2 Edk 8:6 - BAEBOLO ANZƐƐ BULUKU NWUANZANWUANZA

⁶ Ɔkyekyele Beeyalate nee azuamgbole mɔɔ ɔdaye Sɔlɔmɔn ɔfa ye ninyɛne ɔkɔsiezie zolɛ, azuamgbole mɔɔ ɔfa ye konle ehwili ɔkɔsiezie zolɛ, azuamgbole mɔɔ menli mɔɔ ka konle ehwili la wɔ zolɛ, yɛɛ azuamgbole mɔɔ menli mɔɔ ka mgbɔnwɔ la wɔ zolɛ la. Akee ɔyɛle debie biala mɔɔ ɔhulole kɛ ɔkɛyɛ wɔ Gyɛlusalɛm, Lɛbanɔn, yɛɛ ye maanle ne anu ɛleka biala la.

2 Edk 8:6 ပူးပေါင်းရင်းမြစ်များ

1 Arl 10:26

Sɔlɔmɔn ɛlɔnema lɛ konle ehwili apenle ko ɛya nna yɛɛ mgbɔnwɔ mɔɔ bɛtɛnla zolɛ bɛko la apenle ngoko bulu nee nwiɔ. Ɔvale bie mɔ ɔhɔle azuamgbole ne bie mɔ azo yɛɛ bie mɔ noko wɔ ɔ nwo ɛkɛ ne wɔ Gyɛlusalɛm.

1 Arl 7:2

Bɛfɛlɛ sua ne “Lɛbanɔn Kpɔkɛmile.” Ye asalo ne tendenle le mita abulanla nee nna, ye tɛtɛlɛ le mita abulanwiɔ nee nwiɔ, yɛɛ ye anwumahɔlɛ le mita bulu nee nsa nee foa ko. Bɛvale sida mbaka bɛsisile mpila ɛhonlone nsa bɛsosɔle sua ne. Ɛhonlone ko biala le mpila bulu nee nnu.

1 Arl 9:1

Belemgbunli Sɔlɔmɔn wiele Ɛdɛnkɛma sua ne si, ɔwiele ɔdaye ye awuke ne bu nee debie biala mɔɔ ɔkulo kɛ ɔyɛ la yɛ bɔkɔɔ la,

2 Edk 1:14

Sɔlɔmɔn boɔboale konle ehwili nloa na ɔnyianle menli mɔɔ ka mgbɔnwɔ la; ɔnyianle konle ehwili apenle ko ɛya nna, yɛɛ menli mɔɔ ka mgbɔnwɔ la apenle ngoko bulu nee nwiɔ, na ɔyele bɛ ɔziele azuamgbole ne mɔ mɔɔ ɔwɔ kɛ bɛsie konle ehwili zolɛ la azo, yɛɛ eza bie woale belemgbunli ne anwo ɛkɛ ne wɔ Gyɛlusalɛm.

2 Edk 17:12

Na Gyɛhɔhyafate hɔle zo yɛle kpole, ye tumi yɛle kpole. Ɔsisile aranemgbole wɔ Dwuda amuala, ɔkyekyele azuamgbole mɔɔ bɛfa konle ninyɛne bɛsiezie zolɛ la,

2 Edk 8:4

Ɔkyekyele Palemela (Tademɔ) wɔ fienemgbole ne anu, yɛɛ ɔkyekyele azuamgbole mɔɔ bɛfa ninyɛne bɛkɔsiezie zolɛ la wɔ Heemate maanle ne anu.

2 Edk 8:5

Ɔkyekyele Sɔlɔ Bɛte Hɔlɔn nee Aleze Bɛte Hɔlɔn (ɔliele biala anwo bane na ɔvale mbulalɛ ɔguguale bɛ nlenkɛ mgbole ne mɔ anzi).

2 Edk 8:7

Hɛtema mɔɔ hale maanle ne anu, Amɔlema, Pɛlɛzema, Haevaema nee Gyibɛsema mɔɔ hale, mɔɔ Yizilayɛma angu bɛ la nee bɛ bo zo amra kɔsɔɔti, Sɔlɔmɔn manle bɛyɛle gyima kɛ bɛle ahanra, yɛɛ zɔhane ala a ɛnɛ nee ɛnɛ bɛtɛyɛ a.

Nolo 2:4

Menyɛle ninyɛne mgbole; mensisile azua na menzonle me ti anwo vanye egyinli.

Sɔlɔmɔn Edwɛne 4:8

Fi Lɛbanɔn awoka ne mɔ azo maa yɛhɔ, me atɔfolɛ raalɛ; fi Lɛbanɔn maa yɛhɔ. Ɛvi Ameena Boka ne azo dwu aze, fi Sinɛ Boka nee Hɛmɔn Boka, ɛleka mɔɔ awenade nee boboduma ngome ɛva ɛyɛ bɛ ɛdeɛ la.

Dwɔhyua Buluku ne 19:44

Ɛletɛki, Gebɛtɔn, Beeyalate,