2 Edk 9:20 - BAEBOLO ANZƐƐ BULUKU NWUANZANWUANZA

²⁰ Belemgbunli Sɔlɔmɔn dwora mɔɔ ɔno nu la amuala le ezukoa nvutuke, yɛɛ dwora mɔɔ wɔ sua ne mɔɔ bɛfɛlɛ ye Lɛbanɔn Kpɔkɛmile la anu la le ezukoa nvutuke tagyee. Sɔlɔmɔn mekɛ zo ɛnee bɛnva dwɛtɛ fufule bɛnyɛ ɛhwee.

2 Edk 9:20 ပူးပေါင်းရင်းမြစ်များ

1 Arl 10:21

Belemgbunli Sɔlɔmɔn dwora mɔɔ ɔno nuhua la amuala le ezukoa nvutuke ngome yɛɛ ahyɛnze nee nyɛba mɔɔ wɔ sua ne mɔɔ bɛfɛlɛ ye Lɛbanɔn Kpɔkɛmile la anu la amuala le ezukoa nvutuke tagyee. Mekɛ mɔɔ Sɔlɔmɔn di ye ebia ne la ɛnee awie ɛmbu dwɛtɛ fufule, yemɔti yeanva dwɛtɛ fufule yeanyɛ debie biala mɔɔ wɔ ye awuke ne anu la bie.

2 Edk 9:19

Awenade ananze bulu nee nwiɔ noko gyigyi kpolike ne mɔ azo, kpolike ko biala ati nee ɔ ti lɛ awenade nwiɔ. Belemgbunli ebia mɔɔ le zɛhae la bie ɛnle belemgbunli maanle biala anu.

2 Edk 9:21

Belemgbunli Sɔlɔmɔn lɛ ye meli mɔɔ nee Helam sonvolɛma kɔ Sepeen a. Ɛvolɛ nsa biala meli ne mɔ vi Sepeen ba. Bɛba a bɛfa ezukoa nvutuke, dwɛtɛ fufule, ɛzɛlɛ, motimo, yɛɛ ahomu bɛba.

2 Edk 9:27

Na Sɔlɔmɔn manle dwɛtɛ fufule bule yɛle kɛ awolɛ la wɔ Gyɛlusalɛm, yɛɛ sida mbaka bule kɛ Hyifɛla sikamɔ mbaka.

Ɛseta Buluku ne 1:7

Nza mɔɔ bɛnlonle la, bɛzule ye ezukoa nvutuke ahanrɛlɛ ngakyile nu, yɛɛ belemgbunli ne ɔdaye ye ahunlunyele nu ala ɔhwenle ye nwanye kpalɛ mɔɔ ɔlɛ la ɔvindele.

Ayezaya Buluku ne 2:22

Bɛhwe bɛ nwo bɛvi sonla mɔɔ ɛnwomenle ala a ɔdie la anwo. Duzu nvasoɛ a wɔ sonla nwo zo a?

Gyɛlɛmaya Buluku ne 31:5

Eza bɛbayɛ vanye egyinli wɔ Samɛlea awoka ne mɔ azo; menli mɔɔ balua ma ne la bali ye nzoleɛ ne bie.

Edwɛkpa ne kɛmɔ Mateyu hɛlɛle la 6:29

Noko meka meahile bɛ, Belemgbunli Sɔlɔmɔn bɔbɔ, wɔ ye anwonyia mekɛ ne anu, yeangeda ɛdanlɛ anzɛɛ bɛanziezie ye bɛandɛla aloa ɛhye mɔ anu ko.