2 Edk 8:14 - BAEBOLO ANZƐƐ BULUKU NWUANZANWUANZA

¹⁴ Kɛmɔ ɔ ze Devidi hyehyɛle la, Sɔlɔmɔn hyɛle sɛlɛvolɛma gyima ne manle bɛ. Eza ɔhyɛle Livaema ne mɔ mɔɔ bado ayɛlɛyelɛ edwɛne aboa sɛlɛvolɛma ne la gyima ne ɔmanle bɛ, kɛmɔ kenle ko biala gyima ne si de la. Ɔhyɛle nlenkɛ mgbole sinzavolɛma ɔmanle ekpunli ko biala nwunle nlenkɛ mgbole mɔɔ bɛbazinza la, kɛmɔ Nyamenle sonla Devidi hyehyɛle dole ɛkɛ ne la.

2 Edk 8:14 ပူးပေါင်းရင်းမြစ်များ

2 Sam 23:2

Ɛdɛnkɛma Sunsum ne dua me nwo zo tendɛ; ye edwɛkɛ ne dua me nloa.

1 Arl 13:1

Mekɛ ne anu ɛnee Ɛdɛnkɛma ɛva ɔ nloa edwɛkɛ ɛzoa Dwuda Nyamenle kpɔmanvolɛ ko wɔ Bɛtɛle. Ɔhɔdwule ɛkɛ ne wɔ mekɛ mɔɔ ɛnee Gyɛlɔbowam gyi azukponle ne anwo ɛlɛkpu ɛyɛlɛ la.

1 Edk 16:37

Belemgbunli Devidi akee yele Esafe nee ɔ gɔnwo mɔ Livaema ne ziele ɛkɛ ne kɛ bɛmɛ a ɛzonlenlɛ biala mɔɔ bɛyɛ ye wɔ Ndanlɛ Sua ne mɔɔ Ngyekyeleɛ Ɛlɛka ne gyi nu la anu la wɔ bɛ sa nu a. Ɔwɔ kɛ bɛyɛ bɛ gyima ne alehyenlɛ biala.

1 Edk 16:42

Himan nee Gyɛdutɛn a aweɛne ndendenle ne nee sɔnwosɔnwo ne mɔ nee ninyɛne mɔɔ ɛha mɔɔ bɛbɔ wɔ mekɛ mɔɔ bɛlɛto ayɛlɛyelɛ edwɛne la wɔ bɛ sa nu a. Gyɛdutɛn abusua nu amra yɛɛ nlankɛ ɛzinzalɛ gyima ne wɔ bɛ sa nu a.

1 Edk 23:1

Devidi akee yɛle ɛrelera nwosonwoso, na ɔvale ɔ ra Sɔlɔmɔn ɔziele Yizilayɛ belemgbunli.

1 Edk 24:1

Aalɔn abo zo amra ne a le ɛhye mɔ. Aalɔn wole mrenya nna: Needabe, Abaehu, Ɛlieza, yɛɛ Yetamaa.

1 Edk 24:3

Belemgbunli Devidi hyɛle Aalɔn abo zo amra ne anu ekpunli ekpunli na ɔmanle ko biala gyima. Ɛlieza abo zo sonla bie mɔɔ bɛfɛlɛ ye Zeedɔko, yɛɛ Yetamaa abo zo sonla bie mɔɔ bɛfɛlɛ ye Ahemɛlɛke la a boale Devidi manle ɔyɛle ngyehyɛlɛ ne a.

1 Edk 25:1

Belemgbunli Devidi nee Livae mbusua mgbanyinli eza nleanle yele Livae mbusua ɛhye mɔ kɛ bɛdo edwɛne wɔ ɛzonlenlɛ biala anu. Bɛmɛ a le Esafe, Himan, yɛɛ Gyɛdutɛn. Bɛ gyima a le kɛ, ɔwɔ kɛ bɛfa Nyamenle nrɛlaleɛ ne bɛto gua, na bɛto edwɛne bɛbɔ agole. Menli mɔɔ bɛyele bɛ kɛ bɛli ɛzonlenlɛ ne ati nee gyima holɛ ko mɔɔ bɛbayɛ la ɛne.

1 Edk 26:1

Livaema mɔɔ bɛyele bɛ kɛ bɛyɛ Ɛzonlenlɛ Sua ne sinzavolɛma la dodo ɛne. Wɔ Kɔla abusua nu, bɛyele Mɛhyɛlɛmaya. Kɔli mɔɔ vi Esafe sua nu la ara ɔ.

1 Edk 28:19

Belemgbunli Devidi zele kɛ, “Bɛhɛlɛ ɛhye mɔ amuala wɔ ngɛlata zo, kɛmɔ Ɛdɛnkɛma mumua ne zele me kɛ menyɛ la.”

1 Edk 9:17

Ɛzonlenlɛ Sua ne sinzavolɛma ɛhye mɔ nee bɛ nwo amra dɛnlanle Gyɛlusalɛm: Hyalɛm, Akɛbe, Talemɔn, yɛɛ Ahaeman. Bɛ kpanyinli a le Hyalɛm.

