2 Edk 7:3 - BAEBOLO ANZƐƐ BULUKU NWUANZANWUANZA

³ Mekɛ mɔɔ Yizilayɛma nwunle senle ne kɛ ɔvi anwuma yerayela azubɔlɛ ninyɛne ne mɔ nee Ɛdɛnkɛma anyunlunyia ne mɔɔ ɛyi Ɛzonlenlɛ Sua ne la, bɛbutubutule bɛ nye aze na bɛyeyɛle Ɛdɛnkɛma, bɛyɛle ye mo kɛ, “Ɔle kpalɛ, ɔluakɛ ye ɛhulolɛ kpundii ne wɔ ɛkɛ ne dahuu.”

2 Edk 7:3 ပူးပေါင်းရင်းမြစ်များ

1 Arl 18:39

Menli ne amuala nwunle ɛhye la bɛbutubutule na bɛzele kɛ, “Ɛdɛnkɛma, yemɔ a ɔle Nyamenle a; Ɛdɛnkɛma, yemɔ a ɔle Nyamenle a.”

1 Edk 16:34

Bɛyɛ Ɛdɛnkɛma mo, ɔboalekɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ ne dahuu. Gyɛ 33.11

1 Edk 16:41

Bɛdabɛ mɔɔ bɛboa la a le Himan nee Gyɛdutɛn, yɛɛ bɛdabɛ mɔɔ bɛboɔboale bɛyele bɛ, bɛbobɔle bɛ aluma kɛ bɛyɛ Ɛdɛnkɛma mo la, ɔluakɛ ye ɛhulolɛ kpundii ne wɔ ɛkɛ dahuu.

1 Edk 29:20

Akee Devidi zele ɛlɔne mɔɔ ɛyia la kɛ, “Bɛye Ɛdɛnkɛma bɛ Nyamenle ne ayɛlɛ.” Na menli ne amuala yeyɛle Ɛdɛnkɛma, bɛ nlenya mɔ Nyamenle ne. Bɛbɔle bɛ ti aze bɛzonlenle Ɛdɛnkɛma na bɛvale enililɛ bɛmanle belemgbunli ne.

2 Edk 20:18

Akee Belemgbunli Gyɛhɔhyafate bɔle ɔ ti aze, ɔvale ɔ nyunlu ɔbutule aze, na Dwudama nee bɛdabɛ mɔɔ bɛwɔ Gyɛlusalɛm la amuala dule guale Ɛdɛnkɛma anyunlu na bɛzonlenle ye.

2 Edk 20:21

Akee ɔ nee menli ne bɛhanle bɛ ti bɛkpulale nwolɛ na ɔyele menli mɔɔ ɛwula ɛzonlenlɛ adɛladeɛ ɛli ɛlɔnema ne ati la, na ɔzele bɛ kɛ bɛdo edwɛne bɛmaa Ɛdɛnkɛma na bɛye ye ayɛlɛ bɛze kɛ, “Bɛyɛ Ɛdɛnkɛma mo, ɔluakɛ ye ɛhulolɛ kpundii ne ɛnlɛ awieleɛ.”

2 Edk 29:28

Menli ne amuala yɛle nzɛlɛlɛ ne bie. Edwɛndolɛma ne dole edwɛne, yɛɛ menli mɔɔ bɔ aweɛne ndendenle ne la bɔle. Ɛhye mɔ hɔle zolɛ toonwo ɛyelalɛ azubɔlɛ ne wiele.

2 Edk 29:29

Bɛwiele azu ne bɔ la, belemgbunli ne nee bɛdabɛ mɔɔ bɛwɔ ɛkɛ ne la amuala dule guale na bɛzonlenle Ɛdɛnkɛma.

2 Edk 29:30

Na Belemgbunli Hɛzikaya nee ye mgbanyima ne zele Livaema ne kɛ bɛdo edwɛne ne mɔɔ Belemgbunli Devidi nee Esafe yɛle la bie bɛyeyɛ Ɛdɛnkɛma. Na bɛvale anyelielɛ bɛdole edwɛne, bɛbɔle bɛ ti aze bɛyeyɛle Ɛdɛnkɛma.

Ɛzela Buluku ne 3:11

Bɛdole ayɛlɛyelɛ nee moyɛlɛ edwɛne bɛmanle Ɛdɛnkɛma bɛzele kɛ, “Ɛdɛnkɛma le kpalɛ, ye ɛhulolɛ kpundii ne wɔ ɛkɛ maa Yizilayɛma dahuu.” Menli ne amuala deanle nu yele Ɛdɛnkɛma ayɛlɛ, ɔboalekɛ bɛbɔ Ɛdɛnkɛma Ɛzonlenlɛ Sua ne adiabo ɛwulalɛ gyima ne abo.

Edwɛndolɛ Buluku ne 100:5

Ɔluakɛ Ɛdɛnkɛma le kpalɛ; ye ɛhulolɛ kpundii ne wɔ ɛkɛ ne dahuu, yɛɛ ye nɔhalɛlilɛ dwu awolɛndoazo muala anwo zo. Gyɛ 33.11

Edwɛndolɛ Buluku ne 103:17

Ɛdɛnkɛma ɛhulolɛ kpundii ne wɔ ɛkɛ dahuu maa bɛdabɛ mɔɔ bɛsulo ye la, ye tenleneyɛlɛ ne wɔ ɛkɛ maa awolɛndoazo kɔsɔɔti.

Edwɛndolɛ Buluku ne 106:1

Bɛye Ɛdɛnkɛma ayɛlɛ! O bɛyɛ Ɛdɛnkɛma mo, ɔluakɛ ɔle kpalɛ; ye ɛhulolɛ kpundii ne wɔ ɛkɛ ne dahuu. Gyɛ 33.11

Edwɛndolɛ Buluku ne 107:1

O bɛyɛ Ɛdɛnkɛma mo, ɔluakɛ ɔle kpalɛ; ye ɛhulolɛ kpundii ne wɔ ɛkɛ ne dahuu. 136.1; Gyɛ 33.11

Edwɛndolɛ Buluku ne 118:1

O bɛyɛ Ɛdɛnkɛma mo, ɔluakɛ ɔle kpalɛ; ye ɛhulolɛ kpundii ne wɔ ɛkɛ dahuu. 136.1; Gyɛ 33.11

Edwɛndolɛ Buluku ne 95:6

O bɛrɛla, bɛmaa yɛbɔ yɛ ti aze yɛzonle ye; bɛmaa yɛhoto Ɛdɛnkɛma, yɛ Bɔvolɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:31

Na menli ne liele lile. Mɔɔ bɛdele kɛ Ɛdɛnkɛma ɛrakpɔla ye menli Yizilayɛma na yenwu bɛ amaneɛnwunlɛ ne la, bɛbɔle bɛ ti aze bɛyeyɛle ye.

Ayezaya Buluku ne 63:7

Mebaha Ɛdɛnkɛma ɛhulolɛ kpundii ne anwo edwɛkɛ; mebaye Ɛdɛnkɛma ayɛlɛ wɔ mɔɔ yeyɛ yemaa yɛ la amuala anwo, nee boɛ kpole mɔɔ yeyɛ yemaa Yizilayɛma la; ɔyɛle ɔmanle bɛ, kɛmɔ ye anwunvɔnezelɛ ne nee kɛ ye ɛhulolɛ kpundii ne kpole si de la.

Gyɛlɛmaya Buluku ne 33:11

eza bɛ nye ɛlie na bɛlɛdi fɛlɛko; bɛbade atɔfolɛ nrenya ne nee atɔfolɛ raalɛ ne ane; yɛɛ bɛbade edwɛndolɛma ane kɛ bɛlɛfa moyɛlɛ azubɔdeɛ bɛara Ɛdɛnkɛma Ɛzonlenlɛ Sua ne anu. Bɛbaha kɛ: ‘Bɛva moyɛlɛ bɛmaa Tumivolɛ Ɛdɛnkɛma, ɔluakɛ Ɛdɛnkɛma le kpalɛ, ye ɛhulolɛ kpundii ne wɔ ɛkɛ dahuu.’ Ɔluakɛ mebamaa maanle ne azia akpazi. Medame Ɛdɛnkɛma a mese a.” 118.1; 136.1

Sɛlɛ 9:24

Na senle vi Ɛdɛnkɛma ɛkɛ ne rayelale ɛyelalɛ azubɔdeɛ ne nee nane ɛnlome ne mɔɔ wɔ azukponle ne azo la. Menli ne amuala nwunle ye la, bɛdeɛdeanle nuhua na bɛbutubutule bɛ nye aze.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:5

Mosisi nee Aalɔn dule guale Yizilayɛma ne anyunlu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:22

Na Mosisi nee Aalɔn dule guale mutule nu na bɛhanle kɛ, “O Nyamenle, menli kɔsɔɔti bɛ Nyamenle, na saa sonla ko yɛ ɛtane a, ɛnee ɔwɔ kɛ ɛfa ɛlɔne ne anwo ɛya ɔ?”

Edwɛkpa ne kɛmɔ Luku hɛlɛle la 1:50

mekɛ biala ɔse bɛdabɛ mɔɔ bɛsulo ye la anwunvɔne.