2 Edk 8:11 - BAEBOLO ANZƐƐ BULUKU NWUANZANWUANZA

¹¹ Sɔlɔmɔn vale Yigyibiti belemgbunli ne ara raalɛ ne mɔɔ ɛnee yegya ye la rale Devidi suakpole zo wɔ sua ne mɔɔ yezi yemaa ye la anu. Ɔzele kɛ, “Ɔnle kɛ me ye tɛnla awuke ne mɔɔ Yizilayɛ Belemgbunli Devidi ɛbu la anu, ɔluakɛ ɛleka biala mɔɔ Ɛdɛnkɛma Ngyekyeleɛ Ɛlɛka ne ɛhɔ ɛlɛ la le nwuanzanwuanza.”

2 Edk 8:11 ပူးပေါင်းရင်းမြစ်များ

1 Arl 3:1

Sɔlɔmɔn gyale Yigyibiti belemgbunli ne ara raalɛ na ɔlua zolɛ ɔ nee Yigyibiti belemgbunli yɛle ko. Ɔvale ɔ ye ɔrale Devidi suakpole zo ɔhɔkpulale mekɛ mɔɔ ɔwiele ye belemgbunli awuke ne bu, ɔzile Ɛdɛnkɛma Ɛzonlenlɛ Sua ne na bɛliele bane bɛbɔle Gyɛlusalɛm suakpole ne anwo bɛyiale la.

1 Arl 7:8

Sɔlɔmɔn sua ne mɔɔ ɔdaye mumua ne ɔbala nuhua na ɔgyi Ndɛnebualɛ Sua ne anzi la, bɛzile ye kɛ ɛhendeɛ ne mɔ ala la. Eza ɔzile sua ɛhye ala bie ɔmanle Yigyibiti belemgbunli ne ara raalɛ ne mɔɔ yegya ye la.

1 Arl 9:24

Akee Yigyibiti belemgbunli ne ara raalɛ ne mɔɔ Sɔlɔmɔn gyale ye la vile Devidi suakpole ne azo dule hɔdɛnlanle sua ne mɔɔ ɔ hu Sɔlɔmɔn zile manle ye la anu. Sɔlɔmɔn akee manle bɛzoale anwea bɛduale kuma ne mɔɔ la suakpole ne aduduleɛ la.

2 Edk 8:10

Belemgbunli Sɔlɔmɔn mgbanyima mɔɔ nea ye gyima ne mɔ azo la le ɛya nwiɔ abulanlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:43

Ɛkɛ ne yɛɛ mebayia Yizilayɛma, na me anyunlunyia ne bada ade bɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:5

Na Nyamenle zele kɛ, “Mmabikye me; yeye mgbɔlaboa ne mɔɔ ɛwula la, ɔluakɛ azɛlɛ ne mɔɔ ɛgyi zolɛ la le nwuanzanwuanza.”

Yizikeɛle Buluku ne 21:2

Ɔse, “Sonla ra, kakyi ɛ nye wɔ Gyɛlusalɛm na ka Nyamenle edwɛkɛ tia ɛleka nwuanzanwuanza ne mɔ. Ka Nyamenle nrɛlaleɛ ne mɔɔ tia Yizilayɛ azɛlɛ ne la

2 Pit 1:18

Yɛdayɛ yɛdele ɛnelɛ ɛhye yɛ nzo nu kɛ ɔvi anwuma a ɔrale a, ɔluakɛ mekɛ ne anu ɛnee yɛ nee ye a wɔ boka nwuanzanwuanza ne azo a.