2 Edk 9:21 - BAEBOLO ANZƐƐ BULUKU NWUANZANWUANZA

²¹ Belemgbunli Sɔlɔmɔn lɛ ye meli mɔɔ nee Helam sonvolɛma kɔ Sepeen a. Ɛvolɛ nsa biala meli ne mɔ vi Sepeen ba. Bɛba a bɛfa ezukoa nvutuke, dwɛtɛ fufule, ɛzɛlɛ, motimo, yɛɛ ahomu bɛba.

2 Edk 9:21 ပူးပေါင်းရင်းမြစ်များ

1 Arl 10:22

Ɔlɛ meli dɔɔnwo wɔ Tahyehye nyevile zo mɔɔ nee Helam meli ne mɔ a kɔ gualilɛ a. Bɛkɔ a ɛvolɛ nsa biala bɛsia bɛ nee ezukoa nvutuke, dwɛtɛ fufule, ɛzɛlɛ, motimo yɛɛ ahomu ba sua nu.

1 Arl 22:48

Belemgbunli Gyɛhɔhyafate bobɔle gualilɛ meli mɔɔ kɔ Ofɛ kɛ bɛkakpondɛ ezukoa nvutuke bɛara, noko bɛandwu. Ɔboalekɛ meli ne mɔ nlomanle wɔ Ɛzeɔngibɛ.

2 Edk 8:18

Belemgbunli Helam manle ye sonvolɛma mɔɔ ze nyevile nye zo kpalɛ la vale meli rɛlɛle Sɔlɔmɔn. Bɛ nee Sɔlɔmɔn sonvolɛma vale meli hɔle Ofɛ, na bɛhɔnyianle ezukoa nvutuke mɔɔ bo kilo apenle ngoko bulu nee nnu la bɛrɛlɛle Sɔlɔmɔn.

2 Edk 9:20

Belemgbunli Sɔlɔmɔn dwora mɔɔ ɔno nu la amuala le ezukoa nvutuke, yɛɛ dwora mɔɔ wɔ sua ne mɔɔ bɛfɛlɛ ye Lɛbanɔn Kpɔkɛmile la anu la le ezukoa nvutuke tagyee. Sɔlɔmɔn mekɛ zo ɛnee bɛnva dwɛtɛ fufule bɛnyɛ ɛhwee.

Dwobu Buluku ne 39:13

“Soholo kola bɔ ɔ ndɛba anu kpalɛ kpalɛ; noko asoo bɛfa bɛto azuazuanloma nwo a ɔkɛyɛ boɛ ɔ?

Edwɛndolɛ Buluku ne 72:10

Maa Sepeen nee bɔra ne mɔ arelemgbunli ɛdua adwule ɛmaa ye, na Areleebea nee Yiteɔpea arelemgbunli ɛhyɛ ye ninyɛne.

Gyɛlɛmaya Buluku ne 10:9

Bɛva dwɛtɛ fufule mɔɔ vi Sepeen la bɛfɔle abaaba ne mɔ anwo, bɛva ezukoa nvutuke mɔɔ vi Ɛfaze la bɛfɔle nwo, bɛle dwinvolɛ asa anloa gyima. Bɛva arelemgbunli ɛdanlɛ anye buluwu nee kɔkɔlɛ yɛɛ akɔlɛ ɛnlome nee kɔkɔlɛ bɛheda bɛ; menli mɔɔ ze adwinli la a nwonle ɛdanlɛ ne a.

Yizikeɛle Buluku ne 27:12

“Wɔ ninyɛne ngɛnlɛma dɔɔnwo ne ati, Sepeenema nee wɔ lile gua na bɛvale bɛ dwɛtɛ fufule, bulalɛ, kyɛnze, yɛɛ sumi bɛmanle wɔ bɛliele ninyɛne.

Yizikeɛle Buluku ne 27:15

Menli mɔɔ wɔ Didan la nee wɔ lile gua; menli mɔɔ de ɛnweanloa la rɛlɛle wɔ ɛzɛlɛ nee mbaka ɛsesebɛ bie mɔɔ bɛfɛlɛ ye ɛbɔni la liele ninyɛne.

Dwona Buluku ne 1:3

Noko Dwona dwazole la ɔyɛle ye adwenle kɛ ɔnriandi Nyamenle yeahɔ Sepeen. Yemɔti ɔhɔle Dwɔpa na ɔnyianle meli bie mɔɔ ɛlɛkɔ Sepeen la. Ɔduale ye ɛlɛne kakɛ ne na ɔhɔvole meli ne anu kɛ ɔ nee menli mɔɔ wɔ meli ne anu la kɔ Sepeen, yeaye ɔ nwo wɔ Ɛdɛnkɛma anye zo.