1 Edk 9:24

Ɛzonlenlɛ Sua ne lɛ anuhɔlɛ kpole ko wɔ ye tɛba nu ko biala: sɔlɔ, nyiakɛ, aduduleɛ, yɛɛ adɔleɛ.

2 Edk 23:19

Ɔmanle sinzavolɛma gyinlegyinlanle Ɛzonlenlɛ Sua ne nlenkɛ mgbole ne mɔ anloa, amaa awie mɔɔ anwo ɛnde la anwolo Ɛzonlenlɛ Sua ne anu.

2 Edk 23:4

Debie mɔɔ ɔwɔ kɛ bɛyɛ la a le kɛ, sɛlɛvolɛma nee Livaema mɔɔ bara gyima Ɛnwomenlelielɛ Kenle ne la bahyɛ bɛ nwo nu nsa. Ekpunli ko bazinza Ɛzonlenlɛ Sua ne nlenkɛ mgbole ne mɔ,

2 Edk 29:25

Akee ɔvale Livaema ne ɔziele bɛ bo zo ne wɔ Ɛdɛnkɛma Ɛzonlenlɛ Sua ne anu na ɔmanle bɛ sɔnwosɔnwo, yɛɛ getaa mgbole nee ngyikyi, kɛmɔ Belemgbunli Devidi, Gaade mɔɔ ka Nyamenle nrɛlaleɛ ne kile Devidi, nee Nyamenle kpɔmanvolɛ Neetan hyehyɛle dole ɛkɛ ne la, ɔluakɛ Ɛdɛnkɛma yɛɛ luale ye kpɔmanvolɛma anwo zo hyehyɛle a.

2 Edk 31:2

Belemgbunli Hɛzikaya ziale hyɛle sɛlɛvolɛma nee Livaema anu ekpunli ekpunli, yɛɛ ekpunli ko biala nee ye gyima. Bɛmɛ a le sɛlɛvolɛma nee Livaema mɔɔ nea ɛyelalɛ nee anzonudwolɛ azubɔlɛ ninyɛne zo, bɛdabɛ mɔɔ bɛsinza Ɛzonlenlɛ Sua ne nlenkɛ mgbole ne mɔ, yɛɛ bɛdabɛ mɔɔ bɛyɛ Nyamenle mo bɛaye ye ayɛlɛ la.

2 Edk 35:10

Mekɛ dwule kɛ akee bɛbɔ ɛvoyialilɛ ne nzɛlɛlɛ bo la, sɛlɛvolɛma ne hɔgyinlanle bɛ bo zo ne, yɛɛ Livaema ne noko hɔle bɛ ekpunli ekpunli ne mɔ anu, kɛmɔ belemgbunli ne zele bɛ la.

2 Edk 35:15

Esafe abo zo amra ne noko ɛnee anye ɛbolo ɛlɛto edwɛne, kɛmɔ Belemgbunli Devidi, Esafe, Himan, nee Nyamenle kpɔmanvolɛ Gyɛdutɛn hyehyɛle dole ɛkɛ ne la. Nlenkɛ sinzavolɛma ne noko anvi bɛ bo zo ne mɔ, ɔluakɛ bɛ mediema Livaema ne vale bɛ afoa nu ɛdeɛ rɛlɛle bɛ.

2 Edk 35:4

Bɛboɔboa bɛ nloa wɔ bɛ ekpunli ekpunli ne mɔ anu, kɛmɔ bɛ ze mɔ mbusua ne mɔ de la, na bɛyɛ bɛ gyima ne, kɛmɔ Yizilayɛ Belemgbunli Devidi nee ɔ ra Sɔlɔmɔn hyehyɛle dole ɛkɛ ne la.

2 Edk 5:11

Sɛlɛvolɛma mɔɔ rale la amuala dule bɛ nwo manle Ɛdɛnkɛma, bɛandwenle bɛ ekpunli ngakyile ne mɔ anwo. Akee Livae edwɛndolɛma mɔɔ le Esafe, Himan, nee Gyɛdutɛn, nee bɛ mbusuafoɔ ne mɔ amuala wulowulale adɛladeɛ fufule. Edwɛndolɛma ɛhye mɔ gyinlanle azukponle ne aduduleɛ afoa nu, bɛdedɛ sɔnwosɔnwo nee getaa, yɛɛ sɛlɛvolɛma ɛya ko abulanwiɔ ɛlɛbɔ aweɛne ndendenle. Aweɛnebɔlɛ ne, sɔnwosɔnwobɔlɛ ne, nee ninyɛne mɔɔ ɛha la nee edwɛndolɛ ne kɔ zolɛ pɛpɛ, na bɛyele Ɛdɛnkɛma ayɛlɛ kɛ, “Bɛye Ɛdɛnkɛma ayɛlɛ, ɔboalekɛ ɔle kpalɛ, yɛɛ ye ɛhulolɛ ɛmbɔ aze ɛlɛ.” Mɔɔ sɛlɛvolɛma ne vi Ɛzonlenlɛ Sua ne anu ɛlɛfinde la, arɛlevilɛ nu ala, amungu nwohyee rayile sua ne na ɔmanle Ɛdɛnkɛma anyunlunyia dale hilele kɛ Ɛdɛnkɛma wɔ ɛkɛ. Na sɛlɛvolɛma ne angola bɛ gyima ne di bieko.

