2 Edk 9:25 - BAEBOLO ANZƐƐ BULUKU NWUANZANWUANZA

²⁵ Belemgbunli Sɔlɔmɔn ɛnee eza lɛ mgbɔnwɔ tunli apenle nna mɔɔ ɔsie mgbɔnwɔ nu a, ɔlɛ konle ehwili dɔɔnwo, yɛɛ menli mɔɔ ka mgbɔnwɔ la apenle ngoko bulu nee nwiɔ. Ɔvale bie mɔ ɔhɔle azuamgbole mɔɔ ye konle ehwili ne mɔ wɔ zolɛ la azo, yɛɛ bie mɔ noko wɔ ɔ nwo ɛkɛ ne wɔ Gyɛlusalɛm.

2 Edk 9:25 ပူးပေါင်းရင်းမြစ်များ

1 Arl 10:26

Sɔlɔmɔn ɛlɔnema lɛ konle ehwili apenle ko ɛya nna yɛɛ mgbɔnwɔ mɔɔ bɛtɛnla zolɛ bɛko la apenle ngoko bulu nee nwiɔ. Ɔvale bie mɔ ɔhɔle azuamgbole ne bie mɔ azo yɛɛ bie mɔ noko wɔ ɔ nwo ɛkɛ ne wɔ Gyɛlusalɛm.

1 Arl 4:26

Sɔlɔmɔn lɛ mgbɔnwɔ mɔɔ twe konle ehwili la apenle ngoko abulanla yɛɛ ɔlɛ mgbɔnwɔ mɔɔ ɔtɛnla zolɛ la apenle ngoko bulu nee nwiɔ.

2 Edk 1:14

Sɔlɔmɔn boɔboale konle ehwili nloa na ɔnyianle menli mɔɔ ka mgbɔnwɔ la; ɔnyianle konle ehwili apenle ko ɛya nna, yɛɛ menli mɔɔ ka mgbɔnwɔ la apenle ngoko bulu nee nwiɔ, na ɔyele bɛ ɔziele azuamgbole ne mɔ mɔɔ ɔwɔ kɛ bɛsie konle ehwili zolɛ la azo, yɛɛ eza bie woale belemgbunli ne anwo ɛkɛ ne wɔ Gyɛlusalɛm.

Mɛla 17:16

Belemgbunli ne, ɔnle kɛ ɔnyia mgbɔnwɔ dɔɔnwo. Ɔnle kɛ ɔfa adenle bie anu kɛ ɔmaa menli ne azia ahɔ Yigyibiti amaa bɛanyia mgbɔnwɔ dɔɔnwo, ɔluakɛ Ɛdɛnkɛma ɛze kɛ, ‘Bɛmmasia bɛ nzi bɛfa zɔhane adenle ne azo ɛlɛ kɛ bɛkɔ ɛkɛ.’