ɛha Ɛdɛnkɛma wɔ Nyamenle ne kɛ yehulo wɔ na yemaa bɛva wɔ bɛzie Yizilayɛ belemgbunli ebia ne azo la. Kɛmɔ Ɛdɛnkɛma kulo Yizilayɛma na ɔkulo kɛ bɛtɛnla ɛkɛ dahuu la ati yɛɛ yemaa bɛva wɔ bɛzie belemgbunli a, amaa wɔava pɛlepɛlelilɛ wɔazie bɛ na bɛayɛ tenlenema.”

1 Arl 3:28

Yizilayɛma dele ndɛne ne mɔɔ Belemgbunli Sɔlɔmɔn buale la, bɛ muala bɛlile ye eni. Bɛnwunle kɛ Nyamenle ɛmaa ye nrɛlɛbɛ mɔɔ ɔbava yeabu maanle ne a.

1 Edk 17:22

Wɔyɛ Yizilayɛma wɔ menli dahuu, na wɔmɔ Ɛdɛnkɛma, wɔyɛ bɛ Nyamenle.

1 Edk 28:5

Ɔmanle me mralɛ mrenya dɔɔnwo, na ɔnleanle nu ɔyele Sɔlɔmɔn kɛ yemɔ a ɔzie Yizilayɛ, Ɛdɛnkɛma ɔdaye ye belemgbunli maanle ne a.

1 Edk 29:10

Belemgbunli Devidi yele Nyamenle ayɛlɛ wɔ menli ne kɔsɔɔti anyunlu hanle kɛ, “Yɛ nlenya Gyekɔbo Ɛdɛnkɛma Nyamenle, ayɛlɛyelɛ ɛha wɔ dahuu!

1 Edk 29:20

Akee Devidi zele ɛlɔne mɔɔ ɛyia la kɛ, “Bɛye Ɛdɛnkɛma bɛ Nyamenle ne ayɛlɛ.” Na menli ne amuala yeyɛle Ɛdɛnkɛma, bɛ nlenya mɔ Nyamenle ne. Bɛbɔle bɛ ti aze bɛzonlenle Ɛdɛnkɛma na bɛvale enililɛ bɛmanle belemgbunli ne.

1 Edk 29:23

Yemɔti Sɔlɔmɔn lile ɔ ze Devidi agya wɔ belemgbunli ebia ne mɔɔ Ɛdɛnkɛma ɔdaye yehyehyɛ la azo. Ɔyɛle belemgbunli kpole, na Yizilayɛma kɔsɔɔti yɛle tieyɛ manle ye.

2 Edk 13:8

Kɛkala, bɛyɛ bɛ adwenle kɛ kɛmɔ bɛ nwo zonle na bɛdedɛ bɛ ezukoa nvutuke nlankɛ ananze ne mɔ mɔɔ Gyɛlɔbowam ɛyɛ ɛmaa bɛ kɛ bɛ nyamenle la ati, bɛ nee Devidi abo zo amra ne mɔɔ Ɛdɛnkɛma belemgbunli maanle ne wɔ bɛ sa nu la baho.

2 Edk 2:10

Mebamaa wɔ menli ne mɔɔ bu mbaka ne la abɛlɛ tone nu tɔno apenle nwiɔ, baale tɔno apenle nwiɔ, nwanye litili apenle ngoko ɛya nna, yɛɛ ɔlivi nwole litili apenle ngoko ɛya nna.”

2 Edk 2:11

Taya Belemgbunli Helam hɛlɛle kɛlata hɔbuale Sɔlɔmɔn kɛ, “Kɛmɔ Ɛdɛnkɛma kulo ye menli ne la ati, yezie wɔ belemgbunli kɛ ɛnlea bɛ nwo zo.

2 Edk 9:7

Wɔ mraalɛ anwo ɛyɛ moavolɛ, wɔ sonvolɛma ati ɛyɛ boɛ kɛ dahuu bɛtie wɔ, bɛsonle wɔ, na bɛte wɔ nrɛlɛbɛ edwɛkɛ ne mɔ a.

2 Edk 9:9

Akee ɔhyɛle Belemgbunli Sɔlɔmɔn ninyɛne: ezukoa nvutuke mɔɔ bo tone nu kilo apenle nna yɛɛ ninyɛne evuanlɛ mɔɔ bɛfa bɛto aleɛ la dɔɔnwo nee awolɛ mɔɔ sonle bolɛ la. Hyiba belemgbunli raalɛ ne ninyɛne evuanlɛ mɔɔ ɔvale ɔrahyɛle Sɔlɔmɔn la bo ahyɛlɛdeɛ biala mɔɔ sumunli kɛ ɔralile ebia ne la bɛva bɛhyɛ ye la azo.

Edwɛndolɛ Buluku ne 18:19

Ɔvale me ɔrale ɛleka mɔɔ tɛlɛ la; ɔliele me, ɔboalekɛ ɔ nye liele me nwo.

Edwɛndolɛ Buluku ne 22:8

“Ɔvale ye ahonle ɔmanle Ɛdɛnkɛma, bɛmaa ɔlie ye, bɛmaa ɔlie ye ngoane, ɔluakɛ ɔ nye die ɔ nwo!”

Edwɛndolɛ Buluku ne 72:2

Maa ɔva tenleneyɛlɛ ɔbua ye menli ne ndɛne, na ɔva pɛlepɛle ɔbua ehyianvolɛma ndɛne.

Edwɛndolɛ Buluku ne 99:4

Belemgbunli bedevinli, pɛlepɛlelilɛ kulovolɛ, wɔmaa pɛlepɛlelilɛ ɛlie ebia; wɔmaa pɛlepɛlelilɛ nee tenleneyɛlɛ ɛra Yizilayɛ.

Mrɛlɛbulɛ Buluku ne 21:3

Tenlene ɛbɛla nee pɛlepɛlelilɛ sɔ Ɛdɛnkɛma anye kpalɛ tɛla azubɔlɛ.

Mrɛlɛbulɛ Buluku ne 29:4

Belemgbunli mɔɔ di pɛlepɛle la fa anzonudwolɛ ba ye maanle ne anu, na mɔɔ dahuu kpondɛ ahyɛlɛdeɛ la sɛkye maanle ne.

Ayezaya Buluku ne 42:1

Ɛdɛnkɛma se, “Bɛnlea me sonvolɛ ne mɔɔ sɔ me nye la, yemɔ a mekpa nu meye ye a; me nye die ɔ nwo. Meva me Sunsum ne mewula ye, ɔbava pɛlepɛlelilɛ yeara maanle maanle ne mɔ anu.

Ayezaya Buluku ne 62:4

Bɛnrɛvɛlɛ wɔ “Bɛkpo wɔ ” bieko, Yɛɛ bɛnrɛha kɛ wɔ azɛlɛ ne “Ɛdɔ mgbane” bieko; Na bɛbavɛlɛ wɔ “Me anyelielɛ wɔ wɔ nuhua,” Na bɛavɛlɛ wɔ azɛlɛ ne “Awuvolɛ.” Ɔluakɛ Ɛdɛnkɛma anye die ɛ nwo, Yɛɛ wɔ azɛlɛ ne bayɛ awuvolɛ.

Ayezaya Buluku ne 9:7

Ye maanlebulɛ ne bahɔ zo melɛ mɔɔ ɛnlɛ awieleɛ; ye maanlema anzo nu badwo bɛ dahuu. Ɔbali ye ebia ne kɛ yeli Belemgbunli Devidi agya, yeava nɔhalɛlilɛ nee pɛlepɛlelilɛ yeabu ye maanle ne, ɔvi ɛnɛ mɔɔ kɔ nee mekɛ mɔɔ ɛnlɛ awieleɛ. Tumivolɛ Ɛdɛnkɛma ɛbɔ kpɔkɛ kɛ ɔbayɛ ɛhye.

Mɛla 7:8

Ɛdɛnkɛma kulo bɛ, ɔboalekɛ ɔlɛdi ye ndane ne mɔɔ ɔhanle ɔhilele bɛ ze mɔ la azo, na yemɔti yɛɛ yeva tumi kpole yeye bɛ yevi akɛlɛzonlenlɛ nu wɔ Yigyibiti belemgbunli ne asa anu a.