2 Edk 7:20 - BAEBOLO ANZƐƐ BULUKU NWUANZANWUANZA

²⁰ yemɔ mebadu bɛ meavi azɛlɛ ne mɔɔ meva memaa bɛ la azo, na meakpo Ɛzonlenlɛ Sua ɛhye mɔɔ medu memaa me nwo kɛ nuhua a ɔwɔ kɛ bɛsonle me la, na meamaa yeayɛ ɛrɛlɛ nee ɛfenle wɔ menli kɔsɔɔti anloa anu.

2 Edk 7:20 ပူးပေါင်းရင်းမြစ်များ

1 Arl 14:15

Ɛdɛnkɛma badea Yizilayɛma, ɔbakpusu bɛ kɛ ndɔ mɔɔ gyigyi azule nu la na yeadudu bɛ bɛ bo yeavi azɛlɛ kɛnlɛma ye mɔɔ ɔvale ɔmanle bɛ ze mɔ la azo. Ɔbabɔ bɛ asande wɔ azule Yufileti anzi lɔ, ɔboalekɛ bɛha Ɛdɛnkɛma ɛya kɛ bɛyɛ bɛ bozonle raalɛ Ahyela mmonle bɛsɔ la.

1 Arl 9:7

mebadu me menli Yizilayɛma meavi azɛlɛ ne mɔɔ meragua bɛ zo la azo. Eza mebaye me nye wɔ sua ne mɔɔ meyila zolɛ kɛ bɛzonle me wɔ nuhua la azo. Na menli kɔsɔɔti banwu kɛ Yizilayɛma ɛyɛ mgbane na bɛazele bɛ.

2 Arl 17:20

Na Ɛdɛnkɛma kpole Yizilayɛ abo zo amra ne kɔsɔɔti, ɔyele bɛ ɔmanle bɛ kpɔvolɛma deanle bɛ atisesebɛ nu ɔhɔdwule kɛ akee bɛ bo zo bɔle bɔkɔɔ la.

2 Edk 36:19

Bɛdole senle Ɛzonlenlɛ Sua ne anu, na bɛbubule Gyɛlusalɛm bane ne mɔ, na bɛyelale Belemgbunli suakunlu ɛkɛ ne, bɛzɛkyele ye ninyɛne ngɛnlɛma mɔɔ sonle bolɛ la amuala.

Edwɛndolɛ Buluku ne 44:14

Wɔmaa yɛyɛ ɛfenle yɛmaa maanle maanle, yɛ nwo yɛ menli kɔsɔɔti ɛzelekɛ.

Edwɛndolɛ Buluku ne 52:5

Yemɔti Nyamenle babubu wɔ dwɔkɔdwɔkɔ; ɔbaye wɔ yeavi wɔ sua nu; ɔbadu wɔ yeavi teasema azɛlɛ zo.

Gyɛlɛmaya Buluku ne 12:17

Na maanle biala mɔɔ andie me ne la, mebadu ye meabɔ ɔ bo zo. Medame Ɛdɛnkɛma a mese a.”

Gyɛlɛmaya Buluku ne 16:13

Ɛhye ati mebaye bɛ azɛlɛ ɛhye azo meahɔgua azɛlɛ mɔɔ bɛmɛ anzɛɛ bɛ ze mɔ ɛnze zolɛ la azo. Ɛkɛ ne, bɛbazonle nyamenle gyɛne gyɛne alehyenlɛ nee aledwolɛ: na menrɛze bɛ anwunvɔne fee.”

Gyɛlɛmaya Buluku ne 18:7

Mekɛ biala mɔɔ menwɔze kɛ mebadu maanle bie meahakyi ye, mebagologolo ye anzɛɛ mebabɔ ye la,

Gyɛlɛmaya Buluku ne 22:8

“Ɛhye anzi nyɛvolɛ dɔɔnwo vi maanle maanle zo baraze ɛkɛ na bɛbaha bɛahile bɛ nwo ngoko kɛ, ‘Duzu ati a Ɛdɛnkɛma ɛdea suakpole ɛhye zɛhae ɛ?’

Gyɛlɛmaya Buluku ne 24:9

Mebazɛkye bɛ meamaa yeayɛ maanle maanle amuala ɛzulolɛ. Menli bazi bɛ amgbu, agolo bɛ nwo, agua bɛ nyunlu aze, ava bɛ duma apɛ ɛfenle wɔ ɛleka biala mɔɔ menwɔmaa bɛkɛhɔgua bɛ la.

Gyɛlɛmaya Buluku ne 31:28

Na ɔbara kɛ, kɛmɔ menlea bɛ memaa bɛdudu bɛ na bɛbubu bɛ bɛgua, bɛbutu maanle ne anye aze, bɛzɛkyezɛkye ninyɛne, na munzule ɛdo bɛ la, zɔhane ala yɛɛ mebanlea bɛ meamaa bɛasisi azua na bɛalua ninyɛne a.

Gyɛlɛmaya Buluku ne 44:8

Duzu ati a bɛfa bɛ sa anloa gyima bɛka me ɛya, bɛkpu ɛyɛlɛ bɛmaa Yigyibiti ɛke mɔɔ bɛradɛnla la nyamenle ne mɔ na bɛsonle bɛ, amaa meazɛkye bɛ na bɛayɛ amowa nee agolobɛnwo menli wɔ maanle maanle mɔɔ wɔ ewiade la avinli ɛ?

Gyɛlɛmaya Buluku ne 45:4

“Ɛdɛnkɛma se menga mengile wɔ kɛ, ‘Nea, melɛbubu mɔɔ mezi la meagua, yɛɛ mɔɔ melua la, melɛtudu meagua. Mebayɛ ɛhye wɔ aleɛabo ɛleka biala.

Yizikeɛle Buluku ne 7:24

mebamaa maanle mɔɔ ati yɛ se kpalɛ la arava bɛ azua ne mɔ. Mebamaa bɛ anwosesebɛ ne mɔɔ bɛfa bɛtu bɛ nwo la aha aze, na evinli aha bɛ ɛleka nwuanzanwuanza ne mɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 32:15

Saa bɛandoa ɔ bo zo na bɛkakyi bɛ nzi bɛsi ye a, eza ɔbakpo bɛ wɔ fienemgbole ye anu, na ɛnee bɛbamaa menli ne amuala adɔ gyebilisanza.”

Mɛla 28:37

Na ɔbayɛ maanle ne mɔɔ bɛ nee bɛ bahɔ nu la anu amra azibɛnwo, na yeayɛ ɛrɛlɛ nee ɛfenle wɔ menli nloa.

Mɛla 29:28

Ɛdɛnkɛma eza vale ɛya dule bɛ azɛlɛ ne azo na ɔmanle bɛvale bɛ bɛhɔle maanle gyɛne nu, kɛmɔ kɛkala ɔde la.’

Dwuudu Kɛlata ne 1:12

Bɛle kɛ andɔma anzɛɛ atasonlɛ wɔ mediema ɛhulolɛ ɛkponledolɛ bo; bɛno nza bɛbo, bɛbɔ bɛ nwo anyiemgba. Bɛdwenle bɛ ngome bɛ nwo ala. Bɛle kɛ amungu mɔɔ nzule ɛnle nu la ati, anwoma maa ɔdi akɔneaba. Bɛle kɛ bokile mgbenleɛ mbaka mɔɔ anzo ma la. Bɛtudu bɛ bɛ bo nee bɛ ndinli ne mɔ amuala na bɛwu bɔkɔɔ.