2 Edk 8:15

Bɛangakyi debie biala mɔɔ Belemgbunli Devidi hyehyɛle mɔɔ fane sɛlɛvolɛma nee Livaema ne mɔ anwo la, yɛɛ bɛangakyi debie biala mɔɔ fane gya nwo ngyehyɛlɛ ne mɔ anwo la. Bɛyɛle debie biala pɛpɛ.

Ɛzela Buluku ne 6:18

Akee bɛhyɛle sɛlɛvolɛma gyima ne bɛmanle bɛ. Bɛhyɛle bɛ nu ekpunli ekpunli. Bɛyɛle Livaema noko zɔhane ala, kɛmɔ bɛhɛlɛ ye wɔ Mosisi buluku ne anu mɔɔ fane Nyamenle ɛzonlenlɛ gyima ne mɔɔ wɔ Gyɛlusalɛm la anwo la.

Nihɛmaya Buluku ne 12:24

Livae mgbanyinli ɛhye mɔ: Hahyabaya, Hyɛlibaya, Gyɛhyua, Benuwae, yɛɛ Kademeɛle a nleanle manle bɛhyɛle Livaema anu ekpunli ekpunli a. Mekɛ ko biala ekpunli nwiɔ to ayɛlɛyelɛ nee moyɛlɛ edwɛne maa Nyamenle, kɛmɔ Nyamenle sonla Belemgbunli Devidi hyehyɛle la.

Nihɛmaya Buluku ne 12:25

Ɛzonlenlɛ Sua ne sinzavolɛma ɛhye mɔ a zinzale azua mɔɔ wɔ Ɛzonlenlɛ Sua ne nlenkɛ mgbole ne mɔ anloa mɔɔ bɛfa ninyɛne bɛsiezie nuhua la a: Matanaya, Bakebukaya, Obadaya, Mɛhyɛlam, Talemɔn, yɛɛ Akɛbe.

Nihɛmaya Buluku ne 12:36

Akee mbusuafoɔ mɔɔ hale la doale zolɛ. Bɛmɛ a le Hyɛmaya, Azali, Melalae, Gelalae, Meeyae, Nɛtanile, Dwuda, yɛɛ Haneenae. Ɛhye mɔ ko biala lɛ agolebɔlɛ ninyɛne mɔɔ le kɛ mɔɔ ɛnee Nyamenle sonla Belemgbunli Devidi bɔ la bie. Mɛla kilehilevolɛ Ɛzela a lile ekpunli ɛhye ati a.

Edwɛkpa ne kɛmɔ Luku hɛlɛle la 1:5

Mekɛ mɔɔ Hɛlɔdo di belemgbunli wɔ Dwudiya maanle ne anu la, ɛnee sɛlɛvolɛ bie wɔ ɛkɛ, bɛfɛlɛ ye Zɛkalaya. Sɛlɛvolɛ ɛhye vi Abaegya sɛlɛvolɛma ekpunli ne anu. Bɛfɛlɛ ɔ ye Ɛlezabɛte. Ɔdaye noko ɔvi Sɛlɛvolɛ Kpanyinli ne mɔɔ lumua, mɔɔ bɛfɛlɛ ye Aalɔn la abusua nu.

Edwɛkpa ne kɛmɔ Luku hɛlɛle la 1:8

Kenle ko bie, ɛnee Zɛkalaya sɛlɛvolɛ ekpunli ne a yɛ gyima a, na eza yedwu Zɛkalaya anwo zo wɔ bɛ dahudahu ɛzonlenlɛ gyima ne anu, na ɔlɛyɛ ye sɛlɛvolɛ gyima ne wɔ Nyamenle anyunlu.

Ɛzoanvolɛma Gyima ne 13:22

Mɔɔ Nyamenle yele ye ɛkɛ ne la, ɔyɛle Devidi bɛ belemgbunli. Na Nyamenle hanle ɔ nwo edwɛkɛ kɛ, ‘Menwu Gyɛsi ara Devidi kɛ yemɔ a ɔle sonla mɔɔ sɔ me nye a, na yemɔ a ɔbali gyima mɔɔ mekpondɛ la amuala a.’

Ɛzoanvolɛma Gyima ne 13:36

Devidi zonlenle ye Nyamenle wɔ ye mekɛ zo na ɔwule, bɛziele ye wɔ ɔ nlenya mɔ avinli, na ɔkpɔlɔle.

Mɛla 33:1

Nyilalɛ mɔɔ Nyamenle sonla Mosisi zɛlɛle manle Yizilayɛma kolaa na yeawu la ɛne: