Saa ɛyɛ tieyɛ ɛmaa me bɔkɔɔ, ɛdi me mɛla zo, na ɛyɛ mɔɔ menwɔze wɔ la, ɛsɔ me nye, kɛmɔ me akɛlɛ Devidi yɛle la a, me nee wɔ badɛnla dahuu; ɛbazie Yizilayɛma na ɛ mra ali ebia ne, kɛmɔ menyɛle memanle Devidi la.
na di gyima mɔɔ Ɛdɛnkɛma wɔ Nyamenle ne ɛze wɔ kɛ ɛli la. Dua ye adenle ne azo, di ye mɛla ne mɔ nee ye ngyehyɛlɛ ne mɔ azo, kɛmɔ bɛhɛlɛ bɛ wɔ Mosisi mɛla buluku ne anu la, amaa wɔ ɛbɛlabɔlɛ ne adenrɛ na wɔakpazi wɔ adenle nee nyɛleɛ biala anu.
O Ɛdɛnkɛma, Yizilayɛ Nyamenle, eza ɛbɔle Egya Devidi ɛwɔkɛ kɛ, ‘Saa ɛ mra mrenya ne mɔ nea boɛ, na bɛtoa me bo zo nɔhalɛ nu, kɛmɔ wɔdoa me nɔhalɛ nu la a, Yizilayɛ ebialilɛ ne ɛnrɛvi ɛ bo zo amra asa anu ɛlɛ.
Akee ɔzele Sɔlɔmɔn kɛ, “Me ra, mese wɔ kɛ, die ɛ ze Nyamenle ne to nu na fa wɔ ahonle muala nee adwenle mɔɔ di munli la sonle ye. Ɔze yɛ adwenle nee mɔɔ yɛkpondɛ la. Saa ɛkɔ ye ɛkɛ ne a, ɔbalie wɔ. Na saa ɛkakyi ɛ nzi ɛsi ye a, ɔbakpo wɔ bɔkɔɔ.
Yemɔti, O Ɛdɛnkɛma, Yizilayɛ Nyamenle, mesɛlɛ wɔ, di wɔ ɛwɔkɛ mɔɔ ɛha la azo, ɛwɔkɛ ne mɔɔ ɛbɔle me ze Devidi kɛ saa ɔ bo zo amra di wɔ mɛla ne mɔ azo na bɛyɛ tieyɛ bɛmaa wɔ kɛmɔ ɔdaye Devidi ɔyɛle la a, dahuu bɛ bie bali belemgbunli azie Yizilayɛma la.
Ɔluakɛ kɛkala, meva Ɛzonlenlɛ Sua ɛhye na medu ye mezie ɛkɛ memaa me nwo mekɛ biala kɛ nuhua yɛɛ ɔwɔ kɛ bɛsonle me a. Me nye nee me ahonle bawoa ɛkɛ ne mekɛ biala.
“Tumivolɛ Ɛdɛnkɛma se: Saa ɛdua me ndenle ne mɔ anu na ɛyɛ gyima mɔɔ meva memaa wɔ la a, ɛbanlea me Ɛzonlenlɛ Sua nu ɛke na wɔanlea me awuke ne mɔ azo, na meamaa wɔ adenle wɔ menli mɔɔ gyi ɛke la avinli.
“Awie biala mɔɔ kɛlie me mɛla ne mɔ na ɔkɛli zolɛ la, yemɔ a kulo me a. Egya bahulo awie biala mɔɔ kulo me la, na medame noko mebahulo ye na meaye me nwo meahile ye.”
Yemɔti bɛli ye mɛla nee ye ngyehyɛlɛ ne mɔ mɔɔ melɛfa meamaa bɛ ɛnɛ la azo, amaa yeayɛ kpalɛ yeamaa bɛ nee bɛ bo zo amra mɔɔ bara la. Bɛyɛ ye zɔhane a, bɛbanyi bɛahyɛ wɔ azɛlɛ ne mɔɔ Ɛdɛnkɛma bɛ Nyamenle ne ɛlɛfa amaa bɛ bɔkɔɔ la azo.”