2 Edk 8:13 - BAEBOLO ANZƐƐ BULUKU NWUANZANWUANZA

¹³ Ɔbɔle ɛyelalɛ azu ne kɛmɔ Mosisi Mɛla ne kile kɛ bɛyɛ ye kenle ko biala la: Ɛnwomenlelielɛ Kenle ne, Siane Fofolɛ Ɛvoyia ne nee ɛvoyia nsa ne, Angye Ɛvoyia ne, Bɛyɔba Ɛvoyia ne, yɛɛ Kpɔda Bo Ɛdɛnlanlɛ Ɛvoyia ne.

2 Edk 8:13 ပူးပေါင်းရင်းမြစ်များ

1 Arl 9:25

Ɛvolɛ biala Sɔlɔmɔn ku nane yela bɛ bɔ azu na ɔbɔ anzonudwolɛ azu fane nsa ɔmaa Ɛdɛnkɛma wɔ ye azukponle ne mɔɔ yezi la azo. Eza ɔyelale ɛyɛlɛ noko ɔmanle Ɛdɛnkɛma. Ɛnee kɛ Sɔlɔmɔn zile yɛle sua ne anwo gyima dwulale la ɛne.

2 Edk 2:3

Akee Sɔlɔmɔn vale nrɛlaleɛ hɔmanle Taya Belemgbunli Helam kɛ, “Kɛmɔ ɛ nee me ze Devidi bɛzile bɛyɛle mɔɔ ɛmanle bɛpɛle sida mbaka bɛrɛlɛle ye bɛmanle ɔzile ye sua ɔdɛnlanle nu la, ɛ nee medame noko ɛyɛ ye zɔhane ala.

Nihɛmaya Buluku ne 8:17

Bɛ kɔsɔɔti mɔɔ bɛvi nlɔnu bɛrale la sisile kpɔda dɛnlanle ɔ bo. Ɔvi Nɛn ara Dwɔhyua mekɛ zo toonwo mɔɔ radwule mekɛ zɔhane la, bɔ zo mɔɔ bɛyɛ ɛhye bie ɔ. Yemɔti awie biala anwo zandele ye na ɔ nye liele.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:22

“Saa bɛbɔ ɔ bo kɛ bɛte hwiiti a, bɛli Bɛyɔba Ɛvoyia ne, yɛɛ saa ɛvolɛ awieleɛ ma nloa ɛboɔboalɛ ne wie a, bɛli Kpɔda Bo Ɛdɛnlanlɛ Ɛvoyia ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:23

“Ɛvolɛ biala bɛ mrenya ne mɔ kɔsɔɔti ɛrazonle medame Ɛdɛnkɛma Nyamenle, Yizilayɛ Nyamenle ne fane nsa.

Yizikeɛle Buluku ne 45:17

Ɔle belemgbunli ne gyima kɛ ɔwɔ kɛ ɔfa ɛyelalɛ azubɔdeɛ ne mɔ, ma azubɔdeɛ ne mɔ nee nza azubɔdeɛ ne mɔ ɔmaa, wɔ ɛvoyia ne mɔ ɛlilɛ nu. Ɛvoyia ne mɔ a le Siane fofolɛ nee Ɛnwomenlelielɛ Kenle ne mɔ, nee ɛvoyia mɔɔ ɛha mɔɔ Yizilayɛma di la. Ɔwɔ kɛ ɔfa ɛtane azubɔdeɛ ne mɔ, ma azubɔdeɛ ne mɔ, ɛyelalɛ azubɔdeɛ ne mɔ nee anzonudwolɛ azubɔdeɛ ne mɔ ɔmaa na bɛfa bɛyɛ Yizilayɛma ati mgbɔdalɛ nzɛlɛlɛ.”

Mɛla 16:16

“Ɔwɔ kɛ mrenya mɔɔ wɔ maanle ne anu la amuala yia nuhua fane nsa wɔ Ɛdɛnkɛma bɛ Nyamenle ne anyunlu, wɔ ɛleka ne mɔɔ ɔkɛhile la. Ayia fane nsa ne a le Angye (Akpabɛnwo) Ɛvoyia ne, Bɛyɔba Ɛvoyia ne, yɛɛ Kpɔda Bo Ɛdɛnlanlɛ Ɛvoyia ne. Bɛlɛba biala a ɔnle kɛ bɛdɛ bɛ sa mgbane bɛba.