2 Edk 9:2 - BAEBOLO ANZƐƐ BULUKU NWUANZANWUANZA

² Sɔlɔmɔn yeyele bɛ kɔsɔɔti anloa, ko bɔbɔ ɛnle ɛkɛ ne mɔɔ hyele ye ekyii a.

2 Edk 9:2 ပူးပေါင်းရင်းမြစ်များ

1 Arl 3:12

mebayɛ meamaa wɔ. Nea, memaa wɔ nrɛlɛbɛ kpole nee ndelebɛbo dɔɔnwo meadɛla awie biala mɔɔ bɛwo ye bɛdo azɛlɛ ye azo la anzɛɛ bɔ zo mɔɔ bɛbawo ye la.

1 Arl 4:29

Nyamenle manle Sɔlɔmɔn nrɛlɛbɛ nee ndelebɛbo mɔɔ anu pi tɛla awie biala ɛdeɛ ne la yɛɛ adwenle kpole kpalɛ mɔɔ awie ɛngola ɛnnwu ɔ nzi la.

2 Edk 9:1

Hyiba belemgbunli raalɛ ne dele duma kpole ne mɔɔ Sɔlɔmɔn ɛnyia ye la nganeɛ, yemɔti ɔrale Gyɛlusalɛm kɛ ɔbado Sɔlɔmɔn abɛla mgbole kpalɛ. Ɔvale menli dɔɔnwo ɔlile ɔ nzi, ɔvale afunlumu mɔɔ zozo ninyɛne evuanlɛ mɔɔ bɛfa bɛto aleɛ, ezukoa nvutuke dɔɔnwo kpalɛ, yɛɛ awolɛ mɔɔ sonle bolɛ la ɔrale. Ɔradole Sɔlɔmɔn la, ɔbizebizale ye edwɛkɛ dodo biala mɔɔ ɔdaye ɔkɛhola la.

2 Edk 9:3

Hyiba belemgbunli raalɛ ne nwunle Sɔlɔmɔn nrɛlɛbɛ ne na ɔnwunle ye belemgbunli awuke mɔɔ yebu la.

Mrɛlɛbulɛ Buluku ne 13:20

Sonla mɔɔ nee nrɛlɛbɛvolɛma tu la nwu nrɛlɛbɛ, na mɔɔ nee ahoasea tu la nwu ɔ nyunlu.

Mrɛlɛbulɛ Buluku ne 18:4

Sonla anloa edwɛkɛ le azule buma, yɛɛ nrɛlɛbɛ dɔɔnwo le kɛ azule mɔɔ ɛdukue la.

Edwɛkpa ne kɛmɔ Maake hɛlɛle la 4:11

Ɔbuale bɛ kɛ, “Bɛmɛ, Nyamenle ɛla ye belemgbunlililɛ ne anwo edwɛkɛ ne mɔɔ vea la ali wienyi ɛhile bɛ, na bɛdabɛ mɔɔ bɛmbikye me la, bɛte ye wɔ mrɛlɛ nu,

Edwɛkpa ne kɛmɔ Maake hɛlɛle la 4:34

Mrɛlɛ nu ngome a ɔdendɛle ɔhilele bɛ a, na saa ɔka ɔdaye nee ye ɛdoavolɛma ne mɔ angome a akee yeahilehile bɛ mrɛlɛ ne mɔ abo.

Dw 15:15

Menvɛlɛ bɛ sonvolɛma bieko, ɔboalekɛ sonvolɛ biala ɛnze mɔɔ ɔ menle ne ɛlɛyɛ la. Mefɛlɛ bɛ me gɔnwo mɔ, ɔboalekɛ mɔɔ mendele ye wɔ Egya ɛkɛ ne la meha ye kpokpoti mehile bɛ.

Kɔlɔ 2:3

Kelaese anu a Nyamenle nrɛlɛbɛ ne mɔɔ anwonyia ɛyi ye tɛkɛɛ nee adwenlenubukelɛ vea a.

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.

Gyemise Kɛlata ne 1:5

Saa bɛ nuhua bie hyia nrɛlɛbɛ a, ɔzɛlɛ Nyamenle na ɔkɛva ɔkɛmaa ye; ɔboalekɛ Nyamenle ati akunlu le kɛnlɛma na ɔyila bɛdabɛ mɔɔ bɛbiza ye debie la.