2 Edk 8:18 - BAEBOLO ANZƐƐ BULUKU NWUANZANWUANZA

¹⁸ Belemgbunli Helam manle ye sonvolɛma mɔɔ ze nyevile nye zo kpalɛ la vale meli rɛlɛle Sɔlɔmɔn. Bɛ nee Sɔlɔmɔn sonvolɛma vale meli hɔle Ofɛ, na bɛhɔnyianle ezukoa nvutuke mɔɔ bo kilo apenle ngoko bulu nee nnu la bɛrɛlɛle Sɔlɔmɔn.

2 Edk 8:18 ပူးပေါင်းရင်းမြစ်များ

1 Arl 10:22

Ɔlɛ meli dɔɔnwo wɔ Tahyehye nyevile zo mɔɔ nee Helam meli ne mɔ a kɔ gualilɛ a. Bɛkɔ a ɛvolɛ nsa biala bɛsia bɛ nee ezukoa nvutuke, dwɛtɛ fufule, ɛzɛlɛ, motimo yɛɛ ahomu ba sua nu.

2 Edk 9:10

(Yeanga ɛhye mɔ angome, Belemgbunli Helam sonvolɛma ne nee Belemgbunli Sɔlɔmɔn sonvolɛma ne mɔ mɔɔ nee ezukoa nvutuke vi Ofɛ rale la vale dwunepa mbaka dɔɔnwo nee awolɛ mɔɔ sonle bolɛ la dɔɔnwo rale.

2 Edk 9:13

Ɛvolɛ biala Belemgbunli Sɔlɔmɔn asa ka ezukoa nvutuke tone nu kilo apenle ngoko abulanwiɔ nee nsa,

2 Edk 9:21

Belemgbunli Sɔlɔmɔn lɛ ye meli mɔɔ nee Helam sonvolɛma kɔ Sepeen a. Ɛvolɛ nsa biala meli ne mɔ vi Sepeen ba. Bɛba a bɛfa ezukoa nvutuke, dwɛtɛ fufule, ɛzɛlɛ, motimo, yɛɛ ahomu bɛba.

Nolo 2:8

Memboɔboale dwɛtɛ fufule nee ezukoa nvutuke yɛɛ arelemgbunli nee maanzinli maanzinli gyadeɛ nloa. Menyianle mrenya nee mraalɛ edwɛndolɛma, yɛɛ debie mɔɔ sonla nrenya anye die nwo la, mgbɔnla dɔɔnwo.