2 Edk 9:26 - BAEBOLO ANZƐƐ BULUKU NWUANZANWUANZA

²⁶ Ɔziele arelemgbunli kɔsɔɔti, ɔvi Azule Yufileti ne anloa wɔ Filisitiama azɛlɛ zo toonwo ɔhɔguale Yigyibiti ɛweɛne zo.

2 Edk 9:26 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:18

Na kenle ko ne Ɛdɛnkɛma nee Ebilam yɛle ngyekyeleɛ. Ɛdɛnkɛma zele Ebilam kɛ, “Meva azɛlɛ ɛhye memaa ɛ bo zo amra. Azɛlɛ ne vi Yigyibiti ɛweɛne zo kɔdwu Azukpole Yufileti ne anloa.

1 Arl 4:21

Sɔlɔmɔn ziele maanle ne kɔsɔɔti, ɛbɔ ye Azule Yufileti mɔɔ bagua Filisitiama azɛlɛ zo, ɔdwu Yigyibiti ɛweɛne zo amuala la rahotole Sɔlɔmɔn na bɛduale adwule mɔɔ fɛta la bɛmanle ye.

1 Arl 4:24

Ɛnee Sɔlɔmɔn sie Azule Yufileti adɔleɛ maanzinli ne mɔ amuala, ɛbɔ ye Tefesa mɔɔ kɔ Gaza, arelemgbunli mɔɔ wɔ Yufileti Adɔleɛ la amuala wɔ ɔ bo, yɛɛ ɔ nee maanle maanle mɔɔ nee ye bɔ ɛweɛne la anloa sɛ bɛ nwo.

1 Arl 5:1

Belemgbunli Helam mɔɔ vi Taya la agɔnwo kokye a le Devidi, yemɔti mekɛ mɔɔ ɔdele kɛ bɛva Sɔlɔmɔn bɛli ebia ne la, ɔzoanle ye sonvolɛma wɔ ɔ nwo ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:31

Mebagya bɛ ɛweɛne ne meavi Akaba Ebolo ne anu meahɔ Azule Yufileti ne anloa, na meava ye fienemgbole ne anu toonwo meahɔgua ye Mɛdetɛlenia Nyevile ne anloa. Mebamaa bɛali menli ne anwo zo konim na bɛavoa bɛ bɛavi azɛlɛ ne azo.

Daneɛle Buluku ne 7:14

Bɛmanle ye ebialilɛ tumi, anyunlunyia, yɛɛ enililɛ, amaa aleɛabo maanle maanle mɔɔ ka aneɛ ngakyile la azonle ye. Ye belemgbunlililɛ ne ɛnlɛ awieleɛ, ɔnrɛpɛ nu ɔnrɛze ɛlɛ yɛɛ awie ɛnrɛhola ye sɛkye.

Yekile 19:16

Wɔ ye tɛladeɛ ne anu nee ye ɛzɔlɛ nwo, bɛhɛlɛ duma ɛhye, “Arelemgbunli Belemgbunli yɛɛ awulae mɔ Awulae.”