2 Edk 7:5 - BAEBOLO ANZƐƐ BULUKU NWUANZANWUANZA

⁵ Belemgbunli Sɔlɔmɔn vale nlankɛ apenle ngoko abulanwiɔ nee nwiɔ yɛɛ mboane apenle ngoko ɛya ko abulanwiɔ a bɔle azu ne a. Yemɔti belemgbunli nee menli ne amuala dule Ɛzonlenlɛ Sua ne manle Nyamenle.

2 Edk 7:5 ပူးပေါင်းရင်းမြစ်များ

1 Edk 29:21

Aleɛ hyenle la bɛhunle nane bɛbɔle azu, bɛdule bɛwulale Ɛdɛnkɛma asa anu, na bɛvale bɛmanle menli ne lile. Eza bɛhunle nlankɛ nyinli apenle, mboane nyinli apenle, yɛɛ mboane mralɛ apenle na bɛyelale bɛ bɛbɔle azu bɛmanle Ɛdɛnkɛma wɔ ye azukponle ne azo. Eza bɛvale nwanye bɛbɔle azu.

2 Edk 1:6

Sɔlɔmɔn hunle nyɛmoa apenle, yelale bɛ bɔle azu wɔ kɔbele azukponle ne mɔɔ gyi ɛleka mɔɔ bɛsonle la anyunlu ɛkɛ ne la azo manle Ɛdɛnkɛma.

2 Edk 15:11

Kenle ko ne bɛbɔle azu bɛmanle Ɛdɛnkɛma. Ninyɛne mɔɔ bɛnyianle bɛ wɔ bɛ konle ne mɔ anu la, bɛvale nuhua nlankɛ ɛya nsuu nee mboane apenle nsuu bɛbɔle azu ne.

2 Edk 2:4

Nea, mesi sua meamaa bɛazonle Ɛdɛnkɛma me Nyamenle ne wɔ nu. Mebadu sua ne meazie ɛkɛ meamaa ye na bɛayela ɛyɛlɛ mɔɔ bɔ evuanlɛ la bɛamaa ye, na yɛava yɛ kpanwo nwuanzanwuanza azubɔdeɛ ne yeamaa ye dahuu. Yɛbayela nane yeabɔ azu wɔ ɛkɛ ne nwonlomɔ nee nɔsolɛ, Ɛnwomenlelielɛ Kenle ne, nee Siane Fofolɛ Ɛvoyialilɛ, yɛɛ ɛvoyia ngakyile mɔɔ ɛha la ɛlilɛ nu. Ɛdɛnkɛma yɛ Nyamenle ne a ɛhyehyɛ na yeyila zolɛ yemaa Yizilayɛma kɛ bɛyɛ ye zɔhane dahuu a.

2 Edk 30:24

Dwuda Belemgbunli Hɛzikaya manle ɛlɔne ne nlankɛ nyinli apenle ko yɛɛ mboane apenle nsuu kɛ bɛva bɛbɔ azu, yɛɛ mgbanyima ne mɔ noko manle ɛlɔne ne nlankɛ nyinli apenle ko yɛɛ mboane apenle bulu. Na sɛlɛvolɛma ne anu dɔɔnwo kpalɛ akee nluanle bɛ nwo.

2 Edk 5:6

Belemgbunli Sɔlɔmɔn nee Yizilayɛma amuala yiale Ngyekyeleɛ Ɛlɛka ne anyunlu ɛkɛ na bɛhunle mboane nee nlankɛ dɔɔnwo kpalɛ mɔɔ bɛngola bɛ tia la bɛbɔle azu.

2 Edk 7:4

Akee belemgbunli ne nee menli ne amuala bɔle azu manle Ɛdɛnkɛma.

2 Edk 7:6

Sɛlɛvolɛma ne gyinlanle ɛleka mɔɔ ɔwɔ kɛ bɛgyinla la, Livaema ne noko gyinlanle bɛ bo zo ne na bɛvale edwɛnedolɛ nwo ninyɛne mɔɔ Belemgbunli Devidi vale manle bɛ la bɛdole edwɛne bɛyeyɛle Ɛdɛnkɛma kɛ, “Ye ɛhulolɛ kpundii ne wɔ ɛkɛ ne dahuu.” Sɛlɛvolɛma ne bɔle aweɛne ndendenle nu na menli ne amuala dwazole gyinlanle.

Yizikeɛle Buluku ne 45:17

Ɔle belemgbunli ne gyima kɛ ɔwɔ kɛ ɔfa ɛyelalɛ azubɔdeɛ ne mɔ, ma azubɔdeɛ ne mɔ nee nza azubɔdeɛ ne mɔ ɔmaa, wɔ ɛvoyia ne mɔ ɛlilɛ nu. Ɛvoyia ne mɔ a le Siane fofolɛ nee Ɛnwomenlelielɛ Kenle ne mɔ, nee ɛvoyia mɔɔ ɛha mɔɔ Yizilayɛma di la. Ɔwɔ kɛ ɔfa ɛtane azubɔdeɛ ne mɔ, ma azubɔdeɛ ne mɔ, ɛyelalɛ azubɔdeɛ ne mɔ nee anzonudwolɛ azubɔdeɛ ne mɔ ɔmaa na bɛfa bɛyɛ Yizilayɛma ati mgbɔdalɛ nzɛlɛlɛ.”

Maeka Buluku ne 6:7

Asoo Ɛdɛnkɛma anye bazɔ mboane nyinli apenle apenle nee nwole mɔɔ se kɛ azule apenle bulu se la? Asoo menva me belamunli ralɛ mendua me ɛtane ne mɔ anwo kakɛ?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:10

Kenle mɔɔ bɛkpokpale azukponle ne nwole la, mgbanyima ne mɔ vale azubɔlɛ ninyɛne raguale azukponle ne anyunlu kɛ bɛva bɛdu azukponle ne bɛmaa Ɛdɛnkɛma.

Dw 10:22

Ɛyɛlɛ mekɛ ne dwule la ɛnee bɛlɛdi Ɛzonlenlɛ Sua ne Ɛnluanlɛ Ɛvoyia ne wɔ Gyɛlusalɛm.