2 Edk 9:7 - BAEBOLO ANZƐƐ BULUKU NWUANZANWUANZA

⁷ Wɔ mraalɛ anwo ɛyɛ moavolɛ, wɔ sonvolɛma ati ɛyɛ boɛ kɛ dahuu bɛtie wɔ, bɛsonle wɔ, na bɛte wɔ nrɛlɛbɛ edwɛkɛ ne mɔ a.

2 Edk 9:7 ပူးပေါင်းရင်းမြစ်များ

1 Arl 10:8

Wɔ mraalɛ anwo ɛyɛ moavolɛ, wɔ sonvolɛma ati ɛyɛ boɛ kɛ dahuu bɛtie wɔ, bɛsonle wɔ na bɛte wɔ nrɛlɛbɛ edwɛkɛ ne mɔ a.

2 Edk 9:6

Saa mese kɛ alumua ne mendele la menliele menlile a, ɛnee mebɔ adalɛ; meradwu ɛke la yɛɛ melie meli a. Nɔhalɛ, mɔɔ bɛhanle bɛhilele me la ɛndwu mɔɔ medame meranwu ye me nye zo la foa ko bɔbɔ.

2 Edk 9:8

Ayɛlɛyelɛ ɛha Ɛdɛnkɛma wɔ Nyamenle ne kɛ yehulo wɔ na yemaa bɛva wɔ bɛzie Yizilayɛ belemgbunli ebia ne azo la. Kɛmɔ Ɛdɛnkɛma kulo Yizilayɛma na ɔkulo kɛ bɛtɛnla ɛkɛ dahuu la ati yɛɛ yemaa bɛva wɔ bɛzie belemgbunli a, amaa wɔava pɛlepɛlelilɛ wɔazie bɛ.”

Edwɛndolɛ Buluku ne 27:4

Debie ko yɛɛ mebiza ye Ɛdɛnkɛma ɛkɛ a, na yemɔ yɛɛ mebakpo ɔ bo zo a; kɛ menwɔdɛnla Ɛdɛnkɛma sua nu dahuu, wɔ mekɛ mɔɔ mede ngoane nu, kɛ menwɔnwu kɛ Ɛdɛnkɛma kɛnlɛma si de, na meabiza moalɛ wɔ ye Ɛzonlenlɛ Sua ne anu.

Mrɛlɛbulɛ Buluku ne 10:21

Sonlakpalɛ ɛdendɛlɛ maa menli dɔɔnwo nyia aleɛ di, na ahoasea wu, ɔluakɛ bɛnlɛ adwenle.

Mrɛlɛbulɛ Buluku ne 13:20

Sonla mɔɔ nee nrɛlɛbɛvolɛma tu la nwu nrɛlɛbɛ, na mɔɔ nee ahoasea tu la nwu ɔ nyunlu.

Mrɛlɛbulɛ Buluku ne 3:14

ɔluakɛ mɔɔ ɔbanyia ye nu la tɛla dwɛtɛ fufule yɛɛ nvasoɛ mɔɔ ɔbanyia la tɛla ezukoa nvutuke.

Mrɛlɛbulɛ Buluku ne 3:3

Mmamaa ɛ rɛle fi kɛ ɛkɛyɛ tieyɛ na ɛkɛli nɔhalɛ; kyekye bɛ mu nwiɔ kenda ɛ kɔme na fa sie wɔ ahonle nu.

Mrɛlɛbulɛ Buluku ne 8:34

Sonla mɔɔ tie me ne, mɔɔ dahuu gyi me nlenkɛ mgbole nloa, na ɔkendɛ me wɔ me anuhɔlɛ la bali fɛlɛko.

Edwɛkpa ne kɛmɔ Luku hɛlɛle la 11:28

Na Gyisɛse buale kɛ, “Bɔbɔ, nyilalɛ ɛha bɛdabɛ mɔɔ bɛtie Nyamenle edwɛkɛ ne na bɛdi zolɛ la!”

Mɛla 33:9

Bɛkpole bɛ ze mɔ nee bɛ nli mɔ, bɛzele bɛ kɛ bɛnze bɛ; bɛkpole mediema nee mralɛ, ɔluakɛ bɛlile wɔ mɛla zo, na bɛlile wɔ ngyekyeleɛ ne azo.