2 Edk 9:1 - BAEBOLO ANZƐƐ BULUKU NWUANZANWUANZA

¹ Hyiba belemgbunli raalɛ ne dele duma kpole ne mɔɔ Sɔlɔmɔn ɛnyia ye la nganeɛ, yemɔti ɔrale Gyɛlusalɛm kɛ ɔbado Sɔlɔmɔn abɛla mgbole kpalɛ. Ɔvale menli dɔɔnwo ɔlile ɔ nzi, ɔvale afunlumu mɔɔ zozo ninyɛne evuanlɛ mɔɔ bɛfa bɛto aleɛ, ezukoa nvutuke dɔɔnwo kpalɛ, yɛɛ awolɛ mɔɔ sonle bolɛ la ɔrale. Ɔradole Sɔlɔmɔn la, ɔbizebizale ye edwɛkɛ dodo biala mɔɔ ɔdaye ɔkɛhola la.

2 Edk 9:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:28

Ɔbale, Abemeeyɛle, Hyiba

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:7

Kɛhye abo zo amra a le menli mɔɔ wɔ Siba, Havelaa, Sabeta, Releeyamaa, yɛɛ Sabetika la. Releeyamaa abo zo amra a le menli mɔɔ wɔ Hyiba nee Didan la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 25:3

Dwɔkohyan wole Hyiba nee Didan. Didan amra a le Ahyulem, Lɛtuhyem, yɛɛ Lɛɛmem.

1 Arl 4:31

Ɔdɛlale menli kɔsɔɔti nrɛlɛbɛ; ɔnwunle nrɛlɛbɛ ɔdɛlale Ɛzela anlɔnra Yitan, Himan, Kalekɔlo nee Daada mɔɔ le Meeholo amra ne mɔ. Sɔlɔmɔn nganeɛ dwule maanle maanle mɔɔ zuozua ye la kɔsɔɔti anu.

2 Edk 1:1

Devidi ara Sɔlɔmɔn agyakɛ dwule aze na ɔ sa yiale ye belemgbunli maanle ne. Ɛdɛnkɛma ye Nyamenle ne nee ye luale na ɔmanle ɔyɛle sonlakpole.

2 Edk 1:12

meva nrɛlɛbɛ nee ndelebɛbo ne memaa wɔ. Mebamaa wɔ anwonyia nee agyadeɛ, na eza wɔanyia duma kpole mɔɔ arelemgbunli mɔɔ li ɛ nyunlu nee mɔɔ bavinde ɛ nzi la ɛnrɛnyia bie ɛlɛ a.”

2 Edk 9:2

Sɔlɔmɔn yeyele bɛ kɔsɔɔti anloa, ko bɔbɔ ɛnle ɛkɛ ne mɔɔ hyele ye ekyii a.

2 Edk 9:9

Akee ɔhyɛle Belemgbunli Sɔlɔmɔn ninyɛne: ezukoa nvutuke mɔɔ bo tone nu kilo apenle nna yɛɛ ninyɛne evuanlɛ mɔɔ bɛfa bɛto aleɛ la dɔɔnwo nee awolɛ mɔɔ sonle bolɛ la. Hyiba belemgbunli raalɛ ne ninyɛne evuanlɛ mɔɔ ɔvale ɔrahyɛle Sɔlɔmɔn la bo ahyɛlɛdeɛ biala mɔɔ sumunli kɛ ɔralile ebia ne la bɛva bɛhyɛ ye la azo.

Edwɛndolɛ Buluku ne 142:2

Meye me edwɛkɛ kɔsɔɔti meto ɔ nyunlu; meka me amaneɛnwunlɛ mekile ye.

Edwɛndolɛ Buluku ne 49:4

Mebagyele me nzo meadie ɛrɛlɛ, mebabɔ getaa kpole meaye me agyebɛ nloa.

Edwɛndolɛ Buluku ne 72:10

Maa Sepeen nee bɔra ne mɔ arelemgbunli ɛdua adwule ɛmaa ye, na Areleebea nee Yiteɔpea arelemgbunli ɛhyɛ ye ninyɛne.

Edwɛndolɛ Buluku ne 72:15

Belemgbunli ɛnyi ɛhyɛ! Maa bɛva Areleebea ezukoa nvutuke bɛrɛlɛ ye. Maa bɛyɛ nzɛlɛlɛ bɛmaa belemgbunli ne, na bɛzɛlɛ nyilalɛ bɛmaa ye dahuu.

Edwɛndolɛ Buluku ne 78:2

Mebabuke me nloa meava mrɛlɛbulɛ meaha bɛ mɔmoane awozinli nu edwɛkɛ,

Mrɛlɛbulɛ Buluku ne 1:6

na yeade ɛrɛlɛbulɛ nee edwɛkɛndonwo, nrɛlɛbɛvolɛma edwɛkɛ nee bɛ abɛladolɛ ne mɔ abo.

Ayezaya Buluku ne 60:6

Bɛ maanle nu bayɛ afunlumu dɔɔnwo, Afunlumu ndonrandonra mɔɔ vi Medean nee Yifa; Dɔɔnwo noko vi Hyiba bara. Bɛbava ezukoa nvutuke nee ɛyɛlɛ evuanlɛ bɛara, Na bɛbabɔ Ɛdɛnkɛma ayɛlɛyelɛ ne nolo.

Edwɛkpa ne kɛmɔ Mateyu hɛlɛle la 12:34

Bɛmɛ ɛkyelebenle mralɛ! Bɛnle kpalɛ la ati bɛngola bɛnga edwɛkɛ kpalɛ. Ɔluakɛ mɔɔ ɛyi ɛbulu zo wɔ bɛ ahonle ne mɔ anu la a finde bɛ nloa a.

Edwɛkpa ne kɛmɔ Mateyu hɛlɛle la 12:42

Ndɛnebualɛ Kenle ne, Hyiba maanle nu belemgbunli raalɛ ne badwazo adoa bɛmɛ adwuleso amra, ɔboalekɛ ɔvi ye maanle nu wɔ nyiakɛ nehane ɔdiale dedee ɔradiele nrɛlɛbɛ ngilehilelɛ ɔvile Belemgbunli Sɔlɔmɔn ɛkɛ; noko meka meahile bɛ, awie mɔɔ le kpole tɛla Sɔlɔmɔn la wɔ ɛke!

Edwɛkpa ne kɛmɔ Mateyu hɛlɛle la 13:11

Gyisɛse buale kɛ, “Anwuma Belemgbunlililɛ ne anwo edwɛkɛ ne mɔɔ vea la, bɛmɛ yɛɛ bɛmaa bɛ nwolɛ adenle kɛ bɛde ɔ bo a, na ɔnle zɔhane ɔmmaa menli mɔɔ ɛha la.

Edwɛkpa ne kɛmɔ Mateyu hɛlɛle la 13:35

Ɔyɛle ye zɔhane amaa mɔɔ Nyamenle kpɔmanvolɛ ne hanle la ayɛ nɔhalɛ kɛ, “Mebadendɛ meahile bɛ wɔ mrɛlɛ nu. Mebaha ninyɛne mɔɔ sumunli kɛ aleɛ ye bɔle ɔ bo la bɛtɛtele bie la anwo edwɛkɛ meahile bɛ.”

Edwɛkpa ne kɛmɔ Mateyu hɛlɛle la 2:11

Bɛwolole sua ne anu na bɛnwunle kakula ne nee ɔ nli Mɛle, na bɛbutule bɛzonlenle ye. Akee bɛzianyinli bɛ awɔlɛ ne mɔ anu na bɛhyɛle ye ezukoa nvutuke, ɛyɛlɛ, yɛɛ alufuanlɛ.

Edwɛkpa ne kɛmɔ Luku hɛlɛle la 11:31

Ndɛnebualɛ Kenle ne Hyiba maanle nu Belemgbunli Raalɛ ne badwazo adoɔdoa adwuleso amra, ɔboalekɛ ɔvi ye maanle nu moa moa lɔ ɔdiale asɛɛ azɛlɛ ye foa ko na ɔradiele Sɔlɔmɔn nrɛlɛbɛ ngilehilelɛ ne; noko meka meahile bɛ, awie mɔɔ le kpole tɛla Sɔlɔmɔn la wɔ ɛke.

1 Sam 1:15

Hana zele ye kɛ, “Me menle, mele raalɛ mɔɔ me adwenle ɛha ɛbɔ nu a. Metɛnonle nwanye anzɛɛ nza ɛsesebɛ biala; me nyane edwɛkɛ a melɛka meahile Ɛdɛnkɛma